– ಸ್ನೇಹಿತರಿಗೆ ತೋರಿಸುವ ಸಲುವಾಗಿ ಮಾಡಿದ್ದ ವೀಡಿಯೋ ವೈರಲ್
ಗಾಂಧಿನಗರ: ಅಹಮದಾಬಾದ್‌ನಲ್ಲಿ (Ahmedabad) ಏರ್ ಇಂಡಿಯಾ ವಿಮಾನ ಪತನಗೊಂಡ (Air India Plane Crash) ವೀಡಿಯೋ ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗಿದೆ. ಈ ವೈರಲ್ ದೃಶ್ಯವನ್ನು ಸೆರೆಹಿಡಿದಿದ್ದು 17 ವರ್ಷದ ಹುಡುಗ.
ಹೌದು, ಆರ್ಯನ್ ಅಸಾರಿ (Aryan Asari) ಎಂಬ ಬಾಲಕ ವಿಮಾನ ಪತನದ ದೃಶ್ಯವನ್ನು ತನ್ನ ಮೊಬೈಲ್‌ನಲ್ಲಿ ಸೆರೆಹಿಡಿದಿದ್ದಾನೆ. ವಿಮಾನ ಹತ್ತಿರದಿಂದ ಹೋಗುತ್ತಿರುವುದನ್ನು ಸ್ನೇಹಿತರಿಗೆ ತೋರಿಸುವ ಸಲುವಾಗಿ ಈ ವೀಡಿಯೋ ಮಾಡಿದ್ದೆ, ಆದರೆ ಕೆಲವೇ ಕ್ಷಣಗಳಲ್ಲಿ ವಿಮಾನ ಪತನಗೊಂಡಿತು ಎಂದು ಬಾಲಕ ಹೇಳಿದ್ದಾನೆ. ಇದನ್ನೂ ಓದಿ: ದೈವಕ್ಕೆ ಅಪಚಾರ ಮಾಡಿದ ಕಡೆಯೆಲ್ಲ ದುರಂತಗಳಾಗಿವೆ: ಸಂಶೋಧಕಿ ಡಾ. ಲಕ್ಷ್ಮಿ ಪ್ರಸಾದ್
ಈ ಕುರಿತು ಮಾಧ್ಯಮವೊಂದರೊಂದಿಗೆ ಮಾತನಾಡಿದ ಆರ್ಯನ್, ನಾನು ಜೂನ್ 12ರಂದು ಅಹಮದಾಬಾದ್‌ಗೆ ಬಂದೆ. ವಿಮಾನ ತುಂಬಾ ಹತ್ತಿರದಿಂದ ಹಾದು ಹೋಗುತ್ತಿತ್ತು. ಆದ್ದರಿಂದ ನನ್ನ ಸ್ನೇಹಿತರಿಗೆ ಅದನ್ನು ತೋರಿಸಲು ನಾನು ವೀಡಿಯೋ ಮಾಡಲು ಯೋಚಿಸಿದೆ. ನೋಡುತ್ತಿದ್ದಂತೆಯೇ ವಿಮಾನ ಕೆಳಗೆ ಹೋಯಿತು. ವಿಮಾನ ನಿಲ್ದಾಣ ಹತ್ತಿರದಲ್ಲಿರುವುದರಿಂದ ಲ್ಯಾಂಡ್ ಆಗಬಹುದು ಎಂದು ನಾನು ಭಾವಿಸಿದೆ. ಆದರೆ ಅದು ಕೆಳಗೆ ಹೋದಂತೆ ಬೆಂಕಿಯ ಜ್ವಾಲೆಗಳು ಮೇಲಕ್ಕೆ ಬರಲು ಪ್ರಾರಂಭಿಸಿದವು. ಬಳಿಕ ಅದು ಸ್ಫೋಟಗೊಂಡಿದ್ದನ್ನು ನಾವು ನೋಡಿದ್ದೇವೆ. ಈ ವೇಳೆ ನನಗೆ ಭಯವಾಯಿತು. ನಾನು ವೀಡಿಯೋವನ್ನು ನನ್ನ ಸಹೋದರಿಗೆ ತೋರಿಸಿದೆ. ಅಲ್ಲದೇ ಅದರ ಬಗ್ಗೆ ನನ್ನ ತಂದೆಗೂ ಹೇಳಿದೆ ಎಂದು ತಿಳಿಸಿದ್ದಾನೆ. ಇದನ್ನೂ ಓದಿ: Bengaluru | ಪಾರ್ಟಿ ಮಾಡಲು ಪಬ್‌ಗೆ ಕರೆಸಿ, ಸುಪಾರಿ ನೀಡಿ ಗೆಳೆಯನ ಸುಲಿಗೆ
