InternationalLatestLeading NewsMain Post

ನದಿ, ಕೆರೆಗಳಲ್ಲಿ ಸ್ನಾನ ಮಾಡೋ ಮುನ್ನ ಹುಷಾರ್ – ವಿದೇಶದಲ್ಲಿ ಪತ್ತೆಯಾಗಿದೆ ಮೆದುಳು ತಿನ್ನುವ ಡೆಡ್ಲಿ ವೈರಸ್

- ಕೆರೆಯಲ್ಲಿ ಸ್ನಾನ ಮಾಡುವಾಗ ಅಮೀಬಾ ವೈರಸ್ ದೇಹ ಸೇರಿ ಬಾಲಕ ಸಾವು

ವಾಷಿಂಗ್ಟನ್: ಕೆರೆ, ಕೊಳ್ಳ ಹಾಗೂ ನದಿಗಳಲ್ಲಿ ಸ್ನಾನ ಮಾಡುವ ಮುನ್ನ ಜನರು ಎಚ್ಚರ ವಹಿಸಬೇಕಾಗಿದೆ. ಏಕೆಂದರೆ ಅಪರೂಪದ ಅಮೀಬಾ ಡೆಡ್ಲಿ ವೈರಸ್ ಅಮೆರಿಕದಲ್ಲಿ ಪತ್ತೆಯಾಗಿದ್ದು, ಇದು ನೇರವಾಗಿ ಮೆದುಳು ನಾಶಗೊಳಿಸುತ್ತದೆ. ಇದಕ್ಕೆ ಸಾಕ್ಷಿ ಎನ್ನುವಂತೆ ನದಿಗೆ ಸ್ನಾನ ಮಾಡಲು ಹೋಗಿದ್ದ ಬಾಲಕನ ದೇಹಕ್ಕೆ `ಅಮೀಬಾ’ ಹೆಸರಿನ ವೈರಸ್ ಸೇರಿದ್ದು ಬಾಲಕ ಮೃತಪಟ್ಟಿರುವ ಪೂರ್ವ ಅಮೆರಿಕದಲ್ಲಿ ನಡೆದಿದೆ.

ಪೂರ್ವ ಅಮೆರಿಕದ ಅಮೆರಿಕದ ನೆಬ್ರಸ್ಕಾದ ಎಲ್ಖೋರ್ನ್ ನದಿಯಲ್ಲಿ ಬಾಲಕ ಸ್ನಾನ ಮಾಡಲು ಹೋದಾಗ ವೈರಸ್ ದೇಹ ಸೇರಿದೆ. ಇದನ್ನೂ ಓದಿ: ಕಾಂಗ್ರೆಸ್‍ನಲ್ಲಿ ಕಾರ್ಯಕರ್ತರೇ ತಮ್ಮ ನಾಯಕರ ಮೇಲೆ ಅಟ್ಟಹಾಸ ಮೆರೆಯುತ್ತಿದ್ದಾರೆ: ಸುಧಾಕರ್

ಬಾಲಕನು ಆಗಸ್ಟ್ 8 ರಂದು ಈ ನದಿಯಲ್ಲಿ ಈಜುತ್ತಿದ್ದನು. ನಂತರ ಸ್ನಾನ ಮಾಡುತ್ತಿರುವಾಗ ಅಮೀಬಾ ವೈರಸ್ ದೇಹ ಪ್ರವೇಶಿಸಿದೆ. 5 ದಿನಗಳ ನಂತರ ರೋಗ ಲಕ್ಷಣಗಳು ಕಂಡುಬಂದಿದೆ. ರೋಗಲಕ್ಷಣಗಳು ಕಾಣಿಸಿಕೊಂಡ 48 ಗಂಟೆಗಳ ಬಳಿಕ ಪೋಷಕರು ಆಸ್ಪತ್ರೆಗೆ ಕರೆತಂದಿದ್ದಾರೆ. ಆದರೆ ಚಿಕಿತ್ಸೆ ಫಲಕಾರಿಯಾಗದೇ ಆಸ್ಪತ್ರೆಗೆ ದಾಖಲಾದ 10 ದಿನಗಳ ನಂತರ ಬಾಲಕ ಮೃತಪಟ್ಟಿದ್ದಾನೆ ಎಂದು ಯುಎಸ್ ಆರೋಗ್ಯಾಧಿಕಾರಿಗಳು ತಿಳಿಸಿದ್ದಾರೆ.

ಸೋಂಕು ಹರಡೋದು ಹೇಗೆ?
ಮೆದುಳು ತಿನ್ನುವ ಈ ಅಮೀಬಾ ಹೆಸರಿನ ವೈರಸ್ `ನೇಗ್ಲೇರಿಯಾ ಫೌಲೆರಿ’ಯಿಂದ ಬರುತ್ತದೆ. ಮಗುವಿನ ಮೆದುಳಿನ ಸುತ್ತಲೂ ಹರಿಯುವ ಸೆರೆಬ್ರೊಸ್ಪೈನಲ್‌ ದ್ರವದಲ್ಲಿ ನೇಗ್ಲೇರಿಯಾ ಫೌಲೆರಿ ಕಂಡುಬಂದಿದೆ ಎಂದು ರೋಗ ನಿಯಂತ್ರಣ ಮತ್ತು ತಡೆಗಟ್ಟುವಿಕೆ ಕೇಂದ್ರ (ಸಿಡಿಸಿ) ದೃಢಪಡಿಸಿದೆ. ಇದನ್ನೂ ಓದಿ: ಅಜಾದ್‌ ಬೆನ್ನಲ್ಲೇ ಕಾಂಗ್ರೆಸ್‌ನ ಮಹತ್ವದ ಹುದ್ದೆಗೆ ಆನಂದ್‌ ಶರ್ಮಾ ರಾಜೀನಾಮೆ

ಸಿಡಿಸಿ ಹೇಳುವಂತೆ ಅಮೀಬಾ ನೀರಿನಲ್ಲಿದ್ದಾಗ ಮೂಗಿನ ಮೂಲಕ ದೇಹವನ್ನು ಪ್ರವೇಶಿಸಬಹುದು. ಮೂಗಿನ ಮೂಲಕ ಮೆದುಳಿಗೆ ಚಲಿಸಿ ದಾಳಿ ಮಾಡುತ್ತದೆ. ಇಂತಹ ವೈರಸ್ ಸಿಹಿನೀರಿನ ಸರೋವರಗಳು, ನದಿಗಳು, ಕಾಲುವೆಗಳು ಹಾಗೂ ಕೊಳಗಳಲ್ಲಿ ಹೆಚ್ಚಾಗಿ ಕಂಡುಬರುತ್ತವೆ ಎಂದು ಹೇಳಿದೆ.

Live Tv

Leave a Reply

Your email address will not be published. Required fields are marked *

Back to top button