ಕಾವೇರಿ ನೀರು ತುಂಬಿ ತಮಿಳುನಾಡಿಗೆ ಜಾಸ್ತಿ ಹೋಗಲಿ – ಡಿಕೆಶಿ

ಚಿತ್ರದುರ್ಗ: ಕೆಲವರು ಮಳೆ ಬಾರದಿರಲಿ ಎಂದು ಹೇಳಬಹುದು. ನಾವು ಮಳೆ ಬರಲಿ, ಕೆರೆ ತುಂಬಲಿ ಅನ್ನುವವರು. ಕಾವೇರಿ ನೀರು ತುಂಬಿ ತಮಿಳುನಾಡಿಗೆ (Tamil Nadu) ಜಾಸ್ತಿ ಹೋಗಲಿ. ಮೇಕೆದಾಟು ಯೋಜನೆ ಬರಲಿ ಎಂಬುದು ನನ್ನ ಪ್ರಾರ್ಥನೆ ಎಂದು ಡಿಸಿಎಂ ಡಿಕೆ ಶಿವಕುಮಾರ್ (D K Shivakumar) ಹೇಳಿದ್ದಾರೆ.

ಈ ಬಗ್ಗೆ ಮಾಧ್ಯಮದವರೊಂದಿಗೆ ಮಾತನಾಡಿದ ಅವರು, ಬೆಂಗಳೂರು (Bengaluru) ನಗರದಲ್ಲಿ ಮಳೆಯಿಂದ ಅವಾಂತರ ಆಗಿದೆ. ಕೆಲವರು ತಳಮಟ್ಟದಲ್ಲಿ ಮನೆ ಕಟ್ಟಿದ್ದು ಇದರಿಂದ ತೊಂದರೆಯಾಗಿದೆ. ಅಧ್ಯಯನಕ್ಕೆ ಸೂಚಿಸಿದ್ದೇನೆ, ಸಮಸ್ಯೆ ಸರಿಪಡಿಸೋಣ ಎಂದರು. ಇದನ್ನೂ ಓದಿ: ಚಿಕ್ಕೋಡಿ | ಜೂಜು ಅಡ್ಡೆ ಮೇಲೆ ದಾಳಿ – 20 ಮಂದಿ ಅರೆಸ್ಟ್‌

ರಾಜ್ಯದಲ್ಲಿ ಮಳೆಯಿಂದಾಗಿ ಬೆಳೆ ಹಾನಿ ವಿಚಾರವಾಗಿ ಮಾತನಾಡಿ, ಮೊದಲು ಮಳೆ ಬರಲಿ ಪರಿಹಾರ ಮುಖ್ಯ ಅಲ್ಲ. ಕೇಂದ್ರ ಪರಿಹಾರ ಕೊಟ್ಟರೆ ನಾವು ಸಹಾಯ ಮಾಡುತ್ತೇವೆ ಎಂದು ಹೇಳಿದರು. ಇದನ್ನೂ ಓದಿ: ವಿಮಾನಗಳಿಗೆ ಬಾಂಬ್ ಬೆದರಿಕೆ ಕರೆ | ಕಾಯ್ದೆ ತಿದ್ದುಪಡಿ ಮಾಡಿ ಕಠಿಣ ಕ್ರಮಕ್ಕೆ ಚಿಂತನೆ : ರಾಮ್ ಮೋಹನ್ ನಾಯ್ಡು

ಸಿ.ಪಿ ಯೋಗೇಶ್ವರ್ (C P Yogeshwar) ಕಾಂಗ್ರೆಸ್ ಸಂಪರ್ಕದಲ್ಲಿದ್ದಾರೆಂದು ಎಂಬ ಹೆಚ್‌ಡಿಕೆ ಹೇಳಿಕೆಗೆ ಪ್ರತಿಕ್ರಿಯಿಸಿ, ಯೋಗೇಶ್ವರ್ ನನ್ನ ಸಂಪರ್ಕದಲ್ಲಿ ಇಲ್ಲ. ಕುಮಾರಸ್ವಾಮಿಗೆ ಏನೇನೋ ಮಾಹಿತಿ ಇರಬಹುದು. ದಳದವರು, ಬೇರೆ ಪಕ್ಷದವರು ಸಂಪರ್ಕದಲ್ಲಿ ಇರಬಹುದು ಎಂದು ತಿರುಗೇಟು ನೀಡಿದ್ದಾರೆ. ಇದನ್ನೂ ಓದಿ: ನೂರಕ್ಕೆ ನೂರರಷ್ಟು ಮೂರು ಕ್ಷೇತ್ರದಲ್ಲಿ ನಾವೇ ಗೆಲ್ಲುತ್ತೇವೆ – ಸಿದ್ದರಾಮಯ್ಯ

ಡಿಕೆಶಿ ಕನ್ನಡಕ ಧರಿಸಿ ಬೆಂಗಳೂರಲ್ಲಿ ನೈಟ್ ರೌಂಡ್ಸ್ ಎಂದು ಆರ್ ಅಶೋಕ್ (R Ashok) ಆರೋಪ ವಿಚಾರವಾಗಿ ಪ್ರತಿಕ್ರಿಯಿಸಿ, ಯಾರಾದ್ರೂ ರಾತ್ರಿ ಕನ್ನಡಕ ಹಾಕಿಕೊಂಡು ರೌಂಡ್ಸ್ ಮಾಡ್ತಾರಾ? ನಾನು ಬೆಳಗ್ಗೆ ಓದುವಾಗ ಕನ್ನಡಕ ಹಾಕಿಕೊಳ್ಳುತ್ತೇನೆ. ಅಶೋಕ್ ಯಾಕೆ ರಾತ್ರಿ ಕನ್ನಡಕ ಹಾಕಿಕೊಳ್ತಾರೆ ಗೊತ್ತಿಲ್ಲ ಎಂದು ಟಾಂಗ್ ಕೊಟ್ಟಿದ್ದಾರೆ. ಇದನ್ನೂ ಓದಿ: ಗುಜರಾತ್‌ ವಿವಿ ಮಾನಹಾನಿ ಕೇಸ್‌ – ಕೇಜ್ರಿವಾಲ್ ಸಲ್ಲಿಸಿದ್ದ ಅರ್ಜಿ ವಜಾ