– ಆತ್ಮವಿಶ್ವಾಸದಲ್ಲಿ ರೋಹಿತ್ ಬಳಗ
– ಸೇಡು ತೀರಿಸಿಕೊಳ್ಳುತ್ತಾ ಚೆನ್ನೈ?
ಹೈದರಾಬಾದ್: ಹಲವು ವಿಶೇಷಗಳೊಂದಿಗೆ ಆರಂಭವಾಗಿ ತಂಡಗಳ ಹೋರಾಟದ ನಡುವೆ ಸಾಗಿದ 2019ರ ಐಪಿಎಲ್ ಅಂತಿಮ ಫೈನಲ್ ಪಂದ್ಯಕ್ಕೆ ಹೈದರಾಬಾದ್ನ ಕ್ರೀಡಾಂಗಣ ಸಿದ್ಧವಾಗಿದ್ದು, ಚೆನ್ನೈ ಸೂಪರ್ ಕಿಂಗ್ಸ್ ಹಾಗೂ ಮುಂಬೈ ಇಂಡಿಯನ್ಸ್ ತಂಡಗಳು ಟೈಟಲ್ಗಾಗಿ ಮುಖಾಮುಖಿ ಆಗಲಿದೆ.
ಈ ಬಾರಿಯ ಟೂರ್ನಿಯ ಲೀಗ್ ಹಂತದ ಪಂದ್ಯಗಳಲ್ಲಿ ಎರಡು ಬಾರಿ, ಕ್ವಾಲಿಫೈಯರ್ ಪಂದ್ಯದಲ್ಲಿ ಚೆನ್ನೈ ತಂಡವನ್ನು ಮಣಿಸಿದ ರೋಹಿತ್ ಶರ್ಮಾ ನಾಯಕತ್ವದ ತಂಡ ಆತ್ಮವಿಶ್ವಾಸದಿಂದ ಕಣಕ್ಕೆ ಇಳಿಯಲಿದೆ. ಇತ್ತ ಟೂರ್ನಿಯಲ್ಲಿ ಟೈಟಲ್ ಉಳಿಸಿಕೊಳ್ಳಲು ಚೆನ್ನೈ ಸಿದ್ಧತೆ ನಡೆಸಿದ್ದು, ಧೋನಿ ಬಳಗ ಪ್ರತಿಕಾರ ತೀರಿಸಿಕೊಳ್ಳುತ್ತಾ ಎನ್ನುವುದನ್ನು ಕಾದು ನೋಡಬೇಕಿದೆ.
ಸೇಡು ತೀರಿಸಿಕೊಳ್ಳುತ್ತಾ ಚೆನ್ನೈ?
ಟೂರ್ನಿಯಲ್ಲಿ ಈಗಾಗಲೇ 3 ಬಾರಿ ಚೆನ್ನೈ ತಂಡವನ್ನು ಸೋಲಿಸಿರುವ ಮುಂಬೈ ಹೆಚ್ಚು ಆತ್ಮವಿಶ್ವಾಸ ಹೊಂದಿದೆ ಎಂದು ಹೇಳಬಹುದು. ಮುಂಬೈ ತಂಡ ಬಿಟ್ಟು ಬೇರೆ ಯಾವುದೇ ತಂಡ ವಿರುದ್ಧದ ಕೂಡ ಚೆನ್ನೈ ನೀರಸ ಪ್ರದರ್ಶನ ತೋರಿಲ್ಲ. ಫೈನಲ್ ಪಂದ್ಯದಲ್ಲಿ ಚೆನ್ನೈಗೆ ಉತ್ತಮ ಅವಕಾಶ ಲಭಿಸಿದೆ ಎನ್ನಬಹುದು. ಆರಂಭಿಕಾಗಿ ಚೆನ್ನೈಗೆ ವ್ಯಾಟ್ಸನ್, ಡು ಪ್ಲೆಸಿಸ್ ಉತ್ತಮ ಫಾರ್ಮ್ ನಲ್ಲಿರುವುದು ತಂಡದ ಪ್ಲಸ್ ಪಾಯಿಂಟ್ ಆಗಿದೆ. ರೈನಾ, ರಾಯುಡು, ಮಧ್ಯಮ ಕ್ರಮಾಂಕದಲ್ಲಿ ಬಲ ತುಂಬಿದರೆ, ಧೋನಿ, ಬ್ರಾವೋ ಅಂತಿಮ ಹಂತದಲ್ಲಿ ಸ್ಕೋರ್ ಹೆಚ್ಚಿಸುವ ಸಾಮಥ್ರ್ಯವನ್ನು ಹೊಂದಿದ್ದಾರೆ.
Utterly yellovely blockbuster Kollywood material – Gangs of Madras! 😎 #WhistlePodu #Yellove #IPL2019Final #MIvCSK 🦁💛 pic.twitter.com/76X6kVj1Vm
— Chennai Super Kings (@ChennaiIPL) May 12, 2019
ಇತ್ತ ಡೆಲ್ಲಿ ತಂಡದ ವಿರುದ್ಧ ಕ್ವಾಲಿಫೈಯರ್ 2 ಪಂದ್ಯದಲ್ಲಿ ಮುರಳಿ ವಿಜಯ್ ಬದಲಾಗಿ ಶಾರ್ದೂಲ್ ಠಾಕೂರ್ ಅವರಿಗೆ ಅವಕಾಶ ನೀಡಲಾಗಿತ್ತು. ಆದರೆ ಶಾರ್ದೂಲ್ ಪಂದ್ಯದಲ್ಲಿ ವಿಫಲರಾಗಿದ್ದರು ಮತ್ತೊಂದು ಅವಕಾಶ ಪಡೆಯುವ ಸಾಧ್ಯತೆ ಇದೆ. ಅಲ್ಲದೇ ಮತ್ತದೆ ತಂಡವನ್ನು ಧೋನಿ ಕಣಕ್ಕೆ ಇಳಿಸುವ ಸಾಧ್ಯತೆ ಇದೆ. ಉಳಿದಂತೆ ಐವರು ಬೌಲರ್ ಗಳು ಉತ್ತಮ ಬೌಲಿಂಗ್ ಪ್ರದರ್ಶನ ನೀಡುತ್ತಿದ್ದು, ತಹೀರ್, ಹರ್ಭಜನ್ ಸಿಂಗ್, ಜಡೇಜಾ ಮೋಡಿ ಮಾಡುವ ನಿರೀಕ್ಷೆ ಇದೆ.
ಮತ್ತೊಂದು ಜಯದ ನಿರೀಕ್ಷೆಯಲ್ಲಿ ಮುಂಬೈ:
ಟೂರ್ನಿಯಲ್ಲಿ ಮುಂಬೈ ಇಂಡಿಯನ್ಸ್ ಆರಂಭದಿಂದಲೂ ಉತ್ತಮ ಪ್ರದರ್ಶನ ತೋರಿದ್ದು, ತಂಡದ ಆರಂಭಿಕ ಬ್ಯಾಟ್ಸ್ ಮನ್ ಗಳಾದ ಡಿಕಾಕ್, ರೋಹಿತ್ ಉತ್ತಮ ಫಾರ್ಮ್ ನಲ್ಲಿದ್ದು, ಒಂದೊಮ್ಮೆ ಇಬ್ಬರು ವಿಫಲರಾದರೂ, ಸೂರ್ಯಕುಮಾರ್ ತಂಡಕ್ಕೆ ಆಸೆರೆಯಾಗುವ ಸಾಮಥ್ರ್ಯವನ್ನು ಹೊಂದಿದ್ದಾರೆ. ಉಳಿದಂತೆ ಇಶಾನ್ ಕಿಶಾನ್, ಪೋಲಾರ್ಡ್, ಹಾರ್ದಿಕ್, ಕೃನಾಲ್ ಪಾಂಡ್ಯರೊಂದಿಗೆ ತಂಡ ಲೈನಪ್ ಹೊಂದಿದೆ. ಬೌಲಿಂಗ್ ನಲ್ಲಿ ಬುಮ್ರಾ, ಮಾಲಿಂಗ, ಕೃನಾಲ್, ರಾಹುಲ್ ಚಹರ್ ಸ್ಪಿನ್ನರ್ ಗಳಾಗಿ ಉತ್ತಮ ಸಾಥ್ ನೀಡುತ್ತಿದ್ದಾರೆ.
👀 ➡ #IPL2019Final 🔥#OneFamily #CricketMeriJaan #MumbaiIndians #MIvCSK @YUVSTRONG12 pic.twitter.com/tc43iWx91p
— Mumbai Indians (@mipaltan) May 12, 2019
ಮುಂಬೈ ಸಾಧನೆ: 2013, 2015, 2017 ರಲ್ಲಿ ಮುಂಬೈ ಪ್ರಶಸ್ತಿಯನ್ನು ಗೆದ್ದು ಸಂಭ್ರಮಿಸಿದೆ. 2013 ರಲ್ಲಿ 23 ರನ್, 2015 ರಲ್ಲಿ 41 ರನ್ ಗಳಲ್ಲಿ ಚೆನ್ನೈ ತಂಡವನ್ನು ಸೋಲಿಸಿದ್ದು ಮುಂಬೈ ಮಹತ್ವದ ಸಾಧನೆ ಆಗಿದೆ. 2017ರಲ್ಲಿ ಹೈದರಾಬಾದ್ ನಲ್ಲಿ ನಡೆದ ಫೈನಲ್ ಪಂದ್ಯದಲ್ಲೂ ಕೂಡ ಪುಣೆ ತಂಡವನ್ನು ಮುಂಬೈ 1 ರನ್ ಅಂತರದಲ್ಲಿ ರೋಚಕ ಜಯ ಪಡೆದಿತ್ತು.
#Believe 💙#OneFamily #CricketMeriJaan #MumbaiIndians #MIvCSK pic.twitter.com/6e6tlioCkg
— Mumbai Indians (@mipaltan) May 12, 2019
ಚೆನ್ನೈ ಸಾಧನೆ: 2010 ರಲ್ಲಿ ಚೆನ್ನೈ ತಂಡ 22 ರನ್ ಗಳ ಹಂತದಲ್ಲಿ ಮುಂಬೈ ವಿರುದ್ಧ ಗೆದ್ದು ಮೊದಲ ಬಾರಿಗೆ ಕಪ್ ಜಯಿಸಿತ್ತು. 2011 ರಲ್ಲಿ ಆರ್ ಸಿಬಿ ವಿರುದ್ಧ 58 ರನ್ ಗಳ ಹಂತದಲ್ಲಿ ಹಾಗೂ 2018 ರಲ್ಲಿ ಹೈದರಾಬಾದ್ ವಿರುದ್ಧ 8 ವಿಕೆಟ್ ಹಂತದಲ್ಲಿ ಜಯ ಪಡೆದು ಸಂಭ್ರಮಿಸಿತ್ತು. ಸದ್ಯ ಎರಡು ತಂಡಗಳಿಗೂ ಇದು ಮಹತ್ವದ ಪಂದ್ಯವಾಗಿದ್ದು, ಇತ್ತಂಡಗಳು 3 ಬಾರಿ ಕಪ್ ಗೆದ್ದಿರುವ ಹಿನ್ನೆಲೆಯಲ್ಲಿ 4ನೇ ಬಾರಿಗೆ ಕಪ್ ಯಾವ ತಂಡ ಗೆಲ್ಲಲಿದೆ ಎಂಬುವುದು ಕುತೂಹಲ ಮೂಡಿಸಿದೆ.
