Tuesday, 21st January 2020

Recent News

ನನ್ನನ್ನು ಕೊಲೆ ಮಾಡು – ಪತ್ನಿ ಬಳಿ ಬೇಡಿಕೆಯಿಟ್ಟ ರಣ್‍ವೀರ್

ಮುಂಬೈ: ಬಾಲಿವುಡ್ ನಟ ರಣ್‍ವೀರ್ ಸಿಂಗ್ ನನ್ನನ್ನು ಕೊಲೆ ಮಾಡು ಎಂದು ತನ್ನ ಪತ್ನಿ, ನಟಿ ದೀಪಿಕಾ ಪಡುಕೋಣೆ ಅವರ ಬಳಿ ಬೇಡಿಕೆ ಇಟ್ಟಿದ್ದಾರೆ.

ದೀಪಿಕಾ ತಮ್ಮ ಇನ್‍ಸ್ಟಾದಲ್ಲಿ ಫೋಟೋವೊಂದನ್ನು ಪೋಸ್ಟ್ ಮಾಡಿದ್ದರು. ಈ ಫೋಟೋಗೆ ಅಲಿಯಾ ಭಟ್ ಸೇರಿದಂತೆ ಹಲವು ಕಲಾವಿದರು ಹಾಗೂ ಅಭಿಮಾನಿಗಳು ಕಮೆಂಟ್ ಮಾಡಿ ಮೆಚ್ಚುಗೆ ವ್ಯಕ್ತಪಡಿಸಿದ್ದರು. ಇನ್ನು ರಣ್‍ವೀರ್ ಸಿಂಗ್ ಕೂಡ ಈ ಪೋಸ್ಟ್ ಗೆ ನನ್ನನ್ನು ಕೊಲೆ ಮಾಡು ಎಂದು ಕಮೆಂಟ್ ಮಾಡಿದ್ದಾರೆ.

 

View this post on Instagram

 

Tadaaaaa!!!💁🏽‍♀️

A post shared by Deepika Padukone (@deepikapadukone) on

ಶಾರ್ಟ್ ಹೇರ್ ಸ್ಟೈಲ್‍‍ನಲ್ಲಿ ದೀಪಿಕಾ ಸೆಲ್ಫಿ ಕ್ಲಿಕ್ಕಿಸಿಕೊಂಡು ಅದನ್ನು ಇನ್‍ಸ್ಟಾದಲ್ಲಿ ಹಂಚಿಕೊಂಡಿದ್ದಾರೆ. ಅಲ್ಲದೆ ಅದಕ್ಕೆ “ತಾಡಾ” ಎಂದು ಬರೆದುಕೊಂಡಿದ್ದಾರೆ. ದೀಪಿಕಾ ಅವರ ಸೆಲ್ಫಿಗೆ ರಣ್‍ವೀರ್ ಫಿದಾ ಆಗಿದ್ದು, ಕಮೆಂಟ್ ಮಾಡುವ ಮೂಲಕ ಪತ್ನಿಯ ಸೌಂದರ್ಯವನ್ನು ಹೊಗಳಿದ್ದಾರೆ.

ರಣ್‍ವೀರ್ ಅಲ್ಲದೆ ನಟಿ ಅಲಿಯಾ ಭಟ್ ‘ಬ್ಯೂಟಿ’ ಎಂದು ಕಮೆಂಟ್ ಮಾಡಿದರೆ, ಇತ್ತ ಫರಾ ಖಾನ್ ‘ತುಂಬಾ ಚೆನ್ನಾಗಿದೆ’ ಎಂದು ಕಮೆಂಟ್ ಮಾಡಿದ್ದಾರೆ. ಅಲ್ಲದೆ ನಟಿ ಎವಲಿನ್ ಶರ್ಮಾ ‘ಲವ್’ ಎಂದು ಕಮೆಂಟ್ ಮಾಡಿ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

ರಣ್‍ವೀರ್ ನಟನೆಯ ಟೀಂ ಇಂಡಿಯಾದ ಮಾಜಿ ನಾಯಕ ಕಪಿಲ್ ದೇವ್ ಜೀವನಾಧರಿತ ’83’ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ರಣ್‍ವೀರ್ ಗೆ ನಾಯಕಿಯಾಗಿ ದೀಪಿಕಾ ಪಡುಕೋಣೆ ಅಭಿನಯಿಸುತ್ತಿದ್ದಾರೆ. ಇತ್ತ ದೀಪಿಕಾ ನಟನೆಯ `ಚಾಪಕ್’ ಚಿತ್ರ ಬಿಡುಗಡೆಗೆ ಸಿದ್ಧಗೊಂಡಿದೆ.

Leave a Reply

Your email address will not be published. Required fields are marked *