Connect with us

ಹಣದ ಆಸೆ ತೋರಿಸಿ 6ರ ಬಾಲಕನ ಮೇಲೆ ಅತ್ಯಾಚಾರ!

ಹಣದ ಆಸೆ ತೋರಿಸಿ 6ರ ಬಾಲಕನ ಮೇಲೆ ಅತ್ಯಾಚಾರ!

ಬಳ್ಳಾರಿ: ಬಾಲಕಿಯರು, ಯುವತಿಯರ ಮೇಲೆ ಅತ್ಯಾಚಾರ ಮಾಡಿರುವ ಸುದ್ದಿಯನ್ನು ನೀವೂ ಕೇಳಿರುತ್ತೀರಿ. ಆದ್ರೆ ಇಲ್ಲೊಬ್ಬ ಕಾಮುಕ ಪಿಶಾಚಿ ಆರು ವರ್ಷದ ಬಾಲಕನ ಮೇಲೆಯೇ ಅತ್ಯಾಚಾರ ಮಾಡಿದ ಘಟನೆ ನಡೆದಿದೆ.

ಇಂತಹ ವಿಲಕ್ಷಣ ಘಟನೆ ಹೂವಿನಹಡಗಲಿ ತಾಲೂಕಿನಲ್ಲಿ ನಡೆದಿದೆ. ಆರು ವರ್ಷದ ಬಾಲಕನೊಬ್ಬನ ಮೇಲೆ ಅದೇ ಗ್ರಾಮದ ಬಿಕ್ಯಾನಾಯ್ಕ ಎನ್ನುವ ಕಾಮುಕ ಕೃತ್ಯ ಎಸಗಿದ್ದಾನೆ.

ಹಣದ ಆಸೆ ತೋರಿಸಿ ಬಾಲಕನನ್ನು ಅತ್ಯಾಚಾರ ಮಾಡಿರುವುದಾಗಿ ಬಾಲಕನ ಪೋಷಕರು ಆರೋಪಿಸಿದ್ದಾರೆ. ಈ ಘಟನೆ ಸೋಮವಾರ ನಡೆದಿದ್ದು, ಬಾಲಕನ ಹಿಂಭಾಗದಲ್ಲಿ ರಕ್ತಸ್ರಾವ ಆಗಿದ್ದನ್ನು ಪೋಷಕರು ಗಮನಿಸಿದಾಗ ಪ್ರಕರಣ ಬೆಳಕಿಗೆ ಬಂದಿದೆ.

ಘಟನೆಯ ಕುರಿತು ಹೂವಿನಹಡಗಲಿ ಠಾಣೆಯಲ್ಲಿ ದೂರು ದಾಖಲಾಗಿದ್ದು, ಬಾಲಕನಿಗೆ ಸರ್ಕಾರಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ. ಘಟನೆಯ ಬಳಿಕ ಆರೋಪಿ ಬಿಕ್ಯಾನಾಯ್ಕ್ ಪರಾರಿಯಾಗಿದ್ದು, ಸದ್ಯ ಆರೋಪಿಗಾಗಿ ಪೊಲೀಸರು ಬಲೆ ಬೀಸಿದ್ದಾರೆ.

Advertisement
Advertisement