ಟೊಮೆಟೋ ಸಲಾಡ್ ಸುಲಭ ಮತ್ತು ಆರೋಗ್ಯಕರ ಸಲಾಡ್ ಪಾಕವಿಧಾನವಾಗಿದೆ. ಈ ಸಲಾಡ್ ಆರೋಗ್ಯಕ್ಕೂ ಒಳ್ಳೆಯದು ಮತ್ತು ತಿನ್ನಲು ರುಚಿಯಾಗಿರುತ್ತದೆ. ಡಯೆಟ್ ಮಾಡುವವರಿಗೆ ಈ ಸಲಾಡ್ ಹೇಳಿ ಮಾಡಿಸಿದ್ದಾಗಿದೆ. ದಿನಕ್ಕೊಮ್ಮೆ ಮಾಡಿ ತಿಂದರೆ ಆರೋಗ್ಯ ಹಿತ ದೃಷ್ಟಿಯಿಂದ ಒಳ್ಳೆಯದಾಗಿದೆ.
ಬೇಕಾಗುವ ಸಾಮಗ್ರಿಗಳು:
* ಸೌತೆಕಾಯಿ- 1 ಕಪ್
* ಟೊಮೆಟೋ- 1 ಕಪ್
* ಕ್ಯಾರೆಟ್ – 1ಕಪ್
* ಈರುಳ್ಳಿ- ಅರ್ಧ ಕಪ್
* ಎಲೆಕೋಸು- ಅರ್ಧ ಕಪ್
* ಕೊತ್ತಂಬರಿ ಸೊಪ್ಪು – ಸ್ವಲ್ಪ
* ಕಾಳು ಮೆಣಸು ಪುಡಿ- ಸ್ವಲ್ಪ
* ಮೆಣಸಿನಕಾಯಿ – 3
* ಚಾಟ್ ಮಸಾಲಾ- ಸ್ವಲ್ಪ
* ರುಚಿಗೆ ತಕ್ಕಷ್ಟು ಉಪ್ಪು
* ನಿಂಬೆ ರಸ- ಸ್ವಲ್ಪ
* ಪುದೀನ ಎಲೆ- ಸ್ವಲ್ಪ
ಮಾಡುವ ವಿಧಾನ:
* ಮೊದಲಿಗೆ ಒಂದು ಬೌಲ್ ತೆಗೆದುಕೊಂಡು ಸೌತೆಕಾಯಿ, ಟೊಮೆಟೋ, ಕ್ಯಾರೆಟ್, ಈರುಳ್ಳಿ, ಎಲೆಕೋಸು, ಕೊತ್ತಂಬರಿ ಸೊಪ್ಪು, ಕಾಳು ಮೆಣಸು, ಮೆಣಸಿನಕಾಯಿ, ಚಾಟ್ ಮಸಾಲಾ, ರುಚಿಗೆ ತಕ್ಕಷ್ಟು ಉಪ್ಪು, ನಿಂಬೆ ರಸವನ್ನು ಸೇರಿಸಿ ಚೆನ್ನಾಗಿ ಮಿಶ್ರಣವನ್ನು ಮಾಡಿ.
* ಎಲ್ಲಾ ಮಸಾಲೆಗಳನ್ನು ಚೆನ್ನಾಗಿ ಮಿಶ್ರಣ ಮಾಡಿದರೆ ರುಚಿಯಾದ ಸಲಾಡ್ ಸವಿಯಲು ಸಿದ್ಧವಾಗುತ್ತದೆ.
