ಬೆಳಗಾವಿ: ಕುಂದಾನಗರಿ ಬೆಳಗಾವಿಯಲ್ಲಿ ನಡೆದ ಸಮೂಹ ನೃತ್ಯ ಗಿನ್ನಿಸ್ ವಿಶ್ವ ದಾಖಲೆಯ ಪುಟ ಸೇರಿದೆ. ನಗರದ ಮರಾಠ ಮಂಡಳ ಸಂಸ್ಥೆ ಹಾಲಬಾವಿ ಕಾಲೇಜು ಮೈದಾನದಲ್ಲಿ ಆಯೋಜಿಸಿದ್ದ ಕಾರ್ಯಕ್ರಮದಲ್ಲಿ 9,200 ವಿದ್ಯಾರ್ಥಿಗಳು ನೃತ್ಯ ಮಾಡಿದ್ರು.
ರಾಷ್ಟ್ರಧ್ವಜ ಬಿಂಬಿಸುವ ಮೂರು ಬಣ್ಣಗಳ ಆಕರ್ಷಕ ಉಡುಪು ಧರಿಸಿದ ವಿದ್ಯಾರ್ಥಿಗಳು ಬಾಲಿವುಡ್‍ನ 5 ದೇಶಭಕ್ತಿ ಗೀತೆಗಳಿಗೆ ಒಟ್ಟಾಗಿ ಹೆಜ್ಜೆ ಹಾಕಿದ್ರು. ಈ ಹಿಂದೆ ಅಮೃತಸರದಲ್ಲಿ ಇಂಥ ದಾಖಲೆ ನಿರ್ಮಾಣವಾಗಿತ್ತು. ಆದರೆ ಈ ದಾಖಲೆಯನ್ನ ಬೆಳಗಾವಿ ಬ್ರೇಕ್ ಮಾಡಿದೆ ಅಂತ ಗಿನ್ನಿಸ್ ಬುಕ್ ಆಫ್ ರೆಕಾಡ್ರ್ಸ್ ಅಧಿಕಾರಿಗಳು ಘೋಷಿಸಿದ್ರು.
ಈ ಕಾರ್ಯಕ್ರಮವನ್ನ ನೋಡೋಕೆ ಸಾವಿರಾರು ಜನ ನೆರೆದಿದ್ದರು. ವಿದ್ಯಾರ್ಥಿಗಳ ನೃತ್ಯವನ್ನ ಡ್ರೋನ್ ಮೂಲಕ ವೀಡಿಯೋ ಮಾಡಲಾಗಿದ್ದು ನಯನ ಮನೋಹರವಾಗಿದೆ.
