ಕೊಲಂಬೋ: ಎರಡನೇ ಟೆಸ್ಟ್ ಪಂದ್ಯವನ್ನು ಗೆಲ್ಲಿಸಿಕೊಟ್ಟು ಪಂದ್ಯಶ್ರೇಷ್ಠ ಪ್ರಶಸ್ತಿ ಪಡೆದ ಸ್ಪಿನ್ನರ್ ರವೀಂದ್ರ ಜಡೇಜಾ ಐಸಿಸಿ ನೀತಿ ಸಂಹಿತೆ ಉಲ್ಲಂಘಿಸಿದ್ದಕ್ಕೆ ಒಂದು ಟೆಸ್ಟ್ ಪಂದ್ಯದಿಂದ ಅಮಾನತುಗೊಂಡಿದ್ದಾರೆ.
ನಿಷೇಧ ಹೇರಿದ್ದರಿಂದ ಆಗಸ್ಟ್ 12ರಿಂದ ಪಳ್ಳೆಕೆಲೆಯಲ್ಲಿ ಆರಂಭವಾಗಲಿರುವ ಮೂರನೇ ಟೆಸ್ಟ್ ಪಂದ್ಯದಲ್ಲಿ ರವೀಂದ್ರ ಜಡೇಜಾ ಅವರ ಜಾಗದಲ್ಲಿ ಕುಲ್ದೀಪ್ ಯಾದವ್ ಆಡುವ ಸಾಧ್ಯತೆಯಿದೆ.
ನಿಷೇಧ ಹೇರಿದ್ದು ಯಾಕೆ? 2ನೇ ಟೆಸ್ಟ್ ಮೂರನೇ ದಿನವಾದ ಶನಿವಾರ 58ನೇ ಓವರ್ ಜಡೇಜಾ ಎಸೆಯುತ್ತಿದ್ದರು. ಈ ವೇಳೆ ಸ್ಟ್ರೈಕ್ ನಲ್ಲಿದ್ದ ದಿಮುತ್ ಕರುಣರತ್ನೆ ಬಾಲನ್ನು ಜಡೇಜಾ ಕೈ ಸೇರುವಂತೆ ಹೊಡೆದಿದ್ದರು. ಕೈ ಸೇರುತ್ತಿದ್ದಂತೆ ಬಾಲನ್ನು ನೇರವಾಗಿ ಬ್ಯಾಟ್ಸ್ ಮನ್ ನತ್ತ ಜಡೇಜಾಥ್ರೋ ಮಾಡಿದ್ದರು. ಈ ಬಾಲು ಕರುಣರತ್ನೆಗೆ ತಾಗದೇ ಇದ್ದರೂ ಇದೊಂದು ಅಪಾಯಕಾರಿ ಥ್ರೋ ಎಸೆದ ಕಾರಣ ಐಸಿಸಿ ಜಡೇಜಾ ಅವರನ್ನು ಒಂದು ಪಂದ್ಯದಿಂದ ಅಮಾನತುಗೊಳಿಸಿದೆ. ಅಷ್ಟೇ ಪಂದ್ಯದ ಶೇ.50 ಸಂಭಾವನೆಯನ್ನು ದಂಡವಾಗಿ ವಿಧಿಸಲಾಗಿದೆ.
ಆನ್ ಫೀಲ್ಡ್ ಅಂಪೈರ್ ಎಚ್ಚರಿಕೆ ನೀಡಿದ ಬಳಿಕ ಜಡೇಜಾ ಕ್ಷಮೆ ಕೇಳಿದ್ದರು. ಈ ಘಟನೆಯನ್ನು ಮ್ಯಾಚ್ ರೆಫರಿ ಐಸಿಸಿಗೆ ಮಾಹಿತಿ ನೀಡಿದ್ದರು. ಈ ಪ್ರಕರಣವನ್ನು ಗಂಭೀರವಾಗಿ ಸ್ವೀಕರಿಸಿದ ಐಸಿಸಿ ತನ್ನ 2.2.8 ನೀತಿ ಸಂಹಿತೆ ಅಡಿಯಲ್ಲಿ ಕಠಿಣ ಕ್ರಮವನ್ನು ಕೈಗೊಂಡಿದೆ.
ನೀತಿ ಸಂಹಿತೆ ಏನು ಹೇಳುತ್ತೆ? ಅಂತಾರಾಷ್ಟ್ರೀಯ ಪಂದ್ಯದಲ್ಲಿ ಆಟಗಾರನೊಬ್ಬ ಚೆಂಡನ್ನು (ಅಥವಾ ಕ್ರಿಕೆಟ್ ಆಟಕ್ಕೆ ಬಳಸುವ ಯಾವುದೇ ವಸ್ತು ಉದಾ: ನೀರಿನ ಬಾಟಲ್) ಸಮೀಪದ ಆಟಗಾರ, ಆಟಗಾರರನ ಸಹಾಯಕ್ಕೆ ಧಾವಿಸುವ ಸಿಬ್ಬಂದಿ, ಅಂಪೈರ್, ಪಂದ್ಯದ ರೆಫ್ರೀ ಅಥವಾ ಮೂರನೇ ವ್ಯಕ್ತಿಗೆ ಅಪಾಯಕಾರಿಯಾಗಿ ಎಸೆಯುವಂತಿಲ್ಲ.
ಇದೇ ಮೊದಲಲ್ಲ: ಐಸಿಸಿ ನಿಯಮವನ್ನು ರವೀಂದ್ರ ಜಡೇಜಾ ಉಲ್ಲಂಘನೆ ಮಾಡಿರುವುದು ಇದೇ ಮೊದಲೇನಲ್ಲ. ಈ ಹಿಂದೆ 2016ರ ಆಕ್ಟೋಬರ್ ನಲ್ಲಿ ನ್ಯೂಜಿಲೆಂಡ್ ವಿರುದ್ಧದ ಇಂದೋರ್ ಟೆಸ್ಟ್ ಪಂದ್ಯದ ವೇಳೆಯಲ್ಲೂ ಜಡೇಜಾ ನಿಯಮ ಉಲ್ಲಂಘಿಸಿದ್ದರು. ಈ ಅಪರಾಧಕ್ಕಾಗಿ ಅವರಿಗೆ ಪಂದ್ಯದ ಶೇ.50 ಸಂಭಾವನೆಯನ್ನು ದಂಡವಾಗಿ ವಿಧಿಸಲಾಗಿತ್ತು.
ಭಾರತಕ್ಕೆ ಗೆಲುವು: ಶ್ರೀಲಂಕಾ ವಿರುದ್ಧ ನಡೆಯುತ್ತಿರುವ ಎರಡನೇ ಟೆಸ್ಟ್ ಕ್ರಿಕೆಟ್ ಪಂದ್ಯವನ್ನು ಭಾರತ ಒಂದು ಇನ್ನಿಂಗ್ಸ್ ಮತ್ತು 53 ರನ್ ಗಳಿಂದ ಗೆದ್ದುಕೊಂಡಿದೆ. ಫಾಲೋವನ್ ಹೇರಿದ ಬಳಿಕ ಎರಡನೇ ಇನ್ನಿಂಗ್ಸ್ ನಲ್ಲಿ ಶ್ರೀಲಂಕಾ 116.5 ಓವರ್ ಗಳಲ್ಲಿ 386 ರನ್ ಗಳಿಗೆ ಆಲೌಟ್ ಆಯ್ತು. ಈ ಪಂದ್ಯವನ್ನು ಗೆದ್ದುಕೊಳ್ಳುವ ಮೂಲಕ ಮೂರು ಪಂದ್ಯಗಳ ಸರಣಿಯಲ್ಲಿ ಭಾರತ 2-0 ಅಂತರದಿಂದ ಮುನ್ನಡೆ ಸಾಧಿಸಿದೆ.
ಮೊದಲ ಇನ್ನಿಂಗ್ಸ್ ನಲ್ಲಿ 70 ರನ್ ಹೊಡೆದಿದ್ದ ಜಡೇಜಾ 2 ವಿಕೆಟ್ ಕಬಳಿಸಿದ್ದರು. ಎರಡನೇ ಇನ್ನಿಂಗ್ಸ್ ನಲ್ಲಿ 152 ರನ್ ನೀಡಿ 5 ವಿಕೆಟ್ ಪಡೆಯುವ ಮೂಲಕ ಪಂದ್ಯಶ್ರೇಷ್ಠ ಪ್ರಶಸ್ತಿಗೆ ಭಾಜನರಾಗಿದ್ದರು.
Say cheese! @imjadeja with the Man of the Match award for the 2nd Test #TeamIndia #SLvIND pic.twitter.com/ZJEizvCcvK
— BCCI (@BCCI) August 6, 2017
2-0 #TeamIndia #SLvIND pic.twitter.com/10V1xaOEig
— BCCI (@BCCI) August 6, 2017
India won the 2nd Test by an Innings and 53 runs, and take 2-0 lead in the 3-match series. IND 622/9 decl & SL 183, 386-all out #SLvIND pic.twitter.com/nVRlROeD0I
— Sri Lanka Cricket 🇱🇰 (@OfficialSLC) August 6, 2017
A half-century stand for the fifth wicket helped Sri Lanka reach 300 . SL 307/4 (94.0 Ovs) Sri Lanka trail by 132 runs. @SLvIND pic.twitter.com/rb0j7za4xk
— Sri Lanka Cricket 🇱🇰 (@OfficialSLC) August 6, 2017
Sri Lanka 183-all out trail by 439 runs. Dickwella 51, Ashwin 5/69. India have enforced the follow-on.https://t.co/U9icN1eKqE #SLvIND pic.twitter.com/5ftfQZFhHi
— Sri Lanka Cricket 🇱🇰 (@OfficialSLC) August 5, 2017
Jadeja removes Chandimal early on Day 3, SL 60/3 (24.1 Ovs) Sri Lanka trail by 562 runs. LIVE: https://t.co/U9icN1eKqE (Only in SL) #SLvIND pic.twitter.com/aUirFz1awG
— Sri Lanka Cricket 🇱🇰 (@OfficialSLC) August 5, 2017
Day 2 Stumps: SL 50/2 (20.0 Ov) Chandimal 8*(21), Mendis 16*(48) v IND 622/9d #SLvIND pic.twitter.com/BB2CgVvjFA
— Sri Lanka Cricket 🇱🇰 (@OfficialSLC) August 4, 2017
Ashwin falls after lunch , India 480/6 (130.0 Ovs)Watch LIVE: https://t.co/U9icN1eKqE (Only in SL) #SLvIND pic.twitter.com/FIlrdFLzfO
— Sri Lanka Cricket 🇱🇰 (@OfficialSLC) August 4, 2017
At Stumps, Day 1: India 344/3 (90.0 Ovs) Pujara 128*, Rahane 103*: Partnership: 211(308). #SLvIND pic.twitter.com/eCyW8VTgH4
— Sri Lanka Cricket 🇱🇰 (@OfficialSLC) August 3, 2017
