ಹೈದರಾಬಾದ್: ಖ್ಯಾತ ನಟ ಕಮಲ್ ಹಾಸನ್ ತಮಿಳಿನಲ್ಲಿ ನಡಿಯೋ ರಿಯಾಲಿಟಿ ಶೋ ಬಿಗ್ ಬಾಸ್ ಗೆ ನಿರೂಪಣೆ ಮಾಡಲಿದ್ದಾರೆ.
ಹೌದು. ಶೀಘ್ರದಲ್ಲೇ ಬಿಗ್ ಬಾಸ್ ರಿಯಾಲಿಟಿ ಶೋ ವಿಜಯ್ ಚಾನೆಲ್ ನಲ್ಲಿ ಮೂಡಿಬರಲಿದ್ದು, 15 ಮಂದಿ ಸೆಲೆಬ್ರಿಟಿಗಳು ಪಾಲ್ಗೊಳ್ಳಲಿದ್ದಾರೆ. ಒಂದು ಸಾರಿ ಬಿಗ್ ಬಾಸ್ ಮನೆಯೊಳಗೆ ಹೊಕ್ಕರೆ ಸ್ಫರ್ಧಿಗಳು 100 ದಿನ ಫೋನು, ಹೊರಜಗತ್ತಿಗೆ ತೆರೆದುಕೊಳ್ಳಲು ಅವಕಾಶವಿಲ್ಲ.
ಈ ಬಗ್ಗೆ ರಾಷ್ಟ್ರ ಮಟ್ಟದ ಪತ್ರಿಕೆಯೊಂದು ಕಮಲ್ ಹಾಸನ್ ಅವರನ್ನು ಮಾತನಾಡಿಸಿದಾಗ, ವಿಜಯ್ ಟಿವಿ ಚಾನೆಲ್ ಅವರು ಬಂದು ಬಿಗ್ ಬಾಸ್ ಕಾರ್ಯಕ್ರಮ ನಡೆಸಿಕೊಡಬೇಕು ಅಂತಾ ನನ್ನನ್ನು ಕೇಳಿದಾಗ ನನಗೆ ಫನ್ನಿ ಅನ್ನಿಸ್ತು. ಯಾಕಂದ್ರೆ ನನಗಿಂತ ಉತ್ತಮರು ಯಾರಿದ್ದಾರೆ. ಇಷ್ಟು ದಿನ ಖಾಸಗಿ ಹಾಗೂ ಸಾರ್ವಜನಿಕ ಜೀವನವನ್ನು ಗಮನಿಸಿ ಬೇರೆಯವರು ನನ್ನನ್ನು ಜಡ್ಜ್ ಮಾಡ್ತಾ ಇದ್ರು. ಆದ್ರೆ ಈಗ ಪಾತ್ರಗಳು ಬದಲಾಗಿವೆ. ಬೇರೆ ಸೆಲೆಬ್ರೆಟಿಗಳು ಮನೆಯೊಳಗೆ ಏನು ಮಾಡ್ತಾರೆ ಅಂತಾ ನಾನು ಪ್ರೇಕ್ಷಕರ ಜೊತೆ ನಿಂತು ನೋಡ್ತಿನಿ ಅಂತಾ ಹೇಳಿದ್ರು.
ಬೇರೆ ರಿಯಾಲಿಟಿ ಶೋಗಳಿಗಿಂತ ವಿಭಿನ್ನವಾಗಿ ಮಾಡೋದು ನಮ್ಮ ಉದ್ದೇಶವಾಗಿದೆ. ಕಮಲ್ ಹಾಸನ್ ಅವರಂತಹ ವ್ಯಕ್ತಿಯಿಂದ ಈ ಕಾರ್ಯಕ್ರಮವನ್ನು ಹೆಚ್ಚು ಜನ ವೀಕ್ಷಿಸಲಿದ್ದಾರೆ. ಒಟ್ಟಿನಲ್ಲಿ ಕಾರ್ಯಕ್ರಮದಲ್ಲಿ ಹೊಸತನವಿದೆ ಅಂತಾ ವಿಜಯ್ ಟಿವಿ ಪ್ರಧಾನ ವ್ಯವಸ್ಥಾಪಕ ಕೃಷ್ಣನ್ ಕುಟ್ಟಿ ಹೇಳಿದ್ದಾರೆ.
ವಿಜಯ ಟಿವಿಯಲ್ಲಿ ಬಿಗ್ ಬಾಸ್ ರಿಯಾಲಿಟಿ ಶೋ ಪ್ರತೀ ದಿನ 9 ಗಂಟೆಗೆ ಪ್ರಸಾರವಾಗಲಿದೆ. ರಿಯಾಲಿಟಿ ಶೋ ಮೂಲಕ ಕಿರುತೆರೆಗೆ ಪಾದಾರ್ಪಣೆ ಮಾಡುತ್ತಿರೋ ನಟ ಕಮಲ್ ಹಾಸನ್ ಈ ಮಧ್ಯೆ ವಿಶ್ವರೂಪಂ-2 ಶೀಘ್ರವೇ ತೆರೆಗೆ ಬರಲಿದೆ ಅಂತಾ ಟ್ವೀಟ್ ಮಾಡಿದ್ದಾರೆ.
Happy to anounce:
Today 7pm Vishwaroop 2 Hindi first look poster & Vishwaroopam Tamizh Telugu 1st look posters release Exclusively for you
— Kamal Haasan (@ikamalhaasan) May 2, 2017