ಸಿಡ್ನಿ: ಆಸ್ಟ್ರೇಲಿಯಾದ ಮಾಜಿ ಆಲ್ರೌಂಡರ್ ಶೇನ್ ವ್ಯಾಟ್ಸನ್ ತಮ್ಮ ಇನ್ಸ್ಟಾಗ್ರಾಂ ಖಾತೆಯಲ್ಲಿ ಒಳ ಉಡುಪಿನಲ್ಲಿ ಇರುವ ಮಹಿಳೆಯರ ಫೋಟೋ ಪೋಸ್ಟ್ ಆಗಿದ್ದಕ್ಕೆ ಕ್ಷಮೆ ಕೇಳಿದ್ದಾರೆ.
ಕಳೆದ ವಾರವಷ್ಟೇ ವ್ಯಾಟ್ಸನ್ ಅವರ ಟ್ವಿಟ್ಟರ್ ಅಕೌಂಟ್ ಹ್ಯಾಕ್ ಮಾಡಿದ್ದ ಕಿಡಿಗೇಡಿಗಳು ಮಂಗಳವಾರ ಅವರ ಇನ್ಸ್ಟಾಗ್ರಾಂ ಅನ್ನು ಹ್ಯಾಕ್ ಮಾಡಿ ಅವರ ಖಾತೆಯಿಂದ ಒಳ ಉಡುಪಿನಲ್ಲಿರುವ ಮೂರು ಮಹಿಳೆಯರ ಫೋಟೋವನ್ನು ಪೋಸ್ಟ್ ಮಾಡಿದ್ದಾರೆ.
Another day….. Another social media account hacked!!!! Thanks to Twitter for getting onto this so quickly for me. Fingers crossed I have sorted this all out and it won’t happen again. 🤞🏻🤞🏻🤞🏻 #mysincereapologies #anotherhacking
— Shane Watson (@ShaneRWatson33) October 16, 2019
ಕಳೆದ ವಾರ ವ್ಯಾಟ್ಸನ್ ಅವರ ಟ್ವಿಟ್ಟರ್ ಖಾತೆಯನ್ನು ಹ್ಯಾಕ್ ಮಾಡಿದ್ದ ಕಿಡಿಗೇಡಿಗಳು ಅವರ ಖಾತೆಯಿಂದ ಜನಾಂಗೀಯ ನಿಂದನೆ ಮತ್ತು ಕೋಮುವಾದ ಸೃಷ್ಠಿ ಮಾಡುವ ಟ್ವೀಟ್ ಮಾಡಿ ಕೆಲವರಿಗೆ ಅವಹೇಳನಕಾರಿಯಾಗಿ ಕಮೆಂಟ್ ಕೂಡ ಮಾಡಿದ್ದರು. ಈಗ ಇನ್ಸ್ಟಾಗ್ರಾಂ ಖಾತೆ ಹ್ಯಾಕ್ ಮಾಡಿ ಮಹಿಳೆಯರು ಒಳ ಉಡುಪಿನಲ್ಲಿರುವ ಮೂರು ಅಸಭ್ಯ ಫೋಟೋಗಳನ್ನು ಪೋಸ್ಟ್ ಮಾಡಿದ್ದರು.
ಈ ವಿಚಾರದ ಬಗ್ಗೆ ಇಂದು ಅಭಿಮಾನಿಗಳಲ್ಲಿ ಕ್ಷಮೆಯಾಚಿಸಿರುವ ವ್ಯಾಟ್ಸನ್ ಅವರು, ನನ್ನ ಇನ್ಸ್ಟಾಗ್ರಾಂ ಖಾತೆಯಲ್ಲಿ ಪೋಸ್ಟ್ ಮಾಡಲಾದ ಅಕ್ರಮ ಫೋಟೋಗಳ ವಿಚಾರವಾಗಿ ನಾನು ಎಲ್ಲರ ಬಳಿ ಕ್ಷಮೆಯಾಚಿಸುತ್ತೇನೆ. ಕಳೆದ ಶುಕ್ರವಾರ ನನ್ನ ಟ್ವಿಟ್ಟರ್ ಖಾತೆಯನ್ನು ಹ್ಯಾಕ್ ಮಾಡಿದ್ದರು. ಈಗ ಇನ್ಸ್ಟಾಗ್ರಾಂ ಅನ್ನು ಹ್ಯಾಕ್ ಮಾಡಿದ್ದಾರೆ. ಅದರಲ್ಲಿ ಅಕ್ರಮ ಫೋಟೋಗಳು ಮತ್ತು ಅಸಭ್ಯ ವಿಡಿಯೋಗಳನ್ನು ಹಾಕಿದ್ದಾರೆ. ಇದು ನಾಚಿಕೆಗೇಡಿನ ಸಂಗತಿ ಎಂದು ಟ್ವೀಟ್ ಮಾಡಿದ್ದಾರೆ.
My apologies to everyone for the illicit photos that have been posted on my Instagram account.
First my Twitter account on Friday got hacked and now Instagram today.
Instagram needs to help out a lot quicker when things like this happens. This is taking way too long!!! 😡😡😡😡
— Shane Watson (@ShaneRWatson33) October 15, 2019
ಇನ್ಸ್ಟಾಗ್ರಾಂ ಮತ್ತು ಟ್ವಿಟ್ಟರ್ ಖಾತೆಯಲ್ಲಿ 20 ಲಕ್ಷಕ್ಕೂ ಅಧಿಕ ಅಭಿಮಾನಿಗಳನ್ನು ಹೊಂದಿರುವ ವ್ಯಾಟ್ಸನ್ ಅವರ ಎರಡು ಖಾತೆಗಳು ಒಂದು ವಾರದಲ್ಲಿ ಎರಡು ಬಾರಿ ಹ್ಯಾಕ್ ಹಾಕಿದ್ದು, ಈ ವಿಚಾರವಾಗಿ ಅವರು ಪೊಲೀಸರಿಗೆ ದೂರು ನೀಡಿದ್ದಾರೆ.
ಆಸ್ಟ್ರೇಲಿಯಾ ಪರ ಉತ್ತಮ ಆಲ್ರೌಂಡರ್ ಆಟವಾಡಿದ್ದ ವ್ಯಾಟ್ಸನ್ 190 ಏಕದಿನ ಪಂದ್ಯಗಳನ್ನು ಆಡಿ 5,757 ರನ್ ಬಾರಿಸಿದ್ದಾರೆ ಮತ್ತು 168 ವಿಕೆಟ್ ಪಡೆದಿದ್ದಾರೆ. 59 ಟೆಸ್ಟ್ ಪಂದ್ಯಗಳನ್ನು ಆಡಿರುವ ಅವರು 3,731 ರನ್ ಹೊಡೆದು 75 ವಿಕೆಟ್ ಕಬಳಿಸಿದ್ದಾರೆ. 58 ಅಂತಾರಾಷ್ಟ್ರೀಯ ಟಿ-20 ಪಂದ್ಯಗಳನ್ನಾಡಿರುವ ಅವರು 1,462 ರನ್ ಹೊಡೆದು ಒಟ್ಟು 48 ವಿಕೆಟ್ ಪಡೆದಿದ್ದಾರೆ. ಐಪಿಎಲ್ ನಲ್ಲಿ ಆಡುತ್ತಿರುವ ವ್ಯಾಟ್ಸನ್ ಧೋನಿ ನಾಯಕತ್ವದ ಚೆನ್ನೈ ಸೂಪರ್ ಕಿಂಗ್ಸ್ ತಂಡದಲ್ಲಿ ಪ್ರಮುಖ ಆಟಗಾರ ಆಗಿದ್ದಾರೆ.
