ಟೈಗರ್ ಶ್ರಾಫ್ ಪ್ರೀತಿಯ ಬಗ್ಗೆ ಮೌನ ಮುರಿದ ಜಾಕಿ ಶ್ರಾಫ್

ಬಾಲಿವುಡ್‌ನಲ್ಲಿ ಸೌಂಡ್ ಮಾಡುತ್ತಿರುವ ಸುದ್ದಿಯೆಂದರೆ ಟೈಗರ್ ಶ್ರಾಫ್ ಮತ್ತು ದಿಶಾ ಪಠಾಣಿ ಲವ್ ಬ್ರೇಕಪ್ ಸ್ಟೋರಿ. ಇದೀಗ ಈ ವಿಚಾರವಾಗಿ ನಟ ಜಾಕಿ ಶ್ರಾಫ್ ಕೂಡ ಪ್ರತಿಕ್ರಿಯೆ ನೀಡಿದ್ದಾರೆ. ಪುತ್ರನ ಪ್ರೀತಿಯ ಬಗ್ಗೆ ಜಾಕಿ ಶ್ರಾಫ್ ಮೌನ ಮುರಿದಿದ್ದಾರೆ.

ಸಾಕಷ್ಟು ಸಿನಿಮಾಗಳಲ್ಲಿ ಜೊತೆಯಾಗಿ ನಟಿಸಿರುವ ಟೈಗರ್ ಮತ್ತು ದಿಶಾ, ಕಳೆದ 6 ವರ್ಷಗಳಿಂದ ಡೇಟಿಂಗ್‌ನಲ್ಲಿದ್ದರು. ಈಗ ಕೆಲ ದಿನಗಳಿಂದ ಬ್ರೇಕಪ್ ವದಂತಿ ಜೋರಾಗಿದೆ. ಈ ಕುರಿತು ಯಾವುದೇ ಸ್ಪಷ್ಟನೆ ಕೂಡ ಈ ಜೋಡಿ ನೀಡಿಲ್ಲ. ಈ ಬೆನ್ನಲ್ಲೇ ಪುತ್ರನ ಪ್ರೀತಿಯ ಬಗ್ಗೆ ಜಾಕಿ ಶ್ರಾಫ್ ಪ್ರತಿಕ್ರಿಯೆ ನೀಡಿದ್ದಾರೆ. ಇದನ್ನೂ ಓದಿ:ವಿಶ್ವದಾದ್ಯಂತ ಕಿಚ್ಚನ ವಿಕ್ರಾಂತ್ ರೋಣ ರಿಲೀಸ್ – ಮುಗಿಲು ಮುಟ್ಟಿದ ಅಭಿಮಾನಿಗಳ ಸಂಭ್ರಮ

ಟೈಗರ್ ಶ್ರಾಫ್, ದಿಶಾ ಪಠಾಣಿ ಅವರು ಸ್ನೇಹಿತರಾಗಿದ್ದರು, ಸ್ನೇಹಿತರಾಗಿ ಉಳಿದಿದ್ದಾರೆ. ಇಬ್ಬರೂ ಜೊತೆಯಾಗಿ ಹೊರಗೆ ಹೋಗೋದನ್ನು ನಾನು ನೋಡಿರುವೆ. ಹಾಗಂತ ನನ್ನ ಮಗನನ್ನು ಟ್ರ‍್ಯಾಕ್ ಮಾಡ್ತೀದ್ದೀನಿ ಅಂತಲ್ಲ. ಅವರಿಬ್ಬರೂ ತುಂಬ ಆತ್ಮೀಯರು ಅಂತ ನನಗೆ ಗೊತ್ತಿದೆ, ಕೆಲಸದ ಹೊರತಾಗಿ ಅವರಿಬ್ಬರೂ ಸಮಯ ಕಳೆಯುತ್ತಾರೆ ಅಂತ ಗೊತ್ತಿದೆ ಎಂದು ಜಾಕಿ ಶ್ರಾಫ್ ಹೇಳಿದ್ದಾರೆ. ಬೇರೆಯಾಗಿರೋದು, ಒಟ್ಟಿಗೆ ಇರೋದು ಅವರಿಬ್ಬರಿಗೆ ಬಿಟ್ಟಿದ್ದು. ನಾನು, ನನ್ನ ಪತ್ನಿ ತರ ಇದು ಅವರ ಲವ್ ಸ್ಟೋರಿ. ದಿಶಾ ಜೊತೆ ನಮಗೆ ಒಳ್ಳೆಯ ಸಂಬಂಧ ಇದೆ ಎಂದು ಜಾಕಿ ಶ್ರಾಫ್ ಹೇಳಿದ್ದಾರೆ.