ಬೆಂಗಳೂರು: ಹೆಂಡತಿಯ (Wife) ಜೊತೆ ಆಕೆಯ ಸ್ನೇಹಿತ ಅನೈತಿಕ ಸಂಬಂಧ ಹೊಂದಿದ್ದಾನೆ ಎಂದು ಶಂಕಿಸಿ ಪತಿ ಆಸಿಡ್ ದಾಳಿ (Acid Attack) ನಡೆಸಿದ ಘಟನೆ ಬೆಂಗಳೂರು ಉತ್ತರ ತಾಲೂಕು ಬೈಯಂಡಹಳ್ಳಿಯಲ್ಲಿ ನಡೆದಿದೆ.
ಶಶಿಕುಮಾರ್ ಆಸಿಡ್ ದಾಳಿಗೊಳಗಾದವರು. ನವೀನ್ ದಾಳಿ ನಡೆಸಿದ ಆರೋಪಿ. ಈತ ದಾಳಿ ನಡೆಸುವಾಗ ನನ್ನ ಹೆಂಡತಿ ಜೊತೆ ಅಕ್ರಮ ಸಂಬಂಧ ಇಟ್ಟುಕೊಂಡಿದ್ದೀಯಾ? ನಿನಗೊಂದು ಗತಿ ಕಾಣಿಸುತ್ತೇನೆ ಎಂದು ಹೇಳಿ ಆಸಿಡ್ ಎರಚಿದ್ದಾನೆ. ಬಳಿಕ ಅಲ್ಲಿಂದ ಪರಾರಿಯಾಗಿದ್ದ. ಇದನ್ನೂ ಓದಿ: ಬೆಂಗಳೂರು | ಮದುವೆ ಮಾಡಿಕೊಡಿ ಅಂತ ಪ್ರೇಯಸಿ ಸಂಬಂಧಿಗೆ ಗನ್ ತೋರಿಸಿ ಫೈರಿಂಗ್ಗೆ ಯತ್ನ
ಮಾದನಾಯಕನಹಳ್ಳಿ ಠಾಣೆಯಲ್ಲಿ ಈ ಸಂಬಂಧ ಪ್ರಕರಣ ದಾಖಲಾಗಿದ್ದು, ಪರಾರಿಯಾಗಿದ್ದ ಆರೋಪಿಯನ್ನು ಪೊಲೀಸರು ಬಂಧಿಸಿದ್ದಾರೆ.
ಗಾರ್ಮೆಂಟ್ಸ್ನಲ್ಲಿ ನವೀನ್ ಪತ್ನಿಗೆ ಶಶಿಕುಮಾರ್ ಪರಿಚಯವಾಗಿದ್ದ. ಶಶಿಕುಮಾರ್ ಹಾಗೂ ಪತ್ನಿ ನಡುವೆ ಅಕ್ರಮ ಸಂಬಂಧ ಶಂಕೆಯಿಂದ ಆರೋಪಿ ಈ ಕೃತ್ಯ ಎಸಗಿದ್ದಾನೆ ಎಂದು ತಿಳಿದುಬಂದಿದೆ. ಇದನ್ನೂ ಓದಿ: ಮಗನ ಕೊಂದು ರೂಮ್ ಲಾಕ್ ಮಾಡಿ ಮಲತಂದೆ ಪರಾರಿ – ಶವದ ಮುಂದೆ 3 ದಿನ ನರಳಾಡಿದ ತಾಯಿ
