ಕೀವ್: ಉಕ್ರೇನ್ನಲ್ಲಿರುವ (Ukraine) ಭಾರತೀಯ ಬಿಲಿಯನೇರ್ ಕಾರ್ಖಾನೆ (Indian Billionaire’s Factory) ಮೇಲೆ ರಷ್ಯಾ (Russia) ದಾಳಿ ನಡೆಸಿದೆ.
ಉಕ್ರೇನ್ನ ಅತಿದೊಡ್ಡ ಸಂಯೋಜಿತ ಉಕ್ಕಿನ ಘಟಕವಾದ ಕ್ರಿವಿ ರಿಹ್ನಲ್ಲಿರುವ ಭಾರತೀಯ ಮೂಲದ ಬಿಲಿಯನೇರ್ ಲಕ್ಷ್ಮಿ ಮಿತ್ತಲ್ ಅವರ ಆರ್ಸೆಲರ್ ಮಿತ್ತಲ್ ಗಣಿಗಾರಿಕೆ ಮತ್ತು ಲೋಹಶಾಸ್ತ್ರ ಸಂಕೀರ್ಣವು ರಷ್ಯಾದ ಕ್ಷಿಪಣಿ ದಾಳಿಗೆ ಒಳಗಾಗಿದೆ. ಉಕ್ರೇನಿಯನ್ ಡ್ರೋನ್ ದಾಳಿಗೆ ಪ್ರತೀಕಾರವಾಗಿ ನಡೆದ ಈ ದಾಳಿಯಲ್ಲಿ ಇಬ್ಬರು ಸಾವನ್ನಪ್ಪಿದ್ದು, 14 ಕಾರ್ಮಿಕರು ಗಾಯಗೊಂಡಿದ್ದಾರೆ. ಕೋರ್ ಎನರ್ಜಿ ಮತ್ತು ಬ್ಲಾಸ್ಟ್-ಫರ್ನೇಸ್ಗಳಿಗೆ ಹಾನಿಯಾದ ನಂತರ ಉತ್ಪಾದನೆಯನ್ನು ಭಾಗಶಃ ಸ್ಥಗಿತಗೊಳಿಸಲಾಗಿದೆ. ಇದನ್ನೂ ಓದಿ: ಒಬ್ಬ ಅಮೆರಿಕ ಸೈನಿಕನ ಕೊಂದರೆ 28.63 ಲಕ್ಷ ಬಹುಮಾನ: ಇರಾನ್ ಘೋಷಣೆ
ಉಕ್ರೇನ್ ಈ ಹಿಂದೆ ರಷ್ಯಾದಾದ್ಯಂತ ನೂರಾರು ಡ್ರೋನ್ಗಳನ್ನು ಹಾರಿಸಿತ್ತು. ಕೀವ್ನ ಯುದ್ಧದ ಅತಿದೊಡ್ಡ ವೈಮಾನಿಕ ದಾಳಿಗಳಲ್ಲಿ ಒಂದಾದ ಈ ದಾಳಿಯಲ್ಲಿ ಆರು ಜನರು ಸಾವನ್ನಪ್ಪಿದ್ದರು. ರಷ್ಯಾದ ರಕ್ಷಣಾ ಸಚಿವಾಲಯವು ರಾತ್ರೋರಾತ್ರಿ ದೇಶಾದ್ಯಂತ 822 ಡ್ರೋನ್ಗಳನ್ನು ತಡೆಹಿಡಿದಿದೆ ಎಂದು ಹೇಳಿದೆ.
ಮಾಸ್ಕೋ ಪ್ರದೇಶದ ಖಾಸಗಿ ಮನೆಯೊಂದಕ್ಕೆ ಉಕ್ರೇನಿಯನ್ ಡ್ರೋನ್ ಡಿಕ್ಕಿ ಹೊಡೆದ ಪರಿಣಾಮ 83 ವರ್ಷದ ವ್ಯಕ್ತಿಯೊಬ್ಬರು ಸಾವನ್ನಪ್ಪಿದ್ದಾರೆ ಎಂದು ವೊರೊಬಿಯೊವ್ ತಿಳಿಸಿದ್ದರು. ಮತ್ತೊಂದು ಉಕ್ರೇನಿಯನ್ ದಾಳಿಯು ರಷ್ಯಾದ ಅತಿದೊಡ್ಡ ಆನ್ಲೈನ್ ಚಿಲ್ಲರೆ ವ್ಯಾಪಾರಿ ಮತ್ತು ದೇಶದ ಅತ್ಯಂತ ಶ್ರೀಮಂತ ಮಹಿಳೆ, ಬಿಲಿಯನೇರ್ ಟಟಯಾನಾ ಕಿಮ್ ಅವರ ನಿಯಂತ್ರಣದಲ್ಲಿರುವ ಪೊಡೊಲ್ಸ್ಕ್ ಪಟ್ಟಣದಲ್ಲಿರುವ ವೈಲ್ಡ್ಬೆರ್ರಿಸ್ ಗೋದಾಮಿನಲ್ಲಿ ಬೆಂಕಿ ಹೊತ್ತಿಕೊಂಡಿದೆ ಎಂದು ಹೇಳಿದ್ದರು.
ರಷ್ಯಾದ ರಾಜಧಾನಿಯ ಕಡೆಗೆ ಸುಮಾರು 600 ಡ್ರೋನ್ಗಳು ಬರುತ್ತಿರುವುದು ಪತ್ತೆಯಾಗಿತ್ತು. ಅವುಗಳಲ್ಲಿ ಮೂರನೇ ಒಂದು ಭಾಗದಷ್ಟು ಮಾಸ್ಕೋ ಪ್ರದೇಶದೊಳಗೆ ನಾಶವಾಗಿದೆ ಎಂದು ಮಾಸ್ಕೋ ಮೇಯರ್ ಸೆರ್ಗೆಯ್ ಸೊಬ್ಯಾನಿನ್ ಹೇಳಿದ್ದರು. ಇದನ್ನೂ ಓದಿ: ಒಳಚರಂಡಿ ಕಾಮಗಾರಿ ವೇಳೆ 18 ವರ್ಷದ ಯುವಕನಿಗೆ ಸಿಕ್ತು 98 ಕೋಟಿ ರೂ. ಮೌಲ್ಯದ ನಿಧಿ!
ರಷ್ಯಾದ ನೈಋತ್ಯ ರೋಸ್ಟೋವ್ ಪ್ರದೇಶದ ಮೂರು ಪಟ್ಟಣಗಳನ್ನು ಗುರಿಯಾಗಿಸಿಕೊಂಡು ಮತ್ತೊಂದು ಡ್ರೋನ್ ದಾಳಿ ನಡೆಸಲಾಗಿದ್ದು, ಐದು ಜನರು ಸಾವನ್ನಪ್ಪಿದ್ದಾರೆ ಎಂದು ಸ್ಥಳೀಯ ಗವರ್ನರ್ ಯೂರಿ ಸ್ಲ್ಯುಸರ್ ಹೇಳಿದ್ದಾರೆ. 150 ಕ್ಕೂ ಹೆಚ್ಚು ಡ್ರೋನ್ಗಳ ದಾಳಿಯು ಹಲವಾರು ಮನೆಗಳು ಮತ್ತು ರೈಲು ನಿಲ್ದಾಣವನ್ನು ಹಾನಿಗೊಳಿಸಿತು. ಕಾಡಿನಲ್ಲಿ ಬೆಂಕಿಗೆ ಕಾರಣವಾಯಿತು.
