ಬೆಂಗಳೂರು: ನಟಿ ರನ್ಯಾ ರಾವ್ (Ranya Rao) ಅವರ ಗೋಲ್ಡ್ ಸ್ಮಗ್ಲಿಂಗ್ ಪ್ರಕರಣ ದಿನಕ್ಕೊಂದು ಹೊಸ ತಿರುವು ಪಡೆದುಕೊಳ್ಳುತ್ತಿದ್ದು, ಇದೀಗ ಗೆಳೆಯನೇ ನಟಿಗೆ ಬಿಗ್ ಶಾಕ್ ಕೊಟ್ಟಿದ್ದಾರೆ,
ಡಿಆರ್ಐ ಅಧಿಕಾರಿಗಳ ಶೋಕಾಸ್ ನೋಟಿಸ್ಗೆ ಬೆದರಿದ ಸ್ಮಗ್ಲರ್ ಕೋರ್ಟ್ ಮುಂದೆ ತಪ್ಪೊಪ್ಪಿಗೆ ನೆಪದಲ್ಲಿ ಅವಾಂತರ ಸೃಷ್ಟಿಸಿದ್ದಾನೆ. ಈ ಮೂಲಕ ರನ್ಯಾ ರಾವ್ಗೆ ಗೆಳೆಯನಿಂದಲೇ ಬಿಗ್ ಶಾಕ್ ಎದುರಾಗಿದೆ. ನಾನು ರನ್ಯಾ ರಾವ್ಗೆ ಚಿನ್ನದ ಬಿಸ್ಕೆಟ್ ನೀಡಿದ್ದು ನಿಜ. ಆದರೆ ನಾನು ಚಿನ್ನದ ಬಿಸ್ಕೆಟ್ ನೀಡಿದ್ದು ದುಬೈನಲ್ಲಿ. ಹೀಗಾಗಿ ದುಬೈ ಕಾನೂನು ನನಗೆ ಅನ್ವಯ ಆಗಬೇಕು, ಭಾರತದ ಕಾನೂನಲ್ಲ ಮತ್ತು ನಾನು ಭಾರತದಲ್ಲಿ ಯಾವುದೇ ಅವ್ಯವಹಾರ ಮಾಡಿಲ್ಲ ಹಾಗೂ ಚಿನ್ನ ಮಾರಾಟ ಮಾಡುವ ಪ್ರಯತ್ನವನ್ನು ಮಾಡಿಲ್ಲ ಎಂದು ಹೇಳಿದ್ದಾನೆ. ಇದನ್ನೂ ಓದಿ: ಕ್ಯಾಬ್ ಆ್ಯಪ್ಗಳಲ್ಲಿ Pre Ride Tip ಆಯ್ಕೆಗೆ ಬ್ರೇಕ್ – ರೈಡ್ ಮುಗಿದ ಮೇಲಷ್ಟೇ ಟಿಪ್ಸ್ ಪಾವತಿಸಿ
ನಾನು ಕೊಟ್ಟ ಚಿನ್ನವನ್ನು ರನ್ಯಾ ಕಳ್ಳಸಾಗಾಣಿಕೆ ಮಾಡಿದ್ದಾಳೆ ಮತ್ತು ಆಕೆಗೆ ಮಾತ್ರ ಭಾರತದ ಕಾನೂನು ಅನ್ವಯ ಆಗಬೇಕು. ಹೀಗಾಗಿ ನನ್ನನ್ನು ಪ್ರಕರಣದಿಂದ ಮುಕ್ತಗೊಳಿಸಬೇಕೆಂದು ಮನವಿ ಮಾಡಿದ್ದಾನೆ. ಈ ಮೂಲಕ ರನ್ಯಾ ರಾವ್ ಗೆಳೆಯನೇ ಕೊಳ್ಳಿ ಇಟ್ಟಿದ್ದಾನೆ.
