ಹಾವೇರಿ: ನಿದ್ದೆಯ ಮಂಪರಿನಲ್ಲಿ ಬಸ್ ಕಿಟಕಿಯಿಂದ ಕೈ ಹೊರ ಚಾಚಿ ಪ್ರಯಾಣಿಕ ಕೈ ಕಳೆದುಕೊಂಡ ಘಟನೆ ಹಾವೇರಿಯಲ್ಲಿ ನಡೆದಿದೆ.
ನದೀಮ್ ತಾವರಗಿ(28) ಕೈ ಕಳೆದುಕೊಂಡ ವ್ಯಕ್ತಿಯಾಗಿದ್ದಾನೆ. ಹಿರೇಕೇರೂರು ಮೂಲದ ನಿವಾಸಿಯಾಗಿದ್ದಾನೆ. ಅಂಕೋಲಾದಿಂದ ಶಿರಸಿಗೆ ಪ್ರಯಾಣಮಾಡುತ್ತಿದ್ದ ವೇಳೆ ಬಸ್‍ನಲ್ಲಿ ನಿದ್ದೆಗೆ ಜಾರಿ ಕಿಟಕಿಯಲ್ಲಿ ಕೈ ಚಾಚಿ ಕುಳಿತವನ ಒಂದು ಕೈ ಕಟ್ ಆಗಿದೆ. ಇದನ್ನೂ ಓದಿ: ಮಳೆಗಾಗಿ ಭಕ್ತನಿಂದ ಆಂಜನೇಯನಿಗೆ ಪ್ರಾರ್ಥನೆ – ಹೂ ಪ್ರಸಾದ ನೀಡಿದ ಹನುಮಂತ
ಅಂಕೋಲಾದಿಂದ ಶಿರಸಿಗೆ ರಾತ್ರಿ ಬಸ್‍ನಲ್ಲಿ ಪ್ರಯಾಣಿಸುತ್ತಿದ್ದ ವೇಳೆ ಕುಳಿತ ಸೀಟಿನಲ್ಲಿ ನಿದ್ದೆ ಮಾಡುತ್ತಿದ್ದ. ನಿದ್ದೆ ಮಂಪರಿನಲ್ಲಿ ಕಿಟಕಿಯಿಂದ ಕೈ ಹೊರ ಚಾಚಿದ ಎದುರಿನಿಂದ ವೇಗವಾಗಿ ಚಲಿಸುತ್ತಿದ್ದ ಲಾರಿ ಕೈಗೆ ತಾಗಿದೆ, ಲಾರಿ ವೇಗಕ್ಕೆ ಕೈ ಕಿತ್ತುಕೊಂಡೇ ಹೋಗಿದೆ. ಹೆಚ್ಚಿನ ಚಿಕಿತ್ಸೆಗೆ ಮಂಗಳೂರಿನ ಖಾಸಗಿ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಲಾಗುತ್ತದೆ. ಈ ಕುರಿತಂತೆ ಲಾರಿ ಚಾಲಕ ವಿರುದ್ಧ ಅಂಕೋಲ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲು ಮಾಡಲಾಗಿದೆ.
