Connect with us

Food

ಸುಲಭವಾಗಿ ಮ್ಯಾಂಗೋ ಬರ್ಫಿ ಮಾಡುವ ವಿಧಾನ

Published

on

ಹಣ್ಣಿನ ರಾಜ ಮಾವಿನ ಹಣ್ಣಿನ ಕಾಲವು ಆರಂಭವಾಗಿದೆ. ಹೀಗಾಗಿ ಮಾರುಕಟ್ಟೆಗೆ ಈಗಾಗಲೇ ಸಿಹಿ ಸಿಹಿಯಾದ ಮಾವಿನ ಹಣ್ಣುಗಳು ಲಗ್ಗೆ ಇಟ್ಟಿದೆ. ಆದ್ದರಿಂದ ಪ್ರತಿಯೊಬ್ಬರ ಮನೆಯಲ್ಲೂ ಮಾವಿನ ಹಣ್ಣು ಇದ್ದೆ ಇರುತ್ತದೆ. ಕೆಲವರು ಹಣ್ಣನ್ನು ಕಟ್ ಮಾಡಿಕೊಂಡು ಸವಿಯುತ್ತಾರೆ. ಇನ್ನೂ ಕೆಲವರು ಜ್ಯೂಸ್ ಮಾಡಿಕೊಂಡು ಕೊಡಿಯುತ್ತಾರೆ. ಮಾವಿನ ಹಣ್ಣಿನಲ್ಲೂ ಸ್ವೀಟ್ ಮಾಡಿಕೊಂಡು ತಿನ್ನಬಹುದು. ನಿಮಗಾಗಿ ಸುಲಭವಾಗಿ ಮ್ಯಾಂಗೋ ಬರ್ಫಿ ಮಾಡುವ ವಿಧಾನ ಇಲ್ಲಿದೆ…

ಬೇಕಾಗುವ ಸಾಮಾಗ್ರಿಗಳು
* ಕಾಯಿ ತುರಿ – 2 ಬಟ್ಟಲು
* ಸಕ್ಕರೆ – 1 ಅಥವಾ 1.5 ಕಪ್ (ಸಿಹಿಗೆ ತಕ್ಕಷ್ಟು)
* ಮಾವಿನಹಣ್ಣಿನ ಪಲ್ಪ್ – ಅರ್ಧ ಬಟ್ಟಲು
* ತುಪ್ಪ – ಒಂದು ಚಮಚ


ಮಾಡುವ ವಿಧಾನ
* ಒಂದು ಪ್ಯಾನ್ ಬಿಸಿಗಿಟ್ಟು ಅದಕ್ಕೆ ಕಾಯಿ ತುರಿ ಹಾಕಿ ಹಸಿ ವಾಸನೆ ಹೋಗುವವರೆಗೂ ಫ್ರೈ ಮಾಡಿ.
* ಈಗ ಅದಕ್ಕೆ ಸಿಹಿಗೆ ತಕ್ಕಷ್ಟು ಸಕ್ಕರೆ, ಮಾವಿನಹಣ್ಣಿನ ಪಲ್ಪ್(ಕತ್ತರಿಸಿದ ಮಾವಿನ ತುಂಡುಗಳು) ಹಾಕಿ ಫ್ರೈ ಮಾಡಿ.
* ಎಲ್ಲವೂ ಚೆನ್ನಾಗಿ ಮಿಕ್ಸ್ ಆಗಬೇಕು.
* ಮಿಶ್ರಣ ಗಟ್ಟಿಯಾಗುತ್ತಾ ಬರುತ್ತದೆ. ಕೈಯಾಡಿಸುತ್ತಲೇ ಇರಿ.
* ಈಗ ಒಂದು ಬಟ್ಟಲಿನ ಆಕಾರದ ಪಾತ್ರೆಗೆ ತುಪ್ಪ ಸವರಿ ಮಿಶ್ರಣವನ್ನು ಹರಡಿ.
* ಮಿಶ್ರಣ ತಣ್ಣಗಾದ ಮೇಲೆ ಬೇಕಾದ ಆಕಾರದಲ್ಲಿ ಕಟ್ ಮಾಡಿದರೆ ಸಿಹಿಯಾದ ಮ್ಯಾಂಗೋ ಬರ್ಫಿ ಸವಿಯಲಿ ಸಿದ್ಧ.