ರಾಂಚಿ: ಭ್ರಷ್ಟಾಚಾರ ನಿಗ್ರಹ ದಳದ ಅಧಿಕಾರಿಯಂತೆ ಬಂದು, 50 ಸಾವಿರ ರೂ. ಬೇಡಿಕೆ ಇಟ್ಟಿದ್ದ ನಕಲಿ ಅಧಿಕಾರಿಗೆ ಮಹಿಳೆಯೊಬ್ಬರು ಹಿಗ್ಗಾಮುಗ್ಗಾ ಥಳಿಸಿದ ಘಟನೆ ಜಾರ್ಖಂಡ್ನಲ್ಲಿ ನಡೆದಿದೆ.
ಜಮ್ಶೆಡ್ಪುರ್ ಮ್ಯಾಗೋ ಪ್ರದೇಶದಲ್ಲಿ ಇಂದು ಬೆಳಗ್ಗೆ ಈ ಘಟನೆ ನಡೆದಿದೆ. ಪೊಲೀಸರ ಎದುರೇ ಮಹಿಳೆ ನಕಲಿ ಅಧಿಕಾರಿಯ ಶರ್ಟ್ ಹಿಡಿದು ಗೂಸಾ ಕೊಟ್ಟಿದ್ದಾಳೆ. ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ.
#WATCH Jamshedpur: A woman thrashed a man, in Mango area, who posed as an Anti-Corruption Bureau Officer and demanded Rs 50,000 from her. The woman called him on the pretext of giving the money to get him arrested. Police is interrogating the man. #Jharkhand pic.twitter.com/98z9YDHOGd
— ANI (@ANI) May 8, 2019
50 ಸಾವಿರ ರೂ. ನೀಡುವಂತೆ ಕೇಳಿದ್ದ ನಕಲಿ ಅಧಿಕಾರಿಗೆ ಹಣ ನೀಡುತ್ತೇನೆ ಇಂದು ಬಾ ಎಂದು ಹೇಳಿದ್ದಳು. ಇತ್ತ ಪೊಲೀಸರಿಗೂ ಮಹಿಳೆ ದೂರು ನೀಡಿದ್ದಳು. ನಕಲಿ ಅಧಿಕಾರಿ ಹಣ ಪಡೆಯಲು ಬಂದ ತಕ್ಷಣ ಆತನನ್ನು ವ್ಯಕ್ತಿಯೊಬ್ಬ ನಡು ರಸ್ತೆಯಲ್ಲಿಯೇ ಥಳಿಸಿದ್ದಾನೆ. ಬಳಿಕ ಮಹಿಳೆ, ನನ್ನ ಜೀವನ್ನೇ ಹಾಳು ಮಾಡಲು ಬಂದಿದ್ಯಾ ಎಂದು ಹೇಳುತ್ತ ಚಪ್ಪಲಿ ಹಿಡಿದು ಹೊಡೆದಿದ್ದಾಳೆ.
ಈ ವೇಳೆ ಸ್ಥಳದಲ್ಲಿಯೇ ಪೊಲೀಸರು ಆರೋಪಿಯನ್ನು ಬಂಧಿಸಿದ್ದಾರೆ. ಈ ಸಂಬಂಧ ವಿಚಾರಣೆ ಆರಂಭಿಸಿದ್ದಾರೆ.
