ಮೋಹಕತಾರೆ ರಮ್ಯಾ (Ramya) ತಮ್ಮ ಅಭಿಮಾನಿಗಳಿಗೆ ತಾವು ಕಂಬ್ಯಾಕ್ ಆಗುವ ಬಗ್ಗೆ ಗುಡ್ ನ್ಯೂಸ್ ಕೊಟ್ಟಿದ್ದಾರೆ. `ಉತ್ತರಕಾಂಡ’ ಚಿತ್ರದಲ್ಲಿ ಡಾಲಿಗೆ (Daali) ನಾಯಕಿಯಾಗಿ ಬರುತ್ತಿದ್ದಾರೆ. ಇದೀಗ Weekend With Ramesh-5 ಶೋನಲ್ಲಿ ರಮ್ಯಾ ಚಿತ್ರದ ಬಗ್ಗೆ ಬಿಗ್ ಅಪ್‌ಡೇಟ್ ಸಿಕ್ಕಿದೆ. ಇದನ್ನೂ ಓದಿ:ಯಾರನ್ನಾದರೂ ಡೇಟ್ ಮಾಡಿ ಎಂದ ಅಭಿಮಾನಿಗೆ ಸಮಂತಾ ಹೇಳಿದ್ದೇನು?
Weekend With Ramesh ಸೀಸನ್ 5ರಲ್ಲಿ ಮೊದಲ ಅತಿಥಿಯಾಗಿ ರಮ್ಯಾ ಎಂಟ್ರಿ ಕೊಟ್ಟಿದ್ದರು. ಸಿನಿಮಾ, ರಾಜಕೀಯ ಅಂತಾ ಹಲವು ವಿಚಾರಗಳನ್ನ ನಟಿ ಹಂಚಿಕೊಂಡರು. ಈ ವೇಳೆ ರಮ್ಯಾ ಕಂಬ್ಯಾಕ್ `ಉತ್ತರಕಾಂಡ’ ಚಿತ್ರದ ನಿರ್ದೇಶಕ ರೋಹಿತ್ ಪದಕಿ ಕೂಡ ಶೋನಲ್ಲಿ ಎಂಟ್ರಿ ಕೊಟ್ಟರು.
ಅಂದುಕೊಂಡಂತೆ ಆಗಿದ್ದರೆ ಈ ಹಿಂದೆಯೇ `ರತ್ನನ್ ಪ್ರಪಂಚ’ ಸಿನಿಮಾದಲ್ಲಿ ರಮ್ಯಾ ನಾಯಕಿಯಾಗಿ ನಟಿಸಬೇಕಿತ್ತು. ಆದರೆ ಕಾರಣಾಂತರಗಳಿಂದ ಅದು ಸಾಧ್ಯವಾಗಲಿಲ್ಲ. ʻಉತ್ತರಾಕಾಂಡʼ ಚಿತ್ರದ ಮೂಲಕ ಡಾಲಿ-ರಮ್ಯಾ ಜೋಡಿಯಾಗಿ ಬರುತ್ತಿದ್ದಾರೆ. ಇದೀಗ ಅಸಲಿ ವಿಚಾರ ಏನೆಂದರೆ, ವೀಕೆಂಡ್ ಟೆಂಟ್‌ನಲ್ಲಿ ರಮೇಶ್ ಅರವಿಂದ್ ಕೇಳಿದ ಪ್ರಶ್ನೆಗೆ ರೋಹಿತ್ ಮೇಜರ್ ಅಪ್‌ಡೇಟ್ ಕೊಟ್ಟಿದ್ದಾರೆ. ʻಟಗರುʼ ಜೋಡಿ ಮತ್ತೆ ಈ ಚಿತ್ರದಲ್ಲಿ ಮೋಡಿ ಮಾಡಲಿದೆ. ಡಾಲಿ ಜೊತೆ ಶಿವಣ್ಣ (Shivanna) ಕೂಡ ಸಿನಿಮಾದಲ್ಲಿ ಅಬ್ಬರಿಸಲಿದ್ದಾರೆ ಎಂಬ ಮಾಹಿತಿಯನ್ನ ಹಂಚಿಕೊಂಡಿದ್ದಾರೆ.
`ಉತ್ತರಕಾಂಡ’ ಸಿನಿಮಾ ಉತ್ತರ ಕರ್ನಾಟಕದಲ್ಲಿ ನಡೆಯುವಂತಹ ಕಥೆಯಾಗಿದ್ದು, ಗ್ಯಾಂಗ್ ವಾರ್ ಕಥೆಯಲ್ಲಿ ರಮ್ಯಾ ಸುತ್ತ ಸುತ್ತುವ ಕಥೆ ಇದಾಗಿದೆ. ಎಲ್ಲವನ್ನೂ ತೂಗಿಸಿಕೊಂಡು ಹೋಗುವ ಪಾತ್ರ ರಮ್ಯಾ ಅವರದಾಗಿರುತ್ತದೆ ಎಂದು ನಿರ್ದೇಶಕ ರೋಹಿತ್ ಪದಕಿ ರಿವೀಲ್ ಮಾಡಿದ್ದಾರೆ. ಎಂದೂ ಮಾಡಿರದ ಪಾತ್ರದಲ್ಲಿ ರಮ್ಯಾ ಈ ಚಿತ್ರದಲ್ಲಿ ಕಾಣಿಸಿಕೊಳ್ತಿದ್ದಾರೆ. ಶಿವರಾಜ್‌ಕುಮಾರ್ ಕೂಡ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಳ್ತಿದ್ದಾರೆ. ಈ ಮೂಲಕ ಡಾಲಿ-ರಮ್ಯಾಗೆ ಶಿವಣ್ಣ ಸಾಥ್ ನೀಡುತ್ತಿದ್ದಾರೆ.
