ಹಾಸನ: ಮಳೆ ಹಾನಿ ವೀಕ್ಷಣೆ ವೇಳೆ ಎಲ್ಲಿ ನೀವು ನನಗೆ ವೋಟ್ ಹಾಕಲ್ಲ ಎಂದು ಮಾಜಿ ಸಚಿವ ಎಚ್.ಡಿ.ರೇವಣ್ಣ ಮಹಿಳೆಯೊಬ್ಬರಿಗೆ ತಮಾಷೆ ಮಾಡಿದ ಪ್ರಸಂಗ ಹಾಸನದಲ್ಲಿ ನಡೆದಿದೆ.
ಹೊಳೆನರಸೀಪುರ ತಾಲ್ಲೂಕಿನ ಪಡುವಲಹಿಪ್ಪೆ ಗ್ರಾಮದಲ್ಲಿ ಮಳೆಗೆ ಕುಸಿದ ಬಿದ್ದಿದ್ದ ಮನೆಯನ್ನು ನಿನ್ನೆ ರೇವಣ್ಣ ವೀಕ್ಷಣೆ ಮಾಡುತ್ತಿದ್ದರು. ಮನೆ ವೀಕ್ಷಣೆ ನಂತರ ಗ್ರಾಮದ ಸುಧಾ ಅವರಿಗೆ, ಎಲ್ಲಿ ನೀವು ನನಗೆ ವೋಟ್ ಹಾಕಲ್ಲ ಎಂದು ರೇವಣ್ಣ ತಮಾಷೆ ಮಾಡಿದ್ದಾರೆ. ಇದನ್ನೂ ಓದಿ: ನಾನು ಅಧಿಕಾರ ಬಯಸಿಲ್ಲ, ಜನ ಸೇವೆಯೇ ಗುರಿ: ಮೋದಿ
ಕೂಡಲೇ ಇದಕ್ಕೆ ಪ್ರತಿಕ್ರಿಯಿಸಿದ ಮಹಿಳೆ, ನಾವು ನಿಮಗೆ ಯಾವಾಗಲೂ ವೋಟ್ ಹಾಕುವುದು ಎಂದು ನಗುತ್ತ ಉತ್ತರಿಸಿದ್ದಾರೆ. ಅದಕ್ಕೆ ಪ್ರತಿಯಾಗಿ ಎಲ್ಲಿ ಪುಟ್ಟರಾಜಣ್ಣ ಇಲ್ಲಾ ಅಂಥಾ ಹೇಳ್ತಾವ್ನೆ ಎಂದ ರೇವಣ್ಣ ನಕ್ಕು ಸುಮ್ಮನಾಗಿದ್ದಾರೆ. ಈ ವೇಳೆ ಮಾತನಾಡಿದ ರೇವಣ್ಣ ಅವರು, ಯಾರೆಲ್ಲ ಮನೆ, ಬೆಳೆ ಕಳೆದುಕೊಂಡಿದ್ದೀರ ಅವರಿಗೆಲ್ಲ ಶೀಘ್ರವಾಗಿ ಪರಿಹಾರ ಒದಗಿಸಿಕೊಡುವ ಭರವಸೆ ನೀಡಿದ್ದಾರೆ.
