Bengaluru Rural

ಸದ್ದಿಲ್ಲದೆ ಸೆಟ್ಟೇರಿದ ದುನಿಯಾ ವಿಜಯ್ ಹೋಮ್ ಪ್ರೊಡಕ್ಷನ್ ಸಿನಿಮಾ

Published

on

Share this

ನೆಲಮಂಗಲ: ಸದ್ದಿಲ್ಲದೆ ದುನಿಯಾ ವಿಜಯ್ ಹೋಮ್ ಪ್ರೊಡಕ್ಷನ್ ನಲ್ಲೊಂದು ಹೊಸ ಸಿನಿಮಾ ಸೆಟ್ಟೇರಿದೆ. ದುನಿಯಾ ಟಾಕೀಸ್ ನ ಚೊಚ್ಚಲ ಸಿನಿಮಾ ‘ಜಾನಿ ಜಾನಿ ಎಸ್ ಪಪ್ಪ’. ಕಾಮಿಡಿ ಜೊತೆಗೆ ಆಕ್ಷನ್ ಹೊಂದಿರುವ ಈ ಚಿತ್ರವನ್ನು ಪ್ರೀತಮ್ ಗುಬ್ಬಿ ನಿರ್ದೇಶನ ಮಾಡುತ್ತಿದ್ದಾರೆ.

ದುನಿಯಾ ವಿಜಿ, ರಂಗಾಯಣ ರಘು ಹಾಗೂ ಪ್ರೀತಮ್ ಗುಬ್ಬಿರವರ ಕಾಂಬಿನೇಷನ್ ನಲ್ಲಿ ಮೂಡಿಬಂದಿದ್ದ ಚಿತ್ರ ಜಾನಿ ಮೇರಾ ನಾಮ್ ಪ್ರೀತಿ ಮೇರಾ ಕಾಮ್ ಚಿತ್ರದ ಭರ್ಜರಿ ಯಶಸ್ಸಿನ ಬೆನ್ನಲ್ಲೇ ಇದೀಗ ಮತ್ತೊಂದು ಚಿತ್ರವನ್ನು ತೆರೆಗೇರಿಸಲು ಸದ್ದಿಲ್ಲದೇ ಈ ಟೀಮ್ ಸಜ್ಜಾಗಿದೆ. ದುನಿಯಾ ವಿಜಿಯವರ ಸ್ವಂತ ಬ್ಯಾನರ್ ಆದ ದುನಿಯಾ ಪ್ರೋಡಕ್ಷನ್ ಅಡಿಯಲ್ಲಿ ನಿರ್ಮಾಣವಾಗುತ್ತಿರುವ ಜಾನಿ ಜಾನಿ ಎಸ್ ಪಪ್ಪ ಚಿತ್ರ ಜಾನಿ ಮೇರಾ ನಾಮ್ ಟೈಟಲ್ ನ ಮುಂದುವರಿದ ಭಾಗ ಎಂದು ಹೇಳಲಾಗಿದೆ.

ಈ ಸಿನಿಮಾದಲ್ಲಿ ವಿವಿಧ ಧರ್ಮದವರನ್ನು ಒಳಗೊಂಡ ಕಾಲೋನಿಯಲ್ಲಿ ಪ್ರತಿದಿನ ನಡೆಯುವ ಸನ್ನಿವೇಶಗಳ ಚಿತ್ರಣವಾಗಿದೆ. ರಂಗಾಯಣ ರಘು ಹಾಗು ದುನಿಯಾ ವಿಜಿಯವರ ಕಾಮಿಡಿ ಕೆಮಿಸ್ಟ್ರಿ ಚಿತ್ರದುದ್ದಕ್ಕೂ ಪ್ರೇಕ್ಷಕರನ್ನು ರಂಜಿಸಲಿದ್ದು, ವಿದೇಶಕ್ಕೆ ಹೋಗಲು ಆತುರದಲ್ಲಿರುವ ಕ್ಲಾಸ್ ಹೀರೋಯಿನ್ ರಚಿತಾ ರಾಮ್ ಹಾಗು ಮಾಸ್ ಹೀರೋ ದುನಿಯಾ ವಿಜಿ ರವರ ಪ್ರೇಮ ಕಥೆ ಅದ್ಭುತವಾಗಿದೆ ಎಂದು ಚಿತ್ರತಂಡ ಹೇಳಿದೆ.

ಇನ್ನೂ ಚಿತ್ರಕ್ಕಾಗಿ ಬೆಂಗಳೂರು ಹೊರವಲಯ ನೆಲಮಂಗಲದ ಮೋಹನ್ ಸ್ಟುಡಿಯೋದಲ್ಲಿ 2 ಕೋಟಿ ರೂ. ಮೊತ್ತದಷ್ಟು ಅದ್ಧೂರಿ ಸೆಟ್ ರೆಡಿಯಾಗಿದ್ದು, ದೇವಸ್ಥಾನ, ಮಸೀದಿ, ಚರ್ಚ್ ಒಳಗೊಂಡ ರೈನ್‍ಬೋ ಕಾಲೋನಿಯೇ ಚಿತ್ರದ ಪ್ರಮುಖ ಆಕರ್ಷಣೆ. ಈಗಾಗಲ್ಲೇ ಶೇ. 50ರಷ್ಟು ಶೂಟಿಂಗ್ ಹಾಗೂ 2 ಸಾಂಗ್ ಶೂಟಿಂಗ್ ಕಂಪ್ಲೀಟ್ ಆಗಿದ್ದು, ಶೂಟಿಂಗ್ ಕೆಲಸ ಭರ್ಜರಿಯಾಗಿ ಸಾಗುತ್ತಿದೆ. ಚಿತ್ರಕ್ಕೆ ಅಜಿನೀಶ್ ರವರ ಸಂಗೀತವಿದ್ದು, ಯಶಸ್ವಿ ನಿರ್ದೇಶಕ ಪ್ರೀತಮ್ ಗುಬ್ಬಿಯವರು ಆಕ್ಷನ್ ಕಟ್ ಹೇಳಿದ್ದಾರೆ.

ಖ್ಯಾತ ಗಾಯಕ ವಿಜಯ ಪ್ರಕಾಶ್ ಎರಡು ಹಾಡುಗಳಿಗೆ ಧ್ವನಿ ನೀಡಿದ್ದಾರೆ ಹಾಗೂ ಮತ್ತೆರಡು ಹಾಡುಗಳ ರೆಕಾರ್ಡಿಂಗ್ ಬಾಕಿ ಇದೆ ಎನ್ನಲಾಗಿದೆ. ಊರಿಗೊಬ್ಳೆ ಪದ್ಮಾವತಿ ಶೈಲಿಯಲ್ಲೇ ಈ ಚಿತ್ರದಲ್ಲಿ ಪದ್ಮಾವತಿ ಹೆಸರಿನಲ್ಲಿ ಮತ್ತೊಂದು ಸಾಂಗ್ ಇದ್ದು, ರಚಿತಾ ರಾಮ್ ಸಖತ್ ಸ್ಟೆಪ್ ಹಾಕಿದ್ದಾರಂತೆ. ದುನಿಯಾ ವಿಜಿಯವರ ಜನ್ಮದಿನದಂದು ಆಡಿಯೋ ರಿಲೀಸ್ ಪ್ಲಾನ್ ಮಾಡಿದ್ದು, ಮಾರ್ಚ್ ನಂತರ ಚಿತ್ರ ತೆರೆಗೆ ಬರಲಿದೆ ಎಂದು ಚಿತ್ರತಂಡ ತಿಳಿಸಿದೆ.

ಒಟ್ಟಾರೆ ಯಶಸ್ವಿ ಚಿತ್ರಗಳನ್ನು ನೀಡಿದ್ದ ದುನಿಯಾ ವಿಜಿ ಹಾಗೂ ರಂಗಾಯಣ ರಘು ಕಾಂಬಿನೇಶನ್ ನ ಜಾನಿ ಜಾನಿ ಎಸ್ ಪಪ್ಪ ಚಿತ್ರ ಈಗಾಗಲೇ ಪ್ರೋಡಕ್ಷನ್ ನಲ್ಲಿ ಬ್ಯುಸಿಯಾಗಿದ್ದು, ದುನಿಯಾ ವಿಜಿ ಸ್ವಂತ ಬ್ಯಾನರ್ ಮೂಲಕ ಹೊಸ ಪ್ರಯತ್ನಕ್ಕೆ ಮುಂದಾಗಿರೋದು ಸಂತಸದ ವಿಚಾರ.

Click to comment

Leave a Reply

Your email address will not be published. Required fields are marked *

Advertisement
Big Bulletin1 hour ago

ಬಿಗ್ ಬುಲೆಟಿನ್ 17 September 2021 ಭಾಗ-1

Bengaluru City1 hour ago

ಎಲೆಕ್ಟ್ರಾನಿಕ್ ಸಿಟಿ ಫ್ಲೈಓವರ್ ಮೇಲೆ ಕಾರು ನಿಲ್ಲಿಸಿ, ಡ್ಯಾನ್ಸ್ ಮಾಡಿ ಹುಚ್ಚಾಟ

Big Bulletin 17 September 2021 Part 2
Big Bulletin1 hour ago

ಬಿಗ್ ಬುಲೆಟಿನ್ 17 September 2021 ಭಾಗ-2

Districts1 hour ago

ಗದ್ದೆಗೆ ತೆರಳಿ ಕೋವಿಡ್ ಲಸಿಕೆ ಹಾಕಿಸಲು ಮನವೊಲಿಕೆ

Districts2 hours ago

ಕಾಂಗ್ರೆಸ್ ಅಧ್ಯಕ್ಷರನ್ನೇ ನೇಮಕ ಮಾಡಲು ಸಾಧ್ಯವಾಗದ ಪಕ್ಷ, ಬಿಜೆಪಿ ಮಣಿಸಲು ಸಾಧ್ಯವೇ: ಬಿ.ವೈ.ವಿಜಯೇಂದ್ರ

Latest2 hours ago

ಯೂಟ್ಯೂಬ್ ವೀಡಿಯೋಗಳಿಂದ ಲಕ್ಷ ಲಕ್ಷ ಗಳಿಸುವ ನಿತಿನ್ ಗಡ್ಕರಿ

Districts2 hours ago

ಸಿದ್ದಗಂಗಾ ಮಠಕ್ಕೆ ಸಂಪರ್ಕ ಕಲ್ಪಿಸುವ ರೈಲ್ವೆ ಅಂಡರ್ ಪಾಸ್ ಕಾಮಗಾರಿ ವಿಳಂಬ- ಭಕ್ತಾದಿಗಳಿಂದ ಆಕ್ರೋಶ

Bengaluru City2 hours ago

ಬಿಜೆಪಿ ರಾಜ್ಯ ಕಾರ್ಯಕಾರಿಣಿ ಸಭೆಗೆ ದಾವಣಗೆರೆ ಸಜ್ಜು

Chitradurga2 hours ago

ಮೋದಿ ಹುಟ್ಟುಹಬ್ಬ ಪ್ರಯುಕ್ತ ಮಕ್ಕಳಿಗೆ ಬ್ಯಾಗ್, ಪೆನ್ನು ವಿತರಿಸಿದ ನಾರಾಯಣ ಸ್ವಾಮಿ

Bengaluru City3 hours ago

ನಮ್ಮ ಮೆಟ್ರೋ ರೈಲು ಸೇವಾವಧಿ ವಿಸ್ತರಣೆ