– ಬಿಸಿಸಿಐ ಮುಂದಿವೆ ಮೂರು ಆಯ್ಕೆಗಳು
ಮುಂಬೈ: ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್)ಗಾಗಿ ಬಿಸಿಸಿಐ ಮತ್ತು ಫ್ರಾಂಚೈಸಿಗಳು ಮುಂಬೈನಲ್ಲಿ ಶನಿವಾರ ಮಹತ್ವದ ಸಭೆ ನಡೆಸಿದರು. ಈ ವೇಳೆ ಐಪಿಎಲ್ಗೆ ಸಂಬಂಧಿಸಿದ ಹಲವು ಆಯ್ಕೆಗಳನ್ನು ಚರ್ಚಿಸಲಾಗಿದೆ.
ಪಂದ್ಯಾವಳಿಯನ್ನು ವಿದೇಶದಲ್ಲಿ ನಡೆಸದಿರುವ ವಿಷಯದಲ್ಲಿ ಎಲ್ಲಾ ಫ್ರಾಂಚೈಸಿಗಳು ಸರ್ವಾನುಮತದಿಂದ ಇದ್ದವು. ಆದರೆ ಈ ವರ್ಷದ ಪಂದ್ಯಾವಳಿಯ ಭವಿಷ್ಯ ಹೇಗಿರುತ್ತದೆ ಎಂಬ ಬಗ್ಗೆ ನಿರ್ಧರಿಸಲಾಗಿಲಿಲ್ಲ. ಇತ್ತ ಫ್ರ್ಯಾಂಚೈಸಿಗಳು ಸಭೆಯ ಕುರಿತಾಗಿ ಮಾಧ್ಯಮಗಳಿಗೆ ಯಾವುದೇ ಮಾಹಿತಿ ನೀಡಲಿಲ್ಲ. ಆದರೆ ಬೋರ್ಡ್ ಮೂಲಕವು ಸಂಭಾಷಣೆಯಲ್ಲಿ ಹೊರಬಂದ ಆಯ್ಕೆಗಳನ್ನು ವಿವರಿಸಿದೆ. ಐಪಿಎಲ್ ಅವಧಿಯನ್ನು ಕಡಿಮೆಗೊಳಿಸುವ ಕುರಿತಾಗಿಯೇ ಹೆಚ್ಚು ಚರ್ಚಿಸಲಾಗಿದೆ ಎಂದು ವರದಿಯಾಗಿದೆ.
ಮೊದಲ ಆಯ್ಕೆ: ಶನಿವಾರವೂ ಎರಡು ಪಂದ್ಯ
ಹಳೆಯ ಐಪಿಎಲ್ ವೇಳಾಪಟ್ಟಿಯ ಪ್ರಕಾರ ಪ್ರಸಕ್ತ ಆವೃತ್ತಿಯಲ್ಲಿ ತಂಡವೊಂದು ತಲಾ 6 ಪಂದ್ಯಗಳನ್ನು ಆಡಬೇಕು. ಈಗ 60 ಪಂದ್ಯಗಳನ್ನು ಭಾನುವಾರದಂತೆ 2 ಪಂದ್ಯಗಳನ್ನು ಶನಿವಾರವೂ ನಡೆಸಬಹುದು. ಈ ಆಯ್ಕೆಯನ್ನು ಅನುಸರಿಸಿದರೆ ಮೇ ತಿಂಗಳಲ್ಲಿ ಟೂರ್ನಿಯನ್ನು ಮುಗಿಸಲು ಸಾಧ್ಯವಾಗುತ್ತದೆ. ಆದರೆ ಈ ಕುರಿತು ಐಪಿಎಲ್ ಪ್ರಸಾರಕರ ನಿಲುವನ್ನು ನೋಡಬೇಕಾಗಿದೆ. ಏಕೆಂದರೆ ಟಿಆರ್ಪಿ ವಿಷಯದಲ್ಲಿ ಸಂಜೆ 4 ಗಂಟೆಗೆ ಪಂದ್ಯವನ್ನು ನಡೆಸಲು ಸ್ಟಾರ್ ಟಿವಿ ಮಾಲೀಕರು ಒಪ್ಪುವುದಿಲ್ಲ. ಜೊತೆಗೆ ಆಟಗಾರರು ಸಹ ಈ ಸಮಯದಲ್ಲಿ ಪಂದ್ಯವನ್ನು ಆಡಲು ಬಯಸುವುದಿಲ್ಲ. ಏಕೆಂದರೆ ಈ ಸಮಯದಲ್ಲಿ ಭಾರತದ ಹೆಚ್ಚಿನ ನಗರಗಳಲ್ಲಿ ತಾಪಮಾನವು 40 ಡಿಗ್ರಿಗಳಿಗಿಂತ ಹೆಚ್ಚಿರುತ್ತದೆ.
ಎರಡನೇ ಆಯ್ಕೆ: ಮಿನಿ ಐಪಿಎಲ್
ಸಭೆಯಲ್ಲಿ 8 ತಂಡಗಳನ್ನು ಎರಡು ಗುಂಪುಗಳಾಗಿ ವಿಂಗಡಿಸುವ ಬಗ್ಗೆಯೂ ಚರ್ಚಿಸಲಾಗಿದೆ. ಸದ್ಯದ ಸನ್ನಿವೇಶದಲ್ಲಿ ಐಪಿಎಲ್ ಟೂರ್ನಿ ನಡೆಯುವುದು ಅನುಮಾನ. ಹೀಗಾಗಿ 8 ತಂಡಗಳನ್ನು 2 ಗ್ರೂಪ್ಗಳಾಗಿ ವಿಭಜಿಸಿ, ನಾಲ್ಕು ಪ್ಲೇ ಆಫ್ ಆಡಿಸಲು ಬಿಸಿಸಿಐಯ ನಿರ್ಧರಿಸಿದೆ. ಆದರೆ ಯಾವಾಗಿನಿಂದ ಆರಂಭವಾಗಲಿದೆ ಈ ಮಿನಿ ಐಪಿಎಲ್ ಎನ್ನುವುದು ಮಾತ್ರ ಇನ್ನೂ ನಿರ್ಧಾರ ಆಗಿಲ್ಲ. ಎರಡ್ಮೂರು ವಾರಗಳ ಬಳಿಕ ದಿನಾಂಕ ನಿಗದಿ ಆಗುವ ಸಾಧ್ಯತೆ ಇದೆ.
ಮೂರನೇ ಆಯ್ಕೆ: ಸೀಮಿತ ಕ್ರೀಡಾಂಗಣದಲ್ಲಿ ಪಂದ್ಯ
ಪಂದ್ಯಗಳನ್ನು ಕೆಲವೇ ಕ್ರೀಡಾಂಗಣದಲ್ಲಿ ನಡೆಸಬೇಕು. ಅಂದರೆ ಪ್ರತಿ ಫ್ರ್ಯಾಂಚೈಸ್ ತನ್ನ ತಂಡದ ಆಟವನ್ನು ತವರು ಮೈದಾನದಲ್ಲಿ ನಡೆಸುವ ಬದಲು ಕೆಲವು ಕ್ರೀಡಾಂಗಣಗಳಲ್ಲಿ ಆಡಿಸಬೇಕು. ಆದ್ದರಿಂದ ಆಟಗಾರರು, ಸಹಾಯಕ ಸಿಬ್ಬಂದಿ ಮತ್ತು ಟಿವಿ ಸಿಬ್ಬಂದಿ ಪ್ರಯಾಣ ಕಡಿಮೆಯಾಗುತ್ತದೆ. ಜೊತೆಗೆ ಇದು ಕೊರೊನಾ ವೈರಸ್ ಹರಡುವ ಅಪಾಯವನ್ನು ಕಡಿಮೆ ಮಾಡುತ್ತದೆ.
ಫ್ರ್ಯಾಂಚೈಸ್ ಏನು ಹೇಳಿದ್ರು?
ಬಿಸಿಸಿಐ ಅಧ್ಯಕ್ಷ ಸೌರವ್ ಗಂಗೂಲಿ ಮತ್ತು ಕಾರ್ಯದರ್ಶಿ ಜೈ ಶಾ ಅವರನ್ನು ಭೇಟಿಯಾದ ನಂತರ ಮಾತನಾಡಿದ ಪಂಜಾಬ್ನ ಫ್ರ್ಯಾಂಚೈಸ್ ನೆಸ್ ವಾಡಿಯಾ, ಐಪಿಎಲ್ ಯಾವಾಗ ಪ್ರಾರಂಭವಾಗುತ್ತದೆ ಎಂದು ಹೇಳುವ ಸ್ಥಿತಿಯಲ್ಲಿ ನಾವಿಲ್ಲ. ನಾವು ಆರ್ಥಿಕ ನಷ್ಟ ಅಥವಾ ಗಳಿಕೆಯ ಬಗ್ಗೆ ಯೋಚಿಸುತ್ತಿಲ್ಲ. ಎರಡು ಅಥವಾ ಮೂರು ವಾರಗಳ ನಂತರ ಪರಿಸ್ಥಿತಿಯನ್ನು ಸರಿಪಡಿಸುತ್ತೇವೆ. ಆ ಹೊತ್ತಿಗೆ ಕೊರೊನಾವೈರಸ್ ಪ್ರಕರಣಗಳು ಕಡಿಮೆಯಾಗುತ್ತವೆ. ಈ ಸಮಯದಲ್ಲಿ ಜನರ ಆರೋಗ್ಯಕ್ಕೆ ಮೊದಲ ಆದ್ಯತೆ ನೀಡಲಾಗುವುದು ಎಂದು ಸ್ಪಷ್ಟಪಡಿಸಿದ್ದಾರೆ.
ದೆಹಲಿ ತಂಡದ ಸಹ ಮಾಲೀಕ ಪಾರ್ತ್ ಜಿಂದಾಲ್ ಮಾತನಾಡಿ, ಸಭೆಯಲ್ಲಿ ಸರ್ಕಾರ, ಬಿಸಿಸಿಐ ಮತ್ತು ಇತರರು ಪರಿಸ್ಥಿತಿಯ ಮೇಲೆ ನಿಗಾ ಇಡುತ್ತಿದ್ದಾರೆ ಅಂತ ಮಂಡಳಿಯು ಎಲ್ಲಾ ಫ್ರಾಂಚೈಸಿಗಳಿಗೆ ತಿಳಿಸಿದೆ ಎಂದು ಹೇಳಿದರು. ನಿಗದಿತ ಸಮಯದಲ್ಲಿ ಪಂದ್ಯಾವಳಿಯ ಬಗ್ಗೆ ನಾವು ನಿರ್ಧಾರ ತೆಗೆದುಕೊಳ್ಳುತ್ತೇವೆ. ಪ್ರತಿಯೊಬ್ಬರೂ ಐಪಿಎಲ್ ಬಯಸುತ್ತಾರೆ ಎಂದರು.
Ness Wadia, co-owner of Kings XI Punjab, after BCCI-IPL franchises meet in Mumbai: BCCI, IPL, and Star are very clear that we are not looking at the financial loss or what we could have earned. This is not about money. The Health of the citizens of India is first and foremost. pic.twitter.com/RqlMX1xv7H
— ANI (@ANI) March 14, 2020
ಸರ್ಕಾರದ ಪ್ರಯಾಣ ನಿರ್ಬಂಧ ಮತ್ತು 3 ರಾಜ್ಯಗಳಲ್ಲಿ ಪಂದ್ಯಗಳನ್ನು ಆಯೋಜಿಸಲು ನಿರಾಕರಿಸಿದ ನಂತರ ಬಿಸಿಸಿಐ ಏಪ್ರಿಲ್ 15ರಂದು ನಡೆಯಬೇಕಿದ್ದ ಐಪಿಎಲ್ ರದ್ದುಗೊಳಿಸಿದೆ. ಜೊತೆಗೆ ದಕ್ಷಿಣ ಆಫ್ರಿಕಾ ವಿರುದ್ಧದ 3 ಪಂದ್ಯಗಳ ಸರಣಿಯ ಉಳಿದ 2 ಪಂದ್ಯಗಳನ್ನು ಮಂಡಳಿಯು ರದ್ದುಗೊಳಿಸಿತು.
