CricketLatestMain PostSports

ಲಂಕಾ ವಿರುದ್ಧ ಟೀಂ ಇಂಡಿಯಾ ವೇಗದ ಬೌಲರ್ ಗಳಿಂದ ವಿಶೇಷ ಸಾಧನೆ

ಕೋಲ್ಕತ್ತಾ: ಶ್ರೀಲಂಕಾ ವಿರುದ್ಧ ನಡೆಯುತ್ತಿರುವ ಮೊದಲ ಟೆಸ್ಟ್ ಪಂದ್ಯದಲ್ಲಿ ಟೀಂ ಇಂಡಿಯಾದ ವೇಗದ ಬೌಲರ್ ಗಳು 34 ವರ್ಷದ ಬಳಿಕ ಇನ್ನಿಂಗ್ಸ್ ಒಂದರ ಎಲ್ಲ 10 ವಿಕೆಟ್ ಗಳನ್ನು ಪಡೆಯುವ ಮೂಲಕ ವಿಶೇಷ ಸಾಧನೆ ಮಾಡಿದ್ದಾರೆ.

ಭುವನೇಶ್ವರ್ ಕುಮಾರ್ ಮತ್ತು ಮೊಹಮ್ಮದ್ ಶಮಿ ತಲಾ 4 ವಿಕೆಟ್ ಕಿತ್ತರೆ, ಉಮೇಶ್ ಯಾದವ್ ತಲಾ 2 ವಿಕೆಟ್ ಕಿತ್ತು ಈ ವಿಶೇಷ ಸಾಧನೆಯನ್ನು ನಿರ್ಮಿಸಿದ್ದಾರೆ.

ಈ ಹಿಂದೆ 1981ರಲ್ಲಿ ಇಂಗ್ಲೆಂಡ್ ವಿರುದ್ಧ ಮುಂಬೈನಲ್ಲಿ ನಡೆದ ಟೆಸ್ಟ್ ನಲ್ಲಿ ವೇಗದ ಬೌಲರ್ ಎಲ್ಲ 10 ವಿಕೆಟ್ ಕಿತ್ತಿದ್ದರೆ ಬಳಿಕ 1983ರಲ್ಲಿ ಅಹಮದಾಬಾದ್ ನಲ್ಲಿ ವೆಸ್ಟ್ ಇಂಡೀಸ್ ವಿರುದ್ಧದ ಪಂದ್ಯಲ್ಲಿ ಮತ್ತೊಮ್ಮೆ ಈ ಸಾಧನೆಯನ್ನು ಪುನರಾವರ್ತಿಸಿದ್ದರು.

ಮೊದಲ ಇನ್ನಿಂಗ್ಸ್ ನಲ್ಲಿ ಭುವನೇಶ್ವರ್ ಕುಮಾರ್ 27 ಓವರ್ ಎಸೆದು 5 ಮೇಡನ್ ಮಾಡಿ 88 ರನ್ ನೀಡಿ 4 ವಿಕೆಟ್ ಕಿತ್ತರೆ, ಮೊಹಮ್ಮದ್ ಶಮಿ 26.3 ಓವರ್ ಎಸೆದು 5 ಮೇಡನ್ ಮಾಡಿ 100 ರನ್ ನೀಡಿ 4 ವಿಕೆಟ್ ಪಡೆದರು. ಉಮೇಶ್ ಯಾದವ್ 20 ಓವರ್, 1 ಮೇಡನ್ ಮಾಡಿ 2 ವಿಕೆಟ್ ಕಿತ್ತು 79 ರನ್ ನೀಡಿದರು.

ನಾಲ್ಕನೇ ದಿನದಾಟದಲ್ಲಿ ಶ್ರೀಲಂಕಾ 83.4 ಓವರ್ ಗಳಲ್ಲಿ 294 ರನ್ ಗಳಿಗೆ ಸರ್ವಪತನ ಕಂಡಿತು.  ಲಂಕಾ ಪರ ರಂಗನಾ ಹೇರತ್ 67 ರನ್ ಹೊಡೆದರೆ ಡಿಕ್‍ವಾಲಾ 35 ರನ್ ಹೊಡೆದು ಔಟಾದರು.

ಎರಡನೇ ಇನ್ನಿಂಗ್ಸ್ ಆರಂಭಿಸಿದ ಭಾರತ 39.3 ಓವರ್ ಗಳಲ್ಲಿ 1 ವಿಕೆಟ್ ನಷ್ಟಕ್ಕೆ 171 ರನ್ ಗಳಿಸಿದೆ. ಶಿಖರ್ ಧವನ್ 94 ರನ್(116 ಎಸೆತ, 11 ಬೌಂಡರಿ, 2 ಸಿಕ್ಸರ್) ಹೊಡೆದು ಔಟಾದರು. ಕೆಎಲ್ ರಾಹುಲ್ 73 ರನ್(113 ಎಸೆತ, 8 ಬೌಂಡರಿ), ಚೇತೇಶ್ವರ ಪೂಜಾರಾ 2 ರನ್ ಗಳಿಸಿ ಕ್ರೀಸ್ ನಲ್ಲಿದ್ದು ಸೋಮವಾರ ಬ್ಯಾಟಿಂಗ್ ಮುಂದುವರಿಸಲಿದ್ದಾರೆ.

ಮೊದಲ ಇನ್ನಿಂಗ್ಸ್ ನಲ್ಲಿ 172 ರನ್ ಗಳಿಸಿ ಆಲೌಟ್ ಆಗಿದ್ದ ಭಾರತ ಈಗ 49 ರನ್ ಗಳ ಮುನ್ನಡೆ ಸಾಧಿಸಿದೆ. ಸೋಮವಾರ ಕೊನೆಯ ದಿನವಾಗಿದ್ದು ಪಂದ್ಯ ಡ್ರಾ ಆಗುವ ಸಾಧ್ಯತೆ ಹೆಚ್ಚಾಗಿದೆ.

https://twitter.com/abhik2593/status/932147871230525440

https://twitter.com/mohanstatsman/status/932230192759685123

https://twitter.com/mohanstatsman/status/932179137019518976

https://twitter.com/BCCI/status/932203041935179776

https://twitter.com/BCCI/status/932179809018437633

https://twitter.com/BCCI/status/932186735450120193

 

ind vs sl 9

ind vs sl 14

ind vs sl 15

ind vs sl 16

ind vs sl 17

ind vs sl 18

ind vs sl 19

ind vs sl 20

ind vs sl 21

ind vs sl 22

ind vs sl 23

ind vs sl 4

Related Articles

Leave a Reply

Your email address will not be published. Required fields are marked *