Connect with us

Bollywood

ಅಪಘಾತಕ್ಕೀಡಾದ ಬಾಲಿವುಡ್ ನಟಿ ವಿದ್ಯಾ ಬಾಲನ್ ಕಾರು

Published

on

Share this

ಮುಂಬೈ: ಬಾಲಿವುಡ್ ನಟಿ ವಿದ್ಯಾ ಬಾಲನ್ ಅವರ ಕಾರು ಅಪಘಾತಕ್ಕೀಡಾಗಿ ನಜ್ಜುಗುಜ್ಜಾದ ಘಟನೆ ಮುಂಬೈನಲ್ಲಿ ನಡೆದಿದೆ.

ಘಟನೆಯಲ್ಲಿ ವಿದ್ಯಾ ಬಾಲನ್ ಯಾವುದೇ ಗಾಯಗಳಿಲ್ಲದೆ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ. ವಿದ್ಯಾ ಮೀಟಿಂಗ್‍ವೊಂದರ ಸಲುವಾಗಿ ಬಾಂದ್ರಾಗೆ ತೆರಳುತ್ತಿದ್ದ ವೇಳೆ ಮತ್ತೊಂದು ಕಾರು ಅವರ ಕಾರಿಗೆ ಗುದ್ದಿದೆ. ಪರಿಣಾಮ ವಿದ್ಯಾ ಬಾಲನ್ ಕಾರಿಗೆ ಹಾನಿಯಾಗಿದೆ.

ಇದೊಂದು ಚಿಕ್ಕ ಅಪಘಾತ ವಿದ್ಯಾ ಬಾಲನ್ ಚೆನ್ನಾಗಿದ್ದಾರೆ. ಕಾರಿಗೆ ಹಾನಿಯಾಗಿದ್ದು ಅದೃಷ್ಟಶಾತ್ ಯರಿಗೂ ಯಾವುದೇ ಗಾಯಗಳಾಗಿಲ್ಲ ಎಂದು ಮೂಲಗಳು ತಿಳಿಸಿರುವುದಾಗಿ ಪತ್ರಿಕೆಯೊಂದು ವರದಿ ಮಾಡಿದೆ.

ವಿದ್ಯಾ ಬಾಲನ್ ಅವರ ಮುಂದಿನ ಚಿತ್ರ ತುಮ್ಹಾರಿ ಸುಲು. ಈ ಚಿತ್ರದಲ್ಲಿ ವಿದ್ಯಾ ರೇಡಿಯೋ ಜಾಕಿ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಈ ಚಿತ್ರ ಡಿಸೆಂಬರ್ 1 ರಂದು ರಿಲೀಸ್ ಆಗಲಿದೆ ಎಂದು ಚಿತ್ರತಂಡ ಹೇಳಿತ್ತು. ಆದ್ರೆ ದೀಪಿಕಾ ಪಡುಕೋಣೆಯ ಐತಿಹಾಸಿಕ ಚಿತ್ರ ಪದ್ಮಾವತಿ ಕೂಡ ಡಿಸೆಂಬರ್ 1 ರಂದು ಬಿಡುಗಡೆಯಾಗುತ್ತಿರುವುದರಿಂದ, ತುಮ್ಹಾರಿ ಸುಲು ಚಿತ್ರ ನವೆಂಬರ್ 24ಕ್ಕೆ ಬಿಡುಗಡೆ ಆಗಲಿದೆ ಅಂತ ಹೇಳಲಾಗಿದೆ.

Click to comment

Leave a Reply

Your email address will not be published. Required fields are marked *

Advertisement