ಪಶು ವಿವಿಯಲ್ಲಿ ಕಿಂಗ್ ಫಿಶರ್ ಬಿಯರ್ ಬಾಕ್ಸ್ – ವಿಸಿಗೆ ಸಚಿವರಿಂದ ತರಾಟೆ

Public TV
1 Min Read
BDR MINISTER THARTE 3 WEB

– ನೀವಿಲ್ಲಿ ಪಾಠ ಮಾಡ್ತಿರೋ ಅಥವಾ ಪಾರ್ಟಿ ಮಾಡ್ತಿರೋ

ಬೀದರ್: ಪಶು ವೈದ್ಯಕೀಯ, ಮೀನುಗಾರಿಕೆ ವಿಜ್ಞಾನಿಗಳ ವಿಶ್ವವಿದ್ಯಾಲಯದಲ್ಲಿ ಕಿಂಗ್ ಫಿಶರ್ ಬಿಯರ್ ನ  ಖಾಲಿ ಬಾಕ್ಸ್ ಗಳು ಪತ್ತೆಯಾಗಿವೆ. ಇದನ್ನು ಕಂಡು ಪಶು ಸಂಗೋಪನಾ ಸಚಿವ ಪ್ರಭು ಚೌಹಾಣ್ ಕೆಂಡಾಮಂಡಲರಾಗಿದ್ದು, ಉಪಕುಲಪತಿ ನಾರಾಯಣ ಸ್ವಾಮಿಯ ಅವರನ್ನು ತರಾಟೆ ತೆಗೆದುಕೊಂಡಿದ್ದಾರೆ.

BDR MINISTER THARTE 5

ಕಮಠಾಣಾ ಬಳಿಯ ಪಶು ವೈದ್ಯಕೀಯ, ಮೀನುಗಾರಿಕೆ ವಿಜ್ಞಾನಿಗಳ ವಿವಿಗೆ ಸಚಿವರು ದಿಢೀರ್ ಭೇಟಿ ನೀಡಿದ್ದ ವೇಳೆ ಕಿಂಗ್ ಫಿಶರ್ ಖಾಲಿ ಕಾಟನ್ ಬಾಕ್ಸ್ ಪತ್ತೆಯಾಗಿವೆ. ಈ ವೇಳೆ ಕಾಲೇಜು ಒಳಗಡೆ ಕಿಂಗ್ ಫಿಶರ್ ಬಾಕ್ಸ್ ಬಂದಿದ್ದು ಹೇಗೆ? ನೀವು ಪಾರ್ಟಿ ಮಾಡ್ತಿರಾ ಎಂದು ಉಪಕುಲಪತಿಯವರನ್ನು ಪ್ರಶ್ನಿಸಿದ್ದಾರೆ.

ಪಶು ವಿವಿ ಅಧಿಕಾರಿಗಳ ವಿರುದ್ಧ ಕೆಂಡಾಮಂಡಲರಾಗಿದ್ದು, ಕಿಂಗ್ ಫಿಶರ್ ಕಾಟನ್ ಬಾಕ್ಸ್ ಗಳನ್ನು ನೋಡಿ ಉಪಕುಲಪತಿ ನಾರಾಯಣ ಸ್ವಾಮಿಯವರಿಗೆ ತರಾಟೆ ತೆಗೆದುಕೊಂಡಿದ್ದಾರೆ. ಇದಕ್ಕೆ ಉತ್ತರಿಸಿದ ವಿಸಿ ಬೇರೆ ವಸ್ತುಗಳನ್ನು ಪ್ಯಾಕ್ ಮಾಡುವಾಗ ಇಂತಹ ಬಾಕ್ಸ್‍ಗಳಲ್ಲೇ ಪ್ಯಾಕ್ ಮಾಡುತ್ತಾರೆ ಎಂದು ಉತ್ತರಿಸಿದ್ದಾರೆ.

BDR MINISTER THARTE 2

ಇಷ್ಟಕ್ಕೇ ಸುಮ್ಮನಾಗದ ಸಚಿವರು, ಕಾಲೇಜಿನಲ್ಲಿ ಕಿಂಗ್ ಫಿಶರ್ ಬಾಟಲ್ ಬಾಕ್ಸ್ ಬಂದಿದ್ದು ಹೇಗೆ ಎಂದು ಫುಲ್ ಗರಂ ಆಗಿದ್ದಾರೆ. ನೋಡಿ ಇದರ ಮೇಲೆ ಕಿಂಗ್ ಫಿಶರ್ ಮೈಲ್ಡ್ ಬಿಯರ್ ಎಂದು ಬರೆದಿದೆ. ನೀವು ಇಲ್ಲಿ ಪಾಠ ಮಾಡುತ್ತೀರೋ ಅಥವಾ ಪಾರ್ಟಿ ಮಾಡುತ್ತಿರೋ ಎಂದು ಪ್ರಶ್ನಿಸಿ ಕೆಂಡಾಮಂಡಲರಾಗಿದ್ದಾರೆ.

Share This Article
Leave a Comment

Leave a Reply

Your email address will not be published. Required fields are marked *