ಉಡುಪಿ: ಬಿಜೆಪಿಯ ಹಿರಿಯ ಕಾರ್ಯಕರ್ತ ಸೋಮಶೇಖರ್ ಭಟ್ ಗೆ ಬೆಳ್ಳಂಬೆಳಗ್ಗೆ ಒಂದು ಫೋನ್ ಕರೆ ಬಂದಿತ್ತು. ಯಾರಪ್ಪ ಇದು.. ಅನ್ ನೋನ್ ನಂಬರ್ ಅಂತ ರಿಸೀವ್ ಮಾಡಿದ್ರೆ ಅವರಿಗೆ ಶಾಕ್ ಆಗಿತ್ತು.
ಹೌದು. ಬೆಳಗ್ಗೆ 8.30ಕ್ಕೆ ಕಾಲ್ ಮಾಡಿದ್ದು ಪ್ರಧಾನಿ ನರೇಂದ್ರ ಮೋದಿ. ಆ ಕಡೆಯಿಂದ ಹಲೋ ಎಂದಿದ್ದು ಮತ್ಯಾರೂ ಅಲ್ಲ ಪ್ರಧಾನಿ ನರೇಂದ್ರ ಮೋದಿಯವರೇ. ಹೇಗಿದ್ದೀರಿ, ಆರೋಗ್ಯ ಹೇಗಿದೆ ಅಂತ ಪ್ರಧಾನಿಗಳು ಸೋಮಶೇಖರ್ ಅವರ ಯೋಗಕ್ಷೇಮ ವಿಚಾರಿಸಿದ್ದಾರೆ.
ದೇಶಾದ್ಯಂತ ಕೊರೊನಾ ಆತಂಕ ಆವರಿಸಿದ್ದು, ಹಿರಿಯ ನಾಗರಿಕರು ಬಹಳ ಎಚ್ಚರಿಕೆಯಿಂದ ಇರಬೇಕೆಂದು ಸರ್ಕಾರ ಆದೇಶಿಸಿತ್ತು. ಈ ನಡುವೆ ಬಿಜೆಪಿಯ ಹಿರಿಯ ಕಾರ್ಯಕರ್ತ ಸೋಮಶೇಖರ್ ಭಟ್ ಜನಸಂಘ ಕಾಲದಿಂದ ಬಿಜೆಪಿಯಲ್ಲಿ ಸಕ್ರಿಯ ನಾಯಕ. ಪ್ರಧಾನಿ ಮೋದಿಯ ಆಪ್ತವಲಯದವರು. ಹೀಗಾಗಿ ಮೋದಿ ಸೋಮಶೇಖರ್ ಭಟ್ ಆರೋಗ್ಯ ವಿಚಾರಿಸಿದರು. ಕೋವಿಡ್-19 ಸಂದರ್ಭದಲ್ಲಿ ಹಿರಿಯ ನಾಗರಿಕರು ಆರೋಗ್ಯದ ಬಗ್ಗೆ ಮೋದಿ ಕಾಳಜಿವಹಿಸಬೇಕು. ಆರೋಗ್ಯ ಜೋಪಾನ ಎಂದು ಹೇಳಿದರು.
ಆರ್ ಎಸ್ ಎಸ್ ಕ್ಯಾಂಪ್, ಜನಸಂಘದ ದಿನಗಳು, ಎಮರ್ಜೆನ್ಸಿಯ ಕಾಲವನ್ನು ಇಬ್ಬರು ಮೆಲುಕು ಹಾಕಿದ್ದಾರೆ. ತಮ್ಮ ವಲಯದ ಎಲ್ಲಾ ಹಿರಿಯರು- ಮಕ್ಕಳು ನಾಗರಿಕರಿಗೆ ಜಾಗೃತಿಯ ಮಾಹಿತಿ ರವಾನೆ ಮಾಡಿ ಎಂದು ವಿನಂತಿಸಿದರು.
