ಚಾಮರಾಜನಗರ: ಲಸಿಕೆ ಹಾಕಲು ಆರೋಗ್ಯ ಇಲಾಖೆ ಸಿಬ್ಬಂದಿ ತೆರಳಿದ್ದ ವೇಳೆ ಐ ಡೋಂಟ್ ಕೇರ್, ಐ ಡೋಂಟ್ ಲೈಕ್ ಎಂದು ಇಂಗ್ಲಿಷ್ ಡೈಲಾಗ್ಗಳ ಮೂಲಕ ವೃದ್ಧ ವ್ಯಾಕ್ಸಿನ್ ನಿರಾಕರಿಸಿರುವ ವೀಡಿಯೋ ಈಗ ಸಾಮಾಜಿಕ ಜಾಲತಾಣದಲ್ಲಿ ಸದ್ದು ಮಾಡುತ್ತಿದೆ.
ಚಾಮರಾಜನಗರ ಜಿಲ್ಲೆಯ ಹಳ್ಳಿಯೊಂದರಲ್ಲಿ ಕಳೆದ ಎರಡ್ಮೂರು ತಿಂಗಳ ಹಿಂದೆ ಈ ಘಟನೆ ನಡೆದಿದೆ ಎನ್ನಲಾಗಿದ್ದು, ನರ್ಸ್ ಮತ್ತು ಆಶಾ ಕಾರ್ಯಕರ್ತೆಗೆ ಐ ಡೋಂಟ್ ಲೈಕ್, ಐ ಡೋಂಟ್ ಕೇರ್, ಸ್ಟಾಪ್ ಮೀ ಎಂದೆಲ್ಲಾ ಡೈಲಾಗ್ ಹೊಡೆದು ನಾನು ಲಸಿಕೆ ಪಡೆಯುವುದಿಲ್ಲ ಎಂದು ಹಠ ಹಿಡಿದು ವೃದ್ಧ ಲಸಿಕೆ ನಿರಾಕರಿಸಿದ್ದಾರೆ. ಇದನ್ನೂ ಓದಿ: ಜನವರಿ 1 ರಿಂದ ಎಟಿಎಂ ಶುಲ್ಕ ಹೆಚ್ಚಳ
ಲಸಿಕೆ ಹಾಕಿಸಿಕೊಂಡರೆ 100 ವರ್ಷ ಬದುಕ್ತೀನಾ? 100 ವರ್ಷ ಬದುಕುವ ಹಾಗೇನಾದರು ಇದ್ದರೆ ಲಸಿಕೆ ಕೊಡಿ ಇಲ್ಲದಿದ್ದರೆ ಬೇಡ. ವ್ಯಾಕ್ಸಿನ್ ಹಾಕಿಸಿಕೊಮಡರು ಸಾಯ್ತಿನಿ, ಇಲ್ಲದಿದ್ದರೂ ಸಾಯ್ತಿನಿ, ಐಡೋಂಟ್ ಕೇರ್ ಕೊರೊನಾ ಎಂದೆಲ್ಲಾ ಕುಟುಂಬ ಸದಸ್ಯರ ಮುಂದೆಯೇ ವೃದ್ಧ ಕಿರಿಕ್ ಮಾಡಿದ್ದಾರೆ. ಸದ್ಯ ಈ ಹಳೇ ವೀಡಿಯೋ ವೈರಲ್ ಆಗುತ್ತಿದೆ. ಇದನ್ನೂ ಓದಿ: ಮಧ್ಯಾಹ್ನ ನಿದ್ದೆ ಮಾಡುವ ಸೊಸೆಗೆ ಗೂಸಾ ಕೊಟ್ಟ ಅತ್ತೆ, ಮಾವ
