Monday, 15th October 2018

Recent News

ಹುಚ್ಚವೆಂಕಟ್ ಅಭಿಮಾನಿ ಕಡೆಯಿಂದ ನಟಿಗೆ ಧಮ್ಕಿ

ಬೆಂಗಳೂರು: ನಟ ಮತ್ತು ನಿರ್ದೇಶಕ ಹುಚ್ಚ ವೆಂಕಟ್ ಅಭಿಮಾನಿ ಕಡೆಯಿಂದ ಸೂಪರ್ ಜೋಡಿಯ ಖ್ಯಾತಿಯ ನಟಿ ರಚನಗೆ ಧಮ್ಕಿ ಹಾಕಿದ್ದಾರೆ ಎಂಬ ಆರೋಪ ಕೇಳಿ ಬಂದಿದೆ.

ವೆಂಕಟ್ ಅಭಿಮಾನಿಯೊಬ್ಬ ಭಾನುವಾರ ರಾತ್ರಿ ಕರೆ ಮಾಡಿ ಅವಾಚ್ಯ ಶಬ್ದಗಳಿಂದ ನಿಂದನೆ ಮಾಡಿದ್ದಾನೆ ಎಂದು ನಟಿ ಆರೋಪಿಸುತ್ತಿದ್ದಾರೆ. ಬಳಿಕ ಈ ವಿಚಾರವಾಗಿ ರಚನಾ ಪೊಲೀಸ್ ಠಾಣೆ ಮೆಟ್ಟಿಲೇರಿದ್ದು, ವಿಲ್ಸನ್ ಗಾರ್ಡನ್ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲು ಮಾಡಿದ್ದಾರೆ.

ನಟಿ ರಚನಾ `ಸಮರ್ಥ’ ಸಿನಿಮಾದಲ್ಲಿ ನಾಯಕಿಯಾಗಿ ಅಭಿನಯಿಸಿದ್ದಾರೆ. ಆ ಸಿನಿಮಾದಲ್ಲಿ ಬರುವ ಒಂದು ಡೈಲಾಗ್‍ಗೆ ವೆಂಕಟ್ ಅಭಿಮಾನಿ ವಿರೋಧ ವ್ಯಕ್ತಪಡಿಸಿದ್ದಾನೆ ಎಂದು ತಿಳಿದು ಬಂದಿದೆ. ಈ ಬಗ್ಗೆ ಪ್ರತಿಕ್ರಿಸಿದ ನಟಿ ರಚನಾ, ಶುಕ್ರವಾರ ಸಮರ್ಥ ಸಿನಿಮಾ ರಿಲೀಸ್ ಆಗಿದೆ. ಈ ಸಿನಿಮಾವನ್ನು ನೋಡಿದ ಅಭಿಮಾನಿಯೊಬ್ಬರು ನನಗೆ ಕರೆ ಮಾಡಿದ್ದರು. ಆಗ ನಿಮ್ಮ ಸಿನಿಮಾ ಡೈಲಾಗ್ ಕೇಳಿ ನಮ್ಮ ಅಣ್ಣನಿಗೆ ಬೇಜಾರಾಗಿದೆ. ನೀನೇನು ದೊಡ್ಡ ಹೀರೋಯಿನಾ. ನಾವು ಮನಸ್ಸು ಮಾಡಿದ ನಾಳೆನೇ ಸಿನಿಮಾವನ್ನು ನಿಲ್ಲಿಸುತ್ತೇವೆ ಎಂದು ಬೆದರಿಕೆ ಹಾಕಿದ್ದಾನೆ ಅಂತ ಹೇಳಿದ್ದಾರೆ.

ಈ ವೇಳೆ ನಾನು ಯಾರು ನೀವು ಎಂದು ಕೇಳಿದೆ. ಆದರೆ ಅವನು ಕೊನೆವರೆಗೂ ತಾನು ಯಾರೆಂದು ಹೇಳಲು ಭಯಪಡುತ್ತಿದ್ದನು. ಕೊನೆಗೆ ನಾನು ಹುಚ್ಚ ವೆಂಕಟ್ ಅಭಿಮಾನಿ ಎಂದು ಹೇಳಿದ್ದಾನೆ. ಸದ್ಯಕ್ಕೆ ನಾನು ಪೊಲೀಸರಿಗೆ ದೂರು ಕೊಟ್ಟಿದ್ದೇನೆ. ಅವರು ವಿಚಾರಣೆ ಮಾಡಿ ಯಾರು ಎಂದು ಪತ್ತೆ ಮಾಡುತ್ತೇವೆ ಅಂತ ಹೇಳಿದ್ದಾರೆ ಎಂದು ರಚನಾ ತಿಳಿಸಿದ್ದಾರೆ.

ಈ ಹಿಂದೆ ರಚನಾ ನಾನು ಪ್ರೀತಿಸುತ್ತಿದ್ದೇವೆ ಅಂತ ಹುಚ್ಚ ವೆಂಕಟ್ ವಿವಾದ ಸೃಷ್ಟಿಸಿದ್ದರು.

Leave a Reply

Your email address will not be published. Required fields are marked *