ಮುಂಬೈ: ದಂಗಲ್ ಬೆಡಗಿಯರಾದ ಫಾತಿಮಾ ಸನಾ ಶೇಖ್ ಹಾಗೂ ಸನ್ಯಾ ಮಲ್ಹೋತ್ರಾ ‘ದಿಲ್‍ಬರ್’ ಹಾಡಿಗೆ ಹೆಜ್ಜೆ ಹಾಕಿದ್ದಾರೆ. ಸದ್ಯ ಇವರಿಬ್ಬರ ಡ್ಯಾನ್ಸ್ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಇತ್ತೀಚಿಗೆ ಫಾತಿಮಾ ಹಾಗೂ ಸನ್ಯಾ ‘ಸತ್ಯಮೇವ್ ಜಯತೇ’ ಚಿತ್ರದ ದಿಲ್‍ಬರ್ ಹಾಡಿಗೆ ಡ್ಯಾನ್ಸ್ ಮಾಡಿದ್ದಾರೆ. ಈ ಡ್ಯಾನ್ಸ್ ಶಾಕೇಬ್ ಶೇಖ್ ನೃತ್ಯ ನಿರ್ದೇಶನ ಮಾಡಿದ್ದು, ಸದ್ಯ ಫಾತಿಮಾ ಹಾಗೂ ಸನ್ಯಾ ತಮ್ಮ ಡ್ಯಾನ್ಸ್ ವಿಡಿಯೋವನ್ನು ಇನ್‍ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ.
ದಿಲ್‍ಬರ್ ಹಾಡು ಸಾಮಾಜಿಕ ಜಾಲತಾಣದಲ್ಲಿ ಸಾಕಷ್ಟು ವೈರಲ್ ಆಗಿದೆ. ಈ ಒರಿಜನಲ್ ಹಾಡಿನಲ್ಲಿ ಸುಶ್ಮಿತಾ ಸೇನ್ ಹಾಗೂ ಸಂಜೀವ್ ಕಪೂರ್ ನಟಿಸಿದ್ದಾರೆ. ಸದ್ಯ ಈಗ ಈ ಹಾಡಿಗೆ ಫಾತಿಮಾ ಹಾಗೂ ಸನ್ಯಾ ಡ್ಯಾನ್ಸ್ ಮಾಡಿದ್ದು, ವಿಡಿಯೋ ಸಾಕಷ್ಟು ವೈರಲ್ ಆಗಿದೆ.
ಸದ್ಯ ಫಾತಿಮಾ ಈಗ ಅಮೀರ್ ಖಾನ್ ಜೊತೆ “ಥಗ್ಸ್ ಆಫ್ ಹಿಂದೋಸ್ಥಾನ್” ಚಿತ್ರದಲ್ಲಿ ನಟಿಸುತ್ತಿದ್ದಾರೆ. ಈ ಚಿತ್ರದಲ್ಲಿ ಬಿಗ್-ಬಿ ಅಮಿತಾಬ್ ಬಚ್ಚನ್ ಹಾಗೂ ಕತ್ರಿನಾ ಕೈಫ್ ಕೂಡ ನಟಿಸುತ್ತಿದ್ದಾರೆ. ಈ ಚಿತ್ರ ಇದೇ ವರ್ಷ ದೀಪಾವಳಿ ಹಬ್ಬಕ್ಕೆ ಬಿಡುಗಡೆಯಾಗಲಿದೆ ಎಂದು ಹೇಳಲಾಗಿದೆ.
ಇತ್ತ ಸನ್ಯಾ, ವಿಶಾಲ್ ಭಾರದ್ವಾಜ್ ನಿರ್ದೇಶನದ ‘ಪಟಾಕಾ’ ಸಿನಿಮಾದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಈ ಚಿತ್ರ ಸೆಪ್ಟೆಂಬರ್ 28, 2018ರಂದು ಬಿಡುಗಡೆಯಾಗಲಿದೆ. ಈ ಚಿತ್ರವನ್ನು ದೀರಜ್ ವದ್ವಾನ್, ಅಜಯ್ ಕಪೂರ್, ರೇಖಾ ಭಾರದ್ವಾಜ್ ಹಾಗೂ ವಿಶಾಲ್ ಭಾರದ್ವಾಜ್ ನಿರ್ಮಾಣ ಮಾಡುತ್ತಿದ್ದಾರೆ.
