BollywoodCinemaLatestNational

ಬ್ರೇಕಪ್ ನನಗೆ ಒಂದು ಆಶೀರ್ವಾದ ಇದ್ದಂತೆ – 2 ವರ್ಷದ ನಂತ್ರ ನಟನ ಬಗ್ಗೆ ಮೌನ ಮುರಿದ ಕತ್ರಿನಾ

ಮುಂಬೈ: ಬಾಲಿವುಡ್ ನಟಿ ಕತ್ರಿನಾ ಕೈಫ್ 2 ವರ್ಷಗಳ ನಂತರ ನಟ ರಣ್‍ಬೀರ್ ಕಪೂರ್ ಜೊತೆ ಬ್ರೇಕಪ್ ಆಗಿದ್ದಕ್ಕೆ ಕಾರಣವನ್ನು ತಿಳಿಸಿದ್ದಾರೆ.

2016ರಲ್ಲಿ ಕತ್ರಿನಾ ಕೈಫ್ ಹಾಗೂ ರಣ್‍ಬೀರ್ ಕಪೂರ್ ನಡುವಿನ ಬ್ರೇಕಪ್ ಸುದ್ದಿ ಹರಿದಾಡುತ್ತಿತ್ತು. ಆದರೆ ಈಗ 2 ವರ್ಷದ ನಂತರ ಕತ್ರಿನಾ ನಟ ರಣ್‍ಬೀರ್ ಕಪೂರ್ ಜೊತೆಗಿನ ಬ್ರೇಕಪ್ ಯಾಕೆ ಮಾಡಿಕೊಂಡಿದೆ ಎನ್ನುವ ವಿಷಯವನ್ನು ಸಂದರ್ಶನವೊಂದರಲ್ಲಿ ತಿಳಿಸಿದ್ದಾರೆ.

ಇತ್ತೀಚೆಗೆ ವೋಗ್ ಸಂದರ್ಶನದಲ್ಲಿ ಕತ್ರಿನಾ, “ಬ್ರೇಕಪ್ ನನಗಾಗಿ ಒಂದು ಆಶೀರ್ವಾದ ಇದ್ದಂತೆ. ನನ್ನ ಹಾಗೂ ರಣ್‍ಬೀರ್ ನಡುವೆ ಯಾವುದೇ ಸಂಬಂಧವಿಲ್ಲ. ರಣ್‍ಬೀರ್ ಜೊತೆ ಸಂಬಂಧದಲ್ಲಿದ್ದಾಗ ನಾನು ಯಾರು ಎಂಬುದು ನನಗೆ ಗೊತ್ತಾಗುತ್ತಿರಲಿಲ್ಲ” ಎಂದು ಹೇಳಿದ್ದಾರೆ.

ranbir katrina

ಅಷ್ಟೇ ಅಲ್ಲದೇ ನಾನು ನನ್ನ ದಾರಿಯನ್ನು ಆಯ್ಕೆ ಮಾಡಿಕೊಂಡಿದ್ದೇನೆ. ನಾನು ಈಗ ಈ ಸಂಬಂಧದಿಂದ ಹೊರಬಂದಿದ್ದು, ಇದನ್ನು ಆಶೀರ್ವಾದದ ರೂಪದಲ್ಲಿ ನೋಡುತ್ತೇನೆ. ಈಗ ನನ್ನ ಪ್ಯಾಟ್ರನ್, ವಿಚಾರ ಹಾಗೂ ನನ್ನ ವಸ್ತುಗಳನ್ನು ಆಯ್ಕೆ ಮಾಡಿಕೊಳ್ಳುತ್ತಿದ್ದೇನೆ. ಈ ಘಟನೆಯ ಬಳಿಕ ನನ್ನ ಜೀವನವನ್ನು ಬೇರೆ ರೀತಿಯಲ್ಲಿ ನೋಡುತ್ತಿದ್ದೇನೆ. ಸಂಬಂಧದಲ್ಲಿ ಒಬ್ಬಂಟಿಯಾಗಿರುವುದು ಅತ್ಯಂತ ಕೆಟ್ಟ ಭಾವನೆ. ನಾನು ಕಳೆದ ಆ ಸಮಯದ ಬಗ್ಗೆ ಈಗ ಯೋಚಿಸುತ್ತಿರುವೆ ಎಂದು ಕತ್ರಿನಾ ತಿಳಿಸಿದ್ದಾರೆ.

ranbir katrina 2

ರಣ್‍ಬೀರ್ ಕಪೂರ್ ಹಾಗೂ ಕತ್ರಿನಾ ಕೈಫ್ ಜೊತೆಯಾಗಿ ಬಾಳಲು ಕೋಟಿ ರೂ. ಮೌಲ್ಯದ ಫ್ಲಾಟ್ ಖರೀದಿಸಿದ್ದರು. ಇಬ್ಬರು ಮದುವೆಯಾಗಲು ಕೂಡ ನಿರ್ಧರಿಸಿದರು. ಆದರೆ ಅಷ್ಟರಲ್ಲಿ ಇಬ್ಬರ ನಡುವೆ ಬಿನ್ನಾಭಿಪ್ರಾಯ ಬಂದು ಇಬ್ಬರು ಬ್ರೇಕಪ್ ಮಾಡಿಕೊಂಡಿದ್ದಾರೆ. ಬ್ರೇಕಪ್ ಮಾಡಿಕೊಂಡ ನಂತರ ರಣ್‍ಬೀರ್ ಎಲ್ಲರಿಗೂ ಬ್ರೇಕಪ್ ಪಾರ್ಟಿಯನ್ನು ನೀಡಿದ್ದರು. ಇದರಿಂದ ನಟಿ ಕತ್ರಿನಾ ಕೈಫ್ ಇನ್ನಷ್ಟು ಮನನೊಂದಿದ್ದರು ಎಂದು ವರದಿಯಾಗಿತ್ತು.

ಕತ್ರಿನಾ ಕೈಫ್ ಈಗ ‘ಭಾರತ್’ ಚತ್ರದಲ್ಲಿ ಸಲ್ಮಾನ್ ಖಾನ್‍ಗೆ ನಾಯಕಿಯಾಗಿ ನಟಿಸುತ್ತಿದ್ದಾರೆ. ಈ ಸಿನಿಮಾದಿಂದಾಗಿ ಕತ್ರಿನಾ ಈಗ ಸಲ್ಮಾನ್ ಖಾನ್‍ಗೆ ಇನ್ನಷ್ಟು ಹತ್ತಿರವಾಗುತ್ತಿದ್ದಾರೆ.

ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv , ಪಬ್ಲಿಕ್ ಟಿವಿ ಆ್ಯಪ್ ಡೌನ್‍ಲೋಡ್ ಮಾಡಿ: play.google.com/publictv

Related Articles

Leave a Reply

Your email address will not be published. Required fields are marked *