ಬೆಂಗಳೂರು: ಸಿಎಂ ಕುಮಾರಸ್ವಾಮಿ ಅವರಿಗೆ ಸಿಗುವ ಎಲ್ಲಾ ಸೌಲಭ್ಯ ನನಗೂ ಸಿಗಬೇಕು ಎನ್ನುವ ರೀತಿ ಲೋಕೋಪಯೋಗಿ ಸಚಿವ ಎಚ್.ಡಿ ರೇವಣ್ಣ ನಡೆದುಕೊಳ್ಳುತ್ತಿದ್ದಾರೆ.
ಹೌದು, ಸಭೆಗಳಲ್ಲಿ ಸಿಎಂ ಕುಮಾರಸ್ವಾಮಿಗಿಂತಲೂ ಹೆಚ್ಚಾಗಿ ರೇವಣ್ಣ ಅವರೇ ಮಾತನಾಡುತ್ತಾರೆ ಎನ್ನುವುದು ಹಳೇಯ ಸುದ್ದಿ. ಈಗ ಸಿಎಂ ಗೃಹ ಕಚೇರಿ ಕೃಷ್ಣದಲ್ಲೂ ರೇವಣ್ಣ ಅವರು ದರ್ಬಾರ್ ಮಾಡುತ್ತಿದ್ದಾರೆ ಎನ್ನುವುದು ಹೊಸ ಸುದ್ದಿ.
- Advertisement 2
- Advertisement 3
ಸಿಎಂ ಕಾರ್ ನಿಲ್ಲಿಸುವ ಜಾಗದಲ್ಲೇ ರೇವಣ್ಣ ಅವರ ಕಾರಿಗೂ ಜಾಗ ಬೇಕು. ಸಿಎಂ ಕಾರು ಪಕ್ಕದಲ್ಲೇ ರೇವಣ್ಣ ಅವರ ಕಾರು ನಿಂತುಕೊಳ್ಳಬೇಕು. ಹೀಗೆ ತಮ್ಮ ಕಾರನ್ನು ಮನಬಂದಂತೆ ನಿಲ್ಲಿಸಿದಕ್ಕೆ ಬೇರೆ ಸಚಿವರ ಕಾರುಗಳಿಗೆ ಜಾಗ ಇಲ್ಲದಂತಾಗಿದೆ.
- Advertisement 4
ಸೂಪರ್ ಸಿಎಂ ರೇವಣ್ಣ ಪವರ್ ಹೇಗಿದೆ ಅಂದ್ರೆ ಕೃಷ್ಣದಲ್ಲಿ ಸಿಎಂ ಕಾರ್ ನಿಲ್ಲಿಸುವ ಜಾಗದಲ್ಲೇ ರೇವಣ್ಣ ಕಾರ್ ಪಾರ್ಕಿಂಗ್ ಮಾಡಿದ್ದಾರೆ. ಯಾವಾಗ ಕಚೇರಿಗೆ ಬಂದರೂ ರೇವಣ್ಣ ಕಾರನ್ನು ಯಾರು ತಡೆಯುವಂತಿಲ್ಲ. ಬೇಕಾದ ಹಾಗೇ ಬರುತ್ತಾರೆ, ಬೇಕಾದ ಹಾಗೇ ರೇವಣ್ಣ ಸಾಹೇಬ್ರು ಹೋಗ್ತಾರೆ. ನಾವು ಯಾರಿಗೆ ಹೇಳೋದು ಅಂತ ಅಲ್ಲಿನ ಸಿಬ್ಬಂದಿ ಹೇಳಿದ್ದಾರೆ.
ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv, ಪಬ್ಲಿಕ್ ಟಿವಿ ಆ್ಯಪ್ ಡೌನ್ಲೋಡ್ ಮಾಡಿ: play.google.com/publictv