ಪಂಜಾಬಿ ಸ್ಟೈಲ್ – ರುಚಿಕರವಾದ ಆಲೂ ಕುಲ್ಚಾ ಮಾಡಿ ನೋಡಿ

ಪಂಜಾಬಿ ಅಡುಗೆ ಎಂದರೇನೇ ಜನರು ಮುಗಿಬೀಳುತ್ತಾರೆ. ಚನ್ನಾ ಮಸಾಲಾದೊಂದಿಗೆ ಸವಿಯಲಾಗುವ ರೋಟಿ, ನಾನ್, ಕುಲ್ಚಾ ಎಂದರೆ ಅದಕ್ಕೆ ಅಭಿಮಾನಿಗಳೇ ಇದ್ದಾರೆ. ನಾವಿಂದು ಪಂಜಾಬಿ ಸ್ಟೈಲ್ ಆಲೂ ಕುಲ್ಚಾ (Aloo Kulcha) ಮಾಡುವುದು ಹೇಗೆ ಎಂದು ಹೇಳಿಕೊಡುತ್ತೇವೆ. ಮುಖ್ಯವಾಗಿ ಈ ರೆಸಿಪಿ ಅಮೃತಸರದಲ್ಲಿ ತುಂಬಾ ಫೇಮಸ್. ಹೆಚ್ಚಾಗಿ ರೆಸ್ಟೊರೆಂಟ್‌ಗಳಲ್ಲಿ ಉತ್ತರ ಭಾರತದ ಅಡುಗೆಯನ್ನು ಇಷ್ಟಪಡುವವರು ಮನೆಯಲ್ಲಿ ಇದನ್ನು ಒಮ್ಮೆ ಖಂಡಿತವಾಗಿಯೂ ಟ್ರೈ ಮಾಡಿ ನೋಡಿ.

ಬೇಕಾಗುವ ಪದಾರ್ಥಗಳು:
ಹಿಟ್ಟು ತಯಾರಿಸಲು:
ಮೈದಾ – 2 ಕಪ್
ಸಕ್ಕರೆ – 1 ಟೀಸ್ಪೂನ್
ಬೇಕಿಂಗ್ ಪೌಡರ್ – 1 ಟೀಸ್ಪೂನ್
ಅಡುಗೆ ಸೋಡಾ – ಕಾಲು ಟೀಸ್ಪೂನ್
ಉಪ್ಪು – ರುಚಿಗೆ ತಕ್ಕಷ್ಟು
ಮೊಸರು – ಕಾಲು ಕಪ್
ಎಣ್ಣೆ – 2 ಟೀಸ್ಪೂನ್
ಬೆಚ್ಚಗಿನ ನೀರು – ಅಗತ್ಯಕ್ಕೆ ತಕ್ಕಂತೆ

ಆಲೂಗಡ್ಡೆ ಸ್ಟಫಿಂಗ್ ತಯಾರಿಸಲು:
ಬೇಯಿಸಿ ಸಿಪ್ಪೆ ಸುಲಿದ ಆಲೂಗಡ್ಡೆ – 2
ಸಣ್ಣಗೆ ಹೆಚ್ಚಿದ ಹಸಿರು ಮೆಣಸಿನಕಾಯಿ – 1
ಕಾಶ್ಮೀರಿ ಕೆಂಪು ಮೆಣಸಿನ ಪುಡಿ – ಅರ್ಧ ಟೀಸ್ಪೂನ್
ಗರಂ ಮಸಾಲ ಪುಡಿ – ಅರ್ಧ ಟೀಸ್ಪೂನ್
ತುರಿದ ಶುಂಠಿ – 1 ಇಂಚು
ಆಮ್ಚೂರ್ ಪುಡಿ – ಕಾಲು ಟೀಸ್ಪೂನ್
ಓಂಕಾಳು – ಕಾಲು ಟೀಸ್ಪೂನ್
ಸಣ್ಣಗೆ ಹೆಚ್ಚಿದ ಕೊತ್ತಂಬರಿ ಸೊಪ್ಪು – 2 ಟೀಸ್ಪೂನ್
ಉಪ್ಪು – ರುಚಿಗೆ ತಕ್ಕಷ್ಟು
ಇತರ ಪದಾರ್ಥಗಳು:
ಕರಿ ಎಳ್ಳು – 2 ಟೀಸ್ಪೂನ್
ಸಣ್ಣಗೆ ಹೆಚ್ಚಿದ ಕೊತ್ತಂಬರಿ ಸೊಪ್ಪು – 3 ಟೀಸ್ಪೂನ್
ಬೆಣ್ಣೆ – 2 ಟೀಸ್ಪೂನ್ ಇದನ್ನೂ ಓದಿ: ಗರಿಗರಿಯಾದ ಚಿಕನ್ ಸಮೋಸ ಮಾಡಿ ನೋಡಿ

ಮಾಡುವ ವಿಧಾನ:
* ಮೊದಲಿಗೆ ಒಂದು ದೊಡ್ಡ ಪಾತ್ರೆಯಲ್ಲಿ ಮೈದಾ, ಸಕ್ಕರೆ, ಬೇಕಿಂಗ್ ಪೌಡರ್, ಅಡುಗೆ ಸೋಡಾ, ಉಪ್ಪು, ಮೊಸರು ಮತ್ತು ಎಣ್ಣೆಯನ್ನು ಹಾಕಿ ಎಲ್ಲವನ್ನು ಚೆನ್ನಾಗಿ ಮಿಶ್ರಣ ಮಾಡಿ.
* ಚಪಾತಿ ಹಿಟ್ಟಿನ ಹದಕ್ಕೆ ತರಲು ಬೇಕಾಗುವಷ್ಟು ಬೆಚ್ಚಗಿನ ನೀರನ್ನು ಸೇರಿಸಿ, 10 ನಿಮಿಷ ಕಲಸಿಕೊಳ್ಳಿ.
* ಮೃದುವಾದ ಹಿಟ್ಟು ತಯಾರಾದ ಬಳಿಕ ಒದ್ದೆ ಬಟ್ಟೆಯಿಂದ ಹಿಟ್ಟನ್ನು ಮುಚ್ಚಿ, 2 ಗಂಟೆ ವಿಶ್ರಾಂತಿ ನೀಡಿ.
* ಈ ನಡುವೆ ಆಲೂಗಡ್ಡೆ ಸ್ಟಫಿಂಗ್ ಮಿಶ್ರಣ ತಯಾರಿಸಲು ಆಲೂಗಡ್ಡೆ ತೆಗೆದುಕೊಂಡು ಚೆನ್ನಾಗಿ ಮ್ಯಾಶ್ ಮಾಡಿ.
* ಹಸಿರು ಮೆಣಸಿನಕಾಯಿ, ಶುಂಠಿ, ಕೆಂಪು ಮೆಣಸಿನ ಪುಡಿ, ಗರಂ ಮಸಾಲ, ಆಮ್ಚೂರ್ ಪುಡಿ, ಕೊತ್ತಂಬರಿ ಸೊಪ್ಪು, ಓಂಕಾಳು ಮತ್ತು ಉಪ್ಪು ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿಕೊಳ್ಳಿ.
* ಈಗ ವಿಶ್ರಾಂತಿ ನೀಡಿದ ಹಿಟ್ಟನ್ನು ಮತ್ತೊಮ್ಮೆ ನಾದಿಕೊಳ್ಳಿ. ಚಪಾತಿ ಗಾತ್ರದ ಉಂಡೆಗಳನ್ನು ತಯಾರಿಸಿ.
* ಉಂಡೆಗಳನ್ನು ಸ್ವಲ್ಪ ಲಟ್ಟಿಸಿ, 2 ಟೀಸ್ಪೂನ್‌ನಷ್ಟು ಆಲೂಗಡ್ಡೆಯ ಸ್ಟಫಿಂಗ್ ಅದರ ಮಧ್ಯದಲ್ಲಿಟ್ಟು ಬದಿಗಳನ್ನು ಮಧ್ಯಕ್ಕೆ ಮಡಚಿಕೊಳ್ಳಿ.
* ಈಗ ಹಿಟ್ಟನ್ನು ಅರ್ಧದಷ್ಟು ಲಟ್ಟಿಸಿಕೊಂಡು, ಅದರ ಮೇಲೆ ಸ್ವಲ್ಪ ಎಳ್ಳು ಹಾಗೂ ಕೊತ್ತಂಬರಿ ಸೊಪ್ಪು ಸಿಂಪಡಿಸಿ ಇನ್ನಷ್ಟು ಲಟ್ಟಿಸಿ.
* ಹಿಟ್ಟು ತುಂಬಾ ತೆಳ್ಳಗೆ ಅಥವಾ ತುಂಬಾ ದಪ್ಪಗಾಗದಂತೆ ಅಂಡಾಕಾರದಲ್ಲಿ ಲಟ್ಟಿಸಿಕೊಳ್ಳಿ.
* ಈಗ ಕುಲ್ಚಾ ಮೇಲೆ ಸ್ವಲ್ಪ ನೀರನ್ನು ಬ್ರಷ್ ಮಾಡಿ, ಬಿಸಿ ತವಾದ ಮೇಲೆ ಇಟ್ಟು ಕಾಯಿಸಿಕೊಳ್ಳಿ.
* ಕುಲ್ಚಾವನ್ನು ಎರಡೂ ಬದಿಗಳಲ್ಲಿ ಕಾಯಿಸಿಕೊಂಡು, ಕೊನೆಯಲ್ಲಿ ಬೆಣ್ಣೆಯನ್ನು ಬ್ರಷ್ ಮಾಡಿ.
* ಈಗ ರುಚಿಕರವಾದ ಆಲೂ ಕುಲ್ಚಾ ತಯಾರಾಗಿದ್ದು, ಚನ್ನಾ ಮಸಾಲಾದೊಂದಿಗೆ ಸವಿಯಿರಿ. ಇದನ್ನೂ ಓದಿ: ಫ್ರೀ ಟೈಂನಲ್ಲಿ ಮಾಡಿ ನೋಡಿ ಚೈನೀಸ್ ಪಕೋಡಾ

Live Tv
[brid partner=56869869 player=32851 video=960834 autoplay=true]