Thursday, 23rd January 2020

ಗ್ಯಾಂಗ್‍ರೇಪ್ ಮಾಡಿ ಕಾರಿನಿಂದ ತಳ್ಳಿದ್ರು – ದೂರು ನೀಡಿದ್ದ ಯುವತಿಯೇ ಅರೆಸ್ಟ್

ಲಕ್ನೋ: ಕಾರಿನಲ್ಲಿ ಸಾಮೂಹಿಕ ಅತ್ಯಾಚಾರ ಎಸಗಿದ ಬಳಿಕ ಹೊರಗಡೆ ಎಸೆದ ಮೂವರ ವಿರುದ್ಧ ಸುಳ್ಳು ದೂರು ನೀಡಿದ್ದ ಯುವತಿಯನ್ನು ಪೊಲೀಸರು ಬಂಧಿಸಿದ್ದಾರೆ.

ಉತ್ತರ ಪ್ರದೇಶದ ಫಿರೋಜಾಬಾದ್‍ನಲ್ಲಿ ಈ ಪ್ರಕರಣ ನಡೆದಿದ್ದು, ಆಗ್ರಾ ನಿವಾಸಿಯಾಗಿರುವ 20 ವರ್ಷದ ಯುವತಿ, ಆಕೆಯ ಪ್ರಿಯಕರ ಹಾಗೂ ಆತನ ಸ್ನೇಹಿತನನ್ನು ಪೊಲೀಸರು ಬಂಧಿಸಿದ್ದಾರೆ.

ಪ್ರಿಯಕರನ ಒತ್ತಾಯಕ್ಕೆ ಮಣಿದು ಯುವತಿ ಮೂವರು ಯುವಕರಾದ ಗೀತಂ, ಜ್ಞಾನೇಂದ್ರ ಹಾಗೂ ರಾಜನ ವಿರುದ್ಧ ಸಾಮೂಹಿಕ ಅತ್ಯಾಚಾರವೆಸಗಿದ್ದಾರೆ ಎಂದು ನಕಲಿ ದೂರು ದಾಖಲಿಸಿದ್ದಳು.

ಈ ಬಗ್ಗೆ ಪ್ರತಿಕ್ರಿಯಿಸಿದ ಎಸ್‍ಎಸ್‍ಪಿ ಸಚೀಂದ್ರ ಪಾಟೇಲ್ ಅವರು, ಯುವತಿ ನೀಡಿದ ದೂರನ್ನು ದಾಖಲಿಸಿಕೊಂಡು ನಾವು ಮೂವರು ಯುವಕರನ್ನು ಬಂಧಿಸಿದ್ದೆವು. ಬಳಿಕ ಯುವತಿಯನ್ನು ಕರೆದು ವಿಚಾರಣೆ ನಡೆಸಿದಾಗ, ಪ್ರಿಯಕರನ ಒತ್ತಾಯಕ್ಕಾಗಿ ಸಾಮೂಹಿಕ ಅತ್ಯಾಚಾರ ದೂರು ನೀಡಿರುವ ವಿಚಾರ ಬೆಳಕಿಗೆ ಬಂತು ಎಂದು ತಿಳಿಸಿದರು.

ಯುವತಿಯ ಪ್ರಿಯಕರನಾಗಿರುವ ಅನಿಲ್ ಕೊಲೆ ಎಸಗಿದ್ದ. ಈ ಪ್ರಕರಣಕ್ಕೆ ಮೂವರು ಯುವಕರು ಪ್ರಮುಖ ಸಾಕ್ಷಿಯಾಗಿದ್ದರು. ನಾವು ಯುವತಿಯನ್ನು ನಿರಂತವಾಗಿ ಪ್ರಶ್ನಿಸಿದಾಗ ಆಕೆ ಬೇರೆ ಬೇರೆ ಕತೆ ಹೇಳುತ್ತಿದ್ದಳು. ಈ ವೇಳೆ ಆಕೆ ಸುಳ್ಳು ಹೇಳುತ್ತಿರುವುದು ದೃಢವಾಯಿತು ಎಂದು ಸಚೀಂದ್ರ ತಿಳಿಸಿದ್ದಾರೆ.

ಯುವತಿ ದೂರಿನಲ್ಲಿ ಹೇಳಿದ್ದೇನು?
ನಾನು ಆಗ್ರಾದ ಹರಿಪರ್ವತ್ ಏರಿಯಾದಲ್ಲಿರುವ ಕೋಚಿಂಗ್ ಸೆಂಟರ್ ಗೆ ಹೋಗುತ್ತಿದ್ದೆ. ಈ ವೇಳೆ ಮೂವರು ಯುವಕರು ಬಂದು ನಿನ್ನ ಸಹೋದರನಿಗೆ ಅಪಘಾತ ಆಗಿದೆ ಎಂದು ಹೇಳಿ ನನ್ನನ್ನು ಕಾರಿನಲ್ಲಿ ಕರೆದುಕೊಂಡು ಹೋಗಿ ಸಾಮೂಹಿಕ ಅತ್ಯಾಚಾರ ಮಾಡಿದ್ದಾರೆ. ಬಳಿಕ ಪಚೋಖರಾ ಪೊಲೀಸ್ ಠಾಣಾ ವ್ಯಪ್ತಿಯ ಗಲಿಬ್ ಗ್ರಾಮದಲ್ಲಿ ಯಾರು ಇಲ್ಲದ ಜಾಗದಲ್ಲಿ ನನ್ನನ್ನು ಕಾರಿನಿಂದ ಹೊರಗೆ ಎಸೆದು ಹೋದರು ಎಂದು ದೂರು ನೀಡಿದ್ದಳು.

Leave a Reply

Your email address will not be published. Required fields are marked *