ವಿಶೇಷವಾದ ಬಂಧ, ಪ್ರೀತಿಯ ಶುದ್ಧ ರೂಪ: ರಾಧಿಕಾ ಪಂಡಿತ್

ಬೆಂಗಳೂರು: ಸ್ಯಾಂಡಲ್‍ವುಡ್ ಸಿಂಡ್ರೆಲಾ ರಾಧಿಕಾ ಪಂಡಿತ್ ಅವರ ಮನೆಯಲ್ಲಿ ರಕ್ಷಾ ಬಂಧನ ಸಂಭ್ರಮ ಜೋರಾಗಿತ್ತು ಎನ್ನುವುದಕ್ಕೆ ಸಾಕ್ಷಿಯಾದಂತೆ ಕೆಲವು ಫೋಟೋಗಳು ಸೋಶಿಯಲ್ ಮೀಡಿಯಾದಲ್ಲಿ ಹರಿದಾಡುತ್ತಿವೆ.

ವಿಶೇಷವಾದ ಬಂಧ, ಪ್ರೀತಿಯ ಶುದ್ಧ ರೂಪದೊಂದಿಗೆ ಎಲ್ಲ ಸಹೋದರ ಸಹೋದರಿಯರಿಗೆ ರಕ್ಷಾ ಬಂಧನದ ಶುಭಾಶಯಗಳು ಎಂದು ಬರೆದುಕೊಂಡ ಐರಾ ಅಥರ್ವ್‍ನಿಗೆ ರಾಖಿ ಕಟ್ಟಿ ಇಬ್ಬರು ತಬ್ಬಿಕೊಂಡು ಪ್ರೀತಿಯಿಂದ ಒಬ್ಬರಿಗೊಬ್ಬರು ಮುತ್ತು ಕೊಡುತ್ತಿರುವ ಫೋಟೋ ಹಾಗೂ ಯಶ್‍ಗೆ ಅವರ ಸಹೋದರಿ ನಂದಿನಿ ರಾಖಿ ಕಟ್ಟುತ್ತಿದ್ದಾರೆ ಇನ್ನೊಂದು ಫೋಟೋದಲ್ಲಿ ರಾಧಿಕಾ ಪಂಡಿತ್ ಅವರ ಸಹೋದರನ ಜೊತೆಗೆ ಇರುವ ಮುದ್ದಾದ ಫೋಟೋವನ್ನು ರಾಧಿಕಾ ಪಂಡಿತ್ ಇನ್‍ಸ್ಟಾಗ್ರಾಮ್‍ನಲ್ಲಿ ಶೇರ್ ಮಾಡಿದ್ದಾರೆ. ಇದನ್ನೂ ಓದಿ:  ವಿಭಿನ್ನವಾಗಿ ರಕ್ಷಾ ಬಂಧನ ಆಚರಿಸಿದ ಸೆಲೆಬ್ರಿಟಿಗಳು

 

View this post on Instagram

 

A post shared by Radhika Pandit (@iamradhikapandit)

ರಾಧಿಕಾ ಪಂಡಿತ್ ಅವರ ಮನೆಯಲ್ಲಿ ರಕ್ಷಾ ಬಂಧನ ಸಖತ್ ಜೋರಾಗಿಯೇ ಇತ್ತು ಎಂದು ಈ ಫೋಟೋಗಳು ಹೇಳುತ್ತಿವೆ. ಅಭಿಮಾನಿಗಳು ಈ ಮುದ್ದಾದ ಫೋಟೋಗಳನ್ನು ಮೆಚ್ಚಿ ಕಮೆಂಟ್ ಮಾಡುತ್ತಿದ್ದಾರೆ. ಅಯ್ಯೋ. ಇದು ಅದ್ಭುತವಾಗಿದೆ. ಈ ವಿಶೇಷ ಅಪ್‍ಡೇಟ್‍ಗಳಿಂದ ರಕ್ಷಾಬಂಧನ ಸಂಪೂರ್ಣವಾಯಿತು ಫೋಟೋಗಳು ತುಂಬಾ ಮುದ್ದಾಗಿವೆ. ನಾವು ನಿಮ್ಮನ್ನು ತುಂಬಾ ಮಿಸ್ ಮಾಡಿಕೊಳ್ಳುತ್ತಿದ್ದೆವೆ ನೀವು ಲೈವ್‍ಗೆ ಬನ್ನಿ ಎಂದು ಅಭಿಮಾನಿಗಳು ಕಮೆಂಟ್ ಮಾಡಿದ್ದಾರೆ.

ಅಣ್ಣ-ತಂಗಿಯರ ಬಾಂಧವ್ಯ ಬೆಸೆಯುವ ಹಬ್ಬ ರಕ್ಷಾ ಬಂಧನ ಸಹೋದರ-ಸಹೋದರಿಯ ಪ್ರೀತಿಯ ಪ್ರತೀಕವೇ ರಕ್ಷಾ ಬಂಧನ ಹಬ್ಬದ ವಿಶೇಷ. ರಕ್ಷಾ ಬಂಧನ ಹಬ್ಬದ ಸಂದರ್ಭದಲ್ಲಿ ಸಹೋದರಿಯರು ತನ್ನ ಸಹೋದರರಿಗೆ ಪ್ರೀತಿಯ ಶ್ರೀರಕ್ಷೆಯನ್ನು ಕಟ್ಟುವುದು ಸಂಪ್ರದಾಯವಾಗಿದೆ. ಈ ರಕ್ಷಾ ಬಂಧನ ಹಬ್ಬವನ್ನು ಯಶ್ ಮುದ್ದಾದ ಮುಕ್ಕಳು ಜೋರಾಗಿ ಆಚರಿಸಿದ್ದಾರೆ.