ಮಗುವಿನೊಂದಿಗೆ ತಾಯಿ ಆರಾಮವಾಗಿ ಪ್ರಯಾಣಿಸಲು ರೈಲ್ವೆ ಇಲಾಖೆಯಿಂದ ವಿಶೇಷ ಕೊಡುಗೆ

ಲಕ್ನೋ: ಮಗುವಿನೊಂದಿಗೆ ಪ್ರಯಾಣಿಸುವ ತಾಯಂದಿರು ಆರಾಮದಾಯಕವಾಗಿ ಪ್ರಯಾಣಿಸಲು ಭಾರತೀಯ ರೈಲ್ವೆ ಇಲಾಖೆಯು ಆಯ್ದ ರೈಲುಗಳಲ್ಲಿ ಮಡಚಬಹುದಾದ ಬೇಬಿ ಬರ್ತ್‍ನ್ನು ಪರಿಚಯಿಸಿದೆ.

ಉತ್ತರ ರೈಲ್ವೆಯ ಲಕ್ನೋ ಮತ್ತು ದೆಹಲಿ ವಿಭಾಗಗಳ ಸಹಯೋಗದಲ್ಲಿ ಈ ನೂತನ ಪ್ರಯತ್ನವನ್ನು ಮಾಡಿದ್ದಾರೆ. ಇದನ್ನು ಲಕ್ನೋ ಮೇಲ್ ಸೂಪರ್ ಎಕ್ಸ್‌ಪ್ರೆಸ್ ರೈಲಿನ ಎಸಿ ಬೋಗಿಯಲ್ಲಿ ಇದನ್ನು ಅಳವಡಿಸಲಾಗಿದೆ. ಇದರಿಂದಾಗಿ ತಾಯಂದಿರು ತಮ್ಮ ಮಕ್ಕಳೊಂದಿಗೆ ಆರಾಮವಾಗಿ ಮಲಗುತ್ತಾರೆ.

ಈ ಬಗ್ಗೆ ಉತ್ತರ ರೈಲ್ವೆ ತನ್ನ ಅಧಿಕೃತ ಖಾತೆಯಲ್ಲಿ ಈ ಕುರಿತು ಟ್ವೀಟ್ ಮಾಡಿದ್ದು, ಮಗುವಿನ ಸೀಟ್‌ ಕೆಲವು ಫೋಟೋಗಳನ್ನು ಸಹ ಹಂಚಿಕೊಂಡಿದೆ. ಇದರಲ್ಲಿ ಮಗುವಿನ ಆಸನವು ಮಡಚಬಹುದಾದ ಮತ್ತು ಮಗುವಿನೊಂದಿಗೆ ಸುರಕ್ಷಿತವಾಗಿ ಪ್ರಯಾಣ ಮಾಡಬಹುದಾಗಿದೆ ಎಂದು ತಿಳಿಸಿದೆ. ಇದನ್ನೂ ಓದಿ: ತಾಜ್ ಮಹಲ್ ನಿಜಕ್ಕೂ ವಿಶ್ವದ ಅದ್ಭುತ: ಭಾರತದ ಭೇಟಿಯನ್ನು ನೆನಪಿಸಿಕೊಂಡ ಮಸ್ಕ್

ಮಗು ಮಲಗುವಾಗ ಸೀಟಿನಿಂದ ಕೆಳಗೆ ಬೀಳದ ರೀತಿಯಲ್ಲಿ ಮಗುವಿನ ಸೀಟ್‌ನ್ನು ಜೋಡಿಸಲಾಗಿದೆ. ಇದು ಮಗು ಬೀಳದಂತೆ ಭದ್ರಪಡಿಸಲು ಪಟ್ಟಿಗಳನ್ನು ಹೊಂದಿದೆ. ಇದನ್ನು ಹಂತಹಂತವಾಗಿ ಎಲ್ಲಾ ರೈಲಿನಲ್ಲೂ ಅಳವಡಿಸಲು ಚಿಂತಿಸಿದೆ. ಇದನ್ನೂ ಓದಿ: ರಷ್ಯಾದಿಂದ ಅಗ್ಗದ ದರದಲ್ಲಿ ಎಲ್‌ಎನ್‌ಜಿ ಖರೀದಿಸಿದ ಭಾರತ