ಬೀಜಿಂಗ್: ಬೈಕ್ ಸವರಾನೊಬ್ಬ ಲಾರಿ ಕೆಳಗೆ ಸಿಲುಕೋದ್ರಿಂದ ಕೂದಲೆಳೆ ಅಂತರದಲ್ಲಿ ಪಾರಾಗುವ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡ್ತಿದೆ. ಕೇವಲ 42 ಸೆಕೆಂಡ್ಗಳ ಈ ವಿಡಿಯೋ ನೋಡುಗರನ್ನ ದಂಗಾಗಿಸಿದೆ.
ಚೀನಾದ ಝವೋಟಾಂಗ್ ನಗರದಲ್ಲಿ ಜನವರಿ 16ರಂದು ಈ ಘಟನೆ ನಡೆದಿದೆ. ಬೈಕ್ ಮತ್ತು ಲಾರಿ ಒಂದೇ ರಸ್ತೆಯಲ್ಲಿ ಬಂದಿವೆ. ಲಾರಿ ಮತ್ತೊಂದು ರಸ್ತೆಗೆ ಟರ್ನ್ ಮಾಡಿಕೊಳ್ಳುವ ವೇಳೆ ನಿಯಂತ್ರಣ ತಪ್ಪಿದ್ದು, ಪಕ್ಕಕ್ಕೆ ವಾಲಿಕೊಂಡು ಬಿದ್ದಿದೆ. ಈ ವೇಳೆ ಲಾರಿ ಪಕ್ಕದಲ್ಲಿ ಹೋಗ್ತಿದ್ದ ಬೈಕ್ ಸವಾರ ತನ್ನ ಸಮೀಪವೇ ಲಾರಿ ಬೀಳೋದನ್ನ ನೋಡಿದ್ದಾನೆ.
ಲಾರಿ ರಸ್ತೆ ಮೇಲೆ ಪಲ್ಟಿಯಾಗಿ ಬಿದ್ದರೂ, ಬೈಕ್ ಸವಾರ ಕಲ್ಲು ಮಣ್ಣುಗಳ ಕೆಳಗೆ ಸಿಲುಕಿಲ್ಲ. ಲಾರಿ ಮೇಲಿದ್ದ ಟಾರ್ಪಲ್ನಿಂದ ಆತನ ಜೀವ ಉಳಿದಿದೆ. ಬೈಕ್ ಸವಾರ ಸ್ಕಿಡ್ ಆಗಿ ರಸ್ತೆ ಮೇಲೆ ಉರುಳಿಕೊಂಡು ಹೋಗಿದ್ದಾನೆ. ಘಟನೆಯಲ್ಲಿ ಬೈಕ್ ಸವಾರನಿಗೆ ಯಾವುದೇ ಗಾಯಗಳಾಗಿಲ್ಲ ಎಂದು ವರದಿಯಾಗಿದೆ.
ಅಯ್ಯೋ ಇದು ನಿಜಕ್ಕೂ ಅದೃಷ್ಟ, ಬೈಕ್ ಸವಾರರು ಸುಲಭವಾಗಿ ಅಪ್ಪಚ್ಚಿಯಾಗ್ತಾರೆ ಎಂದು ಟ್ವಿಟ್ಟರಿಗರೊಬ್ಬರು ಕಮೆಂಟ್ ಮಾಡಿದ್ದಾರೆ. ಮತ್ತೊಬ್ಬರು ಇದು ಪುನರ್ಜನ್ಮ ಅಂತ ಹೇಳಿದ್ದಾರೆ.
Horrifying moment: Motorcyclist nearly buried by sand and stones pouring out of flipping lorry pic.twitter.com/SZH0haTcb2
— CGTN (@CGTNOfficial) January 19, 2018
