Connect with us

Cricket

ಕ್ಯಾನ್ಸರ್ ನಿಂದ 2 ವರ್ಷದ ಮಗಳನ್ನು ಕಳೆದುಕೊಂಡ ಪಾಕ್ ಕ್ರಿಕೆಟಿಗ

Published

on

ಲಂಡನ್: ಪಾಕಿಸ್ತಾನ ಕ್ರಿಕೆಟ್ ತಂಡದ ಬ್ಯಾಟ್ಸ್ ಮನ್ ಆಸೀಫ್ ಅಲಿ ಕ್ಯಾನ್ಸರ್ ನಿಂದ ಬಳಲುತ್ತಿದ್ದ ತಮ್ಮ 2 ವರ್ಷದ ಮಗಳನ್ನು ಕಳೆದುಕೊಂಡಿದ್ದಾರೆ.

4ನೇ ಹಂತದ ಕ್ಯಾನ್ಸರ್ ನಿಂದ ಬಳಲುತ್ತಿದ್ದ ಆಸೀಫ್ ಪುತ್ರಿ ನೂರ್ ಫಾತಿಮಾ ಅಮೆರಿಕ ಆಸ್ಪತ್ರೆಯೊಂದಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಳು. ಆದರೆ ಚಿಕಿತ್ಸೆ ಫಲಕಾರಿಯಾಗದೇ ಸಾವನ್ನಪ್ಪಿದ್ದಾಳೆ. ಪರಿಣಾಮ ಇಂಗ್ಲೆಂಡ್ ಟೂರ್ನಿಯಲ್ಲಿ ಭಾಗವಹಿಸಿದ್ದ ಆಸೀಫ್ ತವರಿಗೆ ಮರಳಿದ್ದಾರೆ.

ಈ ಕುರಿತು ಇಸ್ಲಾಮಾಬಾದ್ ಯುನೈಟ್ ಕ್ರಿಕೆಟ್ ತಂಡ ಟ್ವೀಟ್ ಮಾಡಿ ಸಂತಾಪ ಸೂಚಿಸಿದೆ. ಅಲ್ಲದೇ ದುಃಖವನ್ನು ಭರಿಸುವ ಶಕ್ತಿ ಕುಟುಂಬಕ್ಕೆ ನೀಡಲಿ ಎಂದು ದೇವರಲ್ಲಿ ಪ್ರಾರ್ಥನೆ ಮಾಡುವುದಾಗಿ ಬರೆದುಕೊಂಡಿದೆ.

ತಮ್ಮ ಪುತ್ರಿಗೆ ಕ್ಯಾನ್ಸರ್ ಇರು ವಿಚಾರ ಪಿಎಸ್‍ಎಲ್ ಟೂರ್ನಿಯ ವೇಳೆ ಆಸೀಫ್ ಅವರಿಗೆ ಗೊತ್ತಾಗಿತ್ತು. ಆ ಬಳಿಕ ತಮ್ಮ ಮಗಳನ್ನು ಚಿಕಿತ್ಸೆಗಾಗಿ ಅಮೆರಿಕಗೆ ಕರೆದುಕೊಂಡು ಹೋಗುತ್ತಿರುವುದಾಗಿ ತಿಳಿಸಿದ್ದರು. ನಂತರ ದೇಶದ ಪರ ತಂಡದಲ್ಲಿ ಪ್ರತಿನಿಧಿಸಲು ಇಂಗ್ಲೆಂಡ್ ಟೂರ್ನಿಗೆ ಹಾಜರಾಗಿದ್ದರು. 5 ಪಂದ್ಯಗಳ ಏಕದಿನ ಸರಣಿಯಲ್ಲಿ ಪಾಕಿಸ್ತಾನ 4-0 ಅಂತರದಲ್ಲಿ ಸೋಲು ಕಂಡಿದೆ.