Connect with us

Bengaluru City

ಮಾಜಿ ಸಿಎಂ ಸೊಸೆ ಮಾಲೀಕತ್ವದ ಪಬ್ ಮೇಲೆ ಸಿಸಿಬಿ ದಾಳಿ

Published

on

ಬೆಂಗಳೂರು: ಮಾಜಿ ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರ ಸೊಸೆ ಸ್ಮಿತಾ ಮಾಲೀಕತ್ವದ ಪಬ್ ಮೇಲೆ ಶುಕ್ರವಾರ ರಾತ್ರಿ ಸಿಸಿಬಿ ಪೊಲೀಸರು ದಾಳಿ ಮಾಡಿದ್ದು, ಸ್ಥಳದಲ್ಲಿದ್ದ ಮತ್ತೊಬ್ಬ ಮಾಲೀಕನನ್ನು ಬಂಧಿಸಿದ್ದಾರೆ.

ನಗರದ ಲಿಮೆರಿಡಿಯನ್ ಹೋಟೆಲಿನಲ್ಲಿರುವ ಶುಗರ್ ಕೇನ್ ಪಬ್ ಮೇಲೆ ಸಿಸಿಬಿ ಅಧಿಕಾರಿಗಳು ದಾಳಿ ಮಾಡಿದ್ದಾರೆ. ಪಬ್‍ನಲ್ಲಿ ಅನಧಿಕೃತವಾಗಿ ಕೆಲಸಗಳು ನಡೆಯುತ್ತಿದ್ದು, ಇಡೀ ರಾತ್ರಿ ಪಬ್‍ನಲ್ಲಿ ಡಿಸ್ಕೋ ನಡೆಯುತ್ತದೆ ಎಂಬ ಖಚಿತ ಮಾಹಿತಿ ಮೇಲೆ ರಾತ್ರಿ ಅಧಿಕಾರಿಗಳು ದಾಳಿ ನಡೆಸಿದ್ದರು.

ಡಿಸ್ಕೊಟೆಕ್ ಲೈಸೆನ್ಸ್ ಮುಗಿದಿತ್ತು. ಆದರೂ ರಿನೀವಲ್ ಮಾಡಿರಲಿಲ್ಲ. ಜೊತೆಗೆ ಸಿಬ್ಬಂದಿ ಅಕ್ರಮವಾಗಿ ಬೆಳಗ್ಗಿನ ಜಾವ 3 ಗಂಟೆವರೆಗೆ ಪಬ್ ಮತ್ತು ಡಿಸ್ಕೊಟೆಕ್ ನಡೆಸುತ್ತಿದ್ದರು. ಇಂದು ಬೆಳಗ್ಗಿನ ಜಾವ ಸುಮಾರು 3 ಗಂಟೆಗೆ ದಾಳಿ ನಡೆಸಿದಾಗ 300 ಜನರು ಪಬ್‍ನಲ್ಲಿದ್ದರು. ಅವರನ್ನು ಸಿಸಿಬಿ ಅಧಿಕಾರಿಗಳು ಹೊರಗೆ ಕಳುಹಿಸಿದ್ದಾರೆ.

ದಾಳಿ ವೇಳೆ ಸ್ಥಳದಲ್ಲಿದ್ದ ಮತ್ತೊಬ್ಬ ಮಾಲೀಕ ರೋಹನ್ ಗೌಡ ಅಲಿಯಾಸ್ ಮಂಜುನಾಥ್‍ನನ್ನು ಸಿಸಿಬಿ ಅಧಿಕಾರಿಗಳು ಬಂಧಿಸಿದ್ದಾರೆ. ಜೊತೆಗೆ ಮ್ಯಾನೇಜರ್ ಶಶಿಕುಮಾರ್ ನನ್ನೂ ಬಂಧಿಸಿದ್ದಾರೆ.