ಹೈದರಾಬಾದ್: ದಂಪತಿ ತಾವು ಸಾಕಿರುವ ಶ್ವಾನಕ್ಕೆ ಸೀಮಂತ ಮಾಡಿ ತಮ್ಮ ಸಂಬಂಧಿಗಳಿಗೆ ಊಟ ಹಾಕಿ ಅದ್ದೂರಿಯಾಗಿ ಕಾರ್ಯಕ್ರಮವನ್ನು ಮಾಡಿ ಸಂಭ್ರಮಿಸಿದ್ದಾರೆ.
ಒಂದೂವರೆ ವರ್ಷದ ಶ್ವಾನದ ಹೆಸರು ಸ್ಟೆಫಿಯಾಗಿದೆ. ಈ ನಾಯಿಯನ್ನು ನವಕುಮಾರ್- ಆಶಾ ದಂಪತಿ ತಮ್ಮ ಮಗಳಂತೆ ಸಾಕಿದ್ದಾರೆ. ಈ ದಂಪತಿ ನಾಯಿಗೆ ಸೀಮಂತ ಕಾರ್ಯಕ್ರಮವನ್ನು ಮಾಡಿ ಸುದ್ದಿಯಾಗಿದ್ದಾರೆ.
ಸ್ಟೆಫಿ ನಮ್ಮ ಮಗಳಂತೆ. ಅವಳ ಮೊದಲು ವರ್ಷದ ಜನ್ಮದಿನವನ್ನು ನಾವು ಅದ್ಧೂರಿಯಾಗಿ ಆಚರಿಸಿದ್ದೆವು. ಸ್ಟೆಫಿ ಗರ್ಭವತಿ ಆದಾಗ ಯಾಕೆ ಹಾಗೆಯೆ ಸೀಮಂತ ಮಾಡಬಾರದು ಎಂದು ಯೋಚಿಸಿ ಈ ಸೀಮಂತವನ್ನು ಮಾಡಿದ್ದೇವೆ. ನಮ್ಮ ಮನೆಯಲ್ಲಿರುವ ಒಬ್ಬ ಸದಸ್ಯರಂತೆ ಆಗಿದೆ. ಸ್ಟೆಫಿ ಕುರಿತಾಗಿ ನಮಗಿಬ್ಬರಿಗೆ ತುಂಬಾ ಪ್ರೀತಿ ಇದೆ. ಇದೀಗ ಸೀಮಂತವನ್ನು ಮಾಡಿದ್ದೇವೆ ಎಂದು ದಂಪತಿ ಹೇಳಿಕೊಂಡಿದ್ದಾರೆ.
