ಕರಣ್ ಜೋಹಾರ್ ಶೋಗೆ ಹೋಗೋಕೆ ಸೆಕ್ಸ್, ಬ್ರೇಕಪ್ ಅರ್ಹತೆನಾ: ನಟಿ ತಾಪ್ಸಿ ಹೇಳಿದ್ದೇನು?

ಓಟಿಟಿಯಲ್ಲಿ ಪ್ರಸಾರವಾಗುತ್ತಿರುವ ಕರಣ್ ಜೋಹಾರ್ ನಡೆಸಿಕೊಡುವ ಕಾಫಿ ವಿತ್ ಕರಣ್ ಶೋ ದಿನದಿಂದ ದಿನಕ್ಕೆ ಜನಪ್ರಿಯತೆ ಹೆಚ್ಚಿಸಿಕೊಳ್ಳುತ್ತಿದೆ. ಈ ಶೋಗೆ ಬರುವ ಸೆಲೆಬ್ರಿಟಿಗಳು ಒಂದಲ್ಲ ಒಂದು ರೀತಿಯಲ್ಲಿ ಅಚ್ಚರಿಯ ಹೇಳಿಕೆ ನೀಡುತ್ತಿದ್ದಾರೆ. ಅದರಲ್ಲೂ ಅವರ ತೀರಾ ಖಾಸಗಿ ವಿಷಯಗಳನ್ನು ಹಂಚಿಕೊಳ್ಳುತ್ತಿದ್ದಾರೆ. ಸೆಕ್ಸ್, ಬ್ರೇಕ್ ಅಪ್, ಫಸ್ಟ್ ನೈಟ್, ಅಫೇರ್ ಸೇರಿದಂತೆ ಇಂತಹ ಖಾಸಗಿ ಸಂಗತಿಗಳನ್ನು ಮುಲಾಜಿಲ್ಲದೇ ಹಂಚಿಕೊಳ್ಳುತ್ತಿದ್ದಾರೆ.

ಈ ಕಾರಣಕ್ಕಾಗಿಯೇ ಒಂದು ರೀತಿಯಲ್ಲಿ ಕಾಫಿ ವಿತ್ ಕರಣ್ ಶೋ ಮಡಿವಂತರ ಕಾರ್ಯಕ್ರಮವಲ್ಲ ಅನಿಸುವಂತಾಗಿದೆ. ಹೀಗಾಗಿಯೇ ನಟಿ ತಾಪ್ಸಿ ಪನ್ನು ಈ ಶೋ ಬಗ್ಗೆ ಕಾಮೆಂಟ್ ಮಾಡಿದ್ದು , ಈವರೆಗೂ ತಮ್ಮನ್ನು ಆ ಶೋಗೆ ಕರೆಯದೇ ಇರುವ ಕಾರಣವನ್ನೂ ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ. ಈ ಕಾರಣದಿಂದಾಗಿಯೇ ನನ್ನನ್ನು ಕರಣ್ ಮುಂದೆಯೇ ಕರೆಯುವುದಿಲ್ಲ ಎನ್ನುವುದನ್ನು ಈಗಲೇ ಹೇಳಿದ್ದಾರೆ. ಇದನ್ನೂ ಓದಿ:ಪೊಲೀಸ್ ಠಾಣೆ ತಲುಪಿದ ನಿರ್ಮಾಪಕರ ವಲಯದ ಚುನಾವಣೆ ಪ್ರಕ್ರಿಯೆ

ನನ್ನ ಸೆಕ್ಸ್ ಲೈಫ್ ಚೆನ್ನಾಗಿಲ್ಲ, ಸೆಕ್ಸ್ ಲೈಫ್ ಚೆನ್ನಾಗಿದ್ದವರನ್ನು ಮಾತ್ರ ಕರಣ್ ತಮ್ಮ ಶೋಗೆ ಕರೆಯುತ್ತಾರೆ. ಈ ಕಾರಣದಿಂದಾಗಿಯೇ ಅವರು ನನ್ನನ್ನು ಈವರೆಗೂ ಕರೆದಿಲ್ಲ ಎಂದು ಹೇಳಿದ್ದಾರೆ. ತಾಪ್ಸಿ ಈ ಸ್ಟೇಟ್ ಮೆಂಟ್ ಕೊಡುತ್ತಿದ್ದಂತೆಯೇ ಶೋ ಕುರಿತಾಗಿ ಮತ್ತಷ್ಟು ಕಾಮೆಂಟ್ ಗಳನ್ನು ಅಭಿಮಾನಿಗಳು ಹಾಕಿದ್ದಾರೆ. ಜೀವನದಲ್ಲಿ ಸೆಕ್ಸ್, ದೋಖಾ, ಬ್ರೇಕ್ ಅಪ್ ಬಿಟ್ಟರೆ ಸಂತಸ ಅನ್ನುವುದೇ ಇಲ್ಲವಾ ಎಂದು ಕೇಳಿದ್ದಾರೆ.