– ಸೈನಿ ತಯಾರಿಸಿ ಫ್ರೂಟ್ ಸ್ಮೂಥಿ ಕುಡಿದ ಮನೀಶ್ ಖುಷ್
ವೆಲ್ಲಿಂಗ್ಟನ್: ಭಾರತೀಯ ಕ್ರಿಕೆಟ್ ತಂಡದ ಯುವ ವೇಗದ ಬೌಲರ್ ನವದೀಪ್ ಸೈನಿ ಉತ್ತಮ ಬೌಲಿಂಗ್ ಪ್ರದರ್ಶನದ ಮೂಲಕ ಮಿಂಚುತ್ತಿದ್ದಾರೆ. ನ್ಯೂಜಿಲೆಂಡ್ ವಿರುದ್ಧದ ಟಿ20 ಸರಣಿಯ ನಾಲ್ಕನೇ ಪಂದ್ಯಕ್ಕೆ ರೋಚಕ ತಿರುವು ನೀಡಿದ್ದ ಸೈನಿ ತಮ್ಮ ಸೂಪರ್ ಫುಡ್ ರಿವೀಲ್ ಮಾಡಿದ್ದಾರೆ.
ನವದೀಪ್ ಸೈನಿ ಫ್ರೂಟ್ ಸ್ಮೂಥಿ ತಯಾರಿಸಿ ಕನ್ನಡಿಗ, ಬ್ಯಾಟ್ಸ್ಮನ್ ಮನೀಶ್ ಪಾಂಡೆಗೆ ನೀಡಿದ ವಿಡಿಯೋವೊಂದನ್ನು ಬಿಸಿಸಿಐ ಟ್ವೀಟ್ ಮಾಡಿದೆ. ‘ನಾನು ಈಗ ಫ್ರೂಟ್ ಸ್ಮೂಥಿ ತಯಾರಿಸುತ್ತಿವೆ. ಇದಕ್ಕೆ ಎರಡು ಟೀ ಸ್ಪೂನ್ ಪ್ರೋಟೀನ್, ಒಂದು ಬಾಳೆಹಣ್ಣು, ಒಂದು ಸೇಬು, ಡ್ರೈಫ್ರೂಟ್ ಹಾಗೂ ಸ್ವಲ್ಪ ನೀರು ಹಾಕಿ ಮಿಕ್ಸ ಮಾಡಬೇಕು ಎಂದು ಸೈನಿ ತಿಳಿಸಿದ್ದಾರೆ. ಇದನ್ನೂ ಓದಿ: ಸೈನಿ, ಶಾರ್ದೂಲ್, ರಾಹುಲ್, ಪಾಂಡೆ ಕಮಾಲ್- ಸೂಪರ್ ಓವರಿನಲ್ಲಿ ಮತ್ತೆ ಭಾರತಕ್ಕೆ ಜಯ
Navdeep Saini reveals his superfood as he makes fruit smoothie for @im_manishpandey.💪😎
Watch to know how it turned out. pic.twitter.com/J9PKsLCjaB
— BCCI (@BCCI) February 1, 2020
ಸೈನಿ ತಾವು ತಯಾರಿಸಿದ ಫ್ರೂಟ್ ಸ್ಮೂಥಿಯನ್ನು ಮನೀಶ್ ಪಾಂಡೆಗೆ ನೀಡಿದ್ದಾರೆ. ಅದನ್ನು ಕುಡಿದ ಮನೀಶ್, ಪಾಂಡೆ ಬಹುದಿನಗಳ ನಂತರ ರುಚಿಕರವಾದ ಫ್ರೂಟ್ ಸ್ಮೂಥಿ ಕುಡಿದೆ. ಥ್ಯಾಂಕ್ಸ್ ಸೈನಿ ಎಂದು ತಿಳಿಸಿದ್ದಾರೆ.
ನ್ಯೂಜಿಲೆಂಡ್ ವಿರುದ್ಧದ ಟಿ20 ಸರಣಿಯ ನಾಲ್ಕನೇ ಪಂದ್ಯದಲ್ಲಿ ಮನೀಶ್ ಪಾಂಡೆ ಆರನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್ ಮಾಡಿ ಔಟಾಗದೆ 50 ರನ್ (36 ಎಸೆತ, 3 ಬೌಂಡರಿ) ಗಳಿಸಿ ತಂಡದ ಮೊತ್ತವನ್ನು ಏರಿಸಿದ್ದರು. ಇನಿಂಗ್ಸ್ ಅಂತ್ಯದಲ್ಲಿ ಯಜುವೇಂದ್ರ ಚಾಹಲ್ 1 ರನ್ ಹಾಗೂ ನವದೀಪ್ ಸೈನಿ ಔಟಾಗದೆ 11 ರನ್ ಗಳಿಸಿದ್ದರು. ಈ ಮೂಲಕ ಟೀಂ ಇಂಡಿಯಾ ನಿಗದಿತ 20 ಓವರ್ ಗಳಲ್ಲಿ 8 ವಿಕೆಟ್ಗೆ 165 ರನ್ಗಳ ಸವಾಲಿನ ಮೊತ್ತ ಪೇರಿಸಿತ್ತು.
ಇನ್ನಿಂಗ್ಸ್ ನ ಕೊನೆಯ ಎರಡು ಓವರಿನಲ್ಲಿ ನ್ಯೂಜಿಲೆಂಡ್ ಗೆಲ್ಲಲು 11 ರನ್ ಬೇಕಿತ್ತು. 19ನೇ ಓವರ್ ನವದೀಪ್ ಸೈನಿ ಎಸೆದು ಯಾವುದೇ ವಿಕೆಟ್ ಪಡೆಯದೇ ಕೇವಲ 4 ರನ್ ನೀಡುವ ಮೂಲಕ ಪಂದ್ಯವನ್ನು ರೋಚಕ ಘಟ್ಟಕ್ಕೆ ತಂದು ನಿಲ್ಲಿಸಿದ್ದರು.
