* 27ನೇ ವಯಸ್ಸಿಗೆ ನಟಿ ನಿಧನ
‘7 ಅವರ್ಸ್ ಟು ಗೋ’, ‘ದಿ ಫೈನಲ್ ಎಕ್ಸಿಟ್’ ಮತ್ತು ‘ಘೋಸ್ಟ್’ ಚಿತ್ರಗಳಲ್ಲಿನ ಪಾತ್ರಗಳಿಗೆ ಹೆಸರುವಾಸಿಯಾಗಿದ್ದ ನಟಿ ಅನನ್ಯಾ ರಾಜ್ (Ananya Raj) 27 ನೇ ವಯಸ್ಸಿನಲ್ಲಿ ನಿಧನಗಿದ್ದಾರೆ.
ಒಂದು ವರ್ಷಕ್ಕೂ ಹೆಚ್ಚು ಕಾಲ ದೈಹಿಕ ಮತ್ತು ಮಾನಸಿಕ ಆರೋಗ್ಯ ಸಮಸ್ಯೆಗಳಿಂದ ನಟಿ ಬಳಲುತ್ತಿದ್ದರು. ಜುಲೈ 15 ರಂದು ನಟಿ ನಿಧನರಾಗಿದ್ದಾರೆ. ಆದರೆ, ಈ ವಿಚಾರವನ್ನು ನಟಿಯ ಕುಟುಂಬದವರು ತಡವಾಗಿ (ಆ.16) ಬಹಿರಂಗಪಡಿಸಿದ್ದಾರೆ. ಇದನ್ನೂ ಓದಿ: ರೈಲಿನಲ್ಲೇ ಭಾರೀ ಹೈಡ್ರಾಮಾ, RPF ಸಿಬ್ಬಂದಿ ಬಟ್ಟೆ ಬಿಚ್ಚಿ, ರೇಜರ್ನಿಂದ ಹಲ್ಲೆ; ನಟಿ ಅಂತರಾ ಬ್ಯಾನರ್ಜಿ ಅರೆಸ್ಟ್
ಅನನ್ಯಾ ಅವರ ಕುಟುಂಬವು ಅವರ ಅಧಿಕೃತ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಹೃದಯ ವಿದ್ರಾವಕ ಸುದ್ದಿಯನ್ನು ಹಂಚಿಕೊಂಡಿದೆ. ‘ಇದು ಅನನ್ಯಾ ಅವರ ಕುಟುಂಬ. ಜುಲೈ 15 ರ ಮುಂಜಾನೆ ಅನನ್ಯಾ ನಿಧನರಾದರು ಎಂದು ನಾವು ಬಹಳ ನೋವಿನಿಂದ ಘೋಷಿಸಬೇಕಾಗಿದೆ. ಅವರು ನಿದ್ರೆಯಲ್ಲಿ ಶಾಂತಿಯುತವಾಗಿ ನಿಧನರಾದರು. ಒಂದು ವರ್ಷಕ್ಕೂ ಹೆಚ್ಚು ಕಾಲ ಅವರು ದೈಹಿಕ ಮತ್ತು ಮಾನಸಿಕ ಅಸ್ವಸ್ಥತೆಯನ್ನು ಅನುಭವಿಸುತ್ತಿದ್ದರು’ ಎಂದು ಪೋಸ್ಟ್ನಲ್ಲಿ ಉಲ್ಲೇಖಿಸಿದೆ.
ಅನನ್ಯಾ ರಾಜ್ 2016 ರಲ್ಲಿ ‘7 ಅವರ್ಸ್ ಟು ಗೋ’ ಸಿನಿಮಾ ಮೂಲಕ ಬಾಲಿವುಡ್ಗೆ ಕಾಲಿಟ್ಟರು. ನಂತರ ‘ದಿ ಫೈನಲ್ ಎಕ್ಸಿಟ್’ (2017) ಮತ್ತು ‘ಘೋಸ್ಟ್’ (2019) ಚಿತ್ರಗಳಲ್ಲಿ ನಟಿಸಿದರು. ತೆರೆಯ ಮೇಲಿನ ಕೆಲಸವು ಅವರಿಗೆ ಗಮನಾರ್ಹ ಮನ್ನಣೆಯನ್ನು ತಂದುಕೊಟ್ಟಿತು. ಇದನ್ನೂ ಓದಿ: ಪಾನ್ ಮಸಾಲಾ ಪರೋಕ್ಷ ಜಾಹೀರಾತು: ಶಾರುಖ್, ದೇವಗನ್, ಟೈಗರ್ ಶ್ರಾಫ್ಗೆ ಮಹಾರಾಷ್ಟ್ರ ಎಫ್ಡಿಎ ನೋಟಿಸ್
ಅನನ್ಯಾ ರಾಜ್ ಪ್ರಾದೇಶಿಕ ಚಿತ್ರಗಳಲ್ಲೂ ನಟಿಸಿದ್ದರು. ತೆಲುಗು ಚಿತ್ರ ‘ಥಗ್ಗೆಡ್ಡೆ ಲೆ’ ಮತ್ತು ತ್ರಿಭಾಷಾ ‘ಮದ್ರಾಸಿ ಗ್ಯಾಂಗ್’ ಸಿನಿಮಾಗಳಲ್ಲಿ ಪಾತ್ರ ನಿರ್ವಹಿಸಿದ್ದರು. ಶ್ರೀನಿವಾಸ್ ರಾಜು ನಿರ್ದೇಶನದ 2022 ರ ತೆಲುಗು ಸಸ್ಪೆನ್ಸ್ ಥ್ರಿಲ್ಲರ್ ‘ಥಗ್ಗೆಡ್ಡೆ ಲೆ’ ನಲ್ಲಿ, ಅವರು ನವೀನ್ ಚಂದ್ರ, ದಿವ್ಯಾ ಪಿಳ್ಳೈ ಮತ್ತು ಪಿ. ರವಿಶಂಕರ್ ಅವರೊಂದಿಗೆ ತೆರೆ ಹಂಚಿಕೊಂಡಿದ್ದರು.
