ಶಿವಮೊಗ್ಗ: ಬ್ಯಾಂಕಿನಿಂದ ಹೊರಟ ಮಹಿಳೆಯೊಬ್ಬರು ತನ್ನ ಬ್ಯಾಗ್ ಪಕ್ಕದಲ್ಲೇ ಕುಳಿತಿದ್ದರೂ, ಅವರನ್ನು ಹಿಂಬಾಲಿಸಿಕೊಂಡು ಬಂದಿದ್ದ ಕಳ್ಳ ಕ್ಷಣಾರ್ಧದಲ್ಲಿ ಕದ್ದು ಪರಾರಿಯಾಗಿರುವ ಘಟನೆ ಜಿಲ್ಲೆಯಲ್ಲಿ ನಡೆದಿದೆ.
ವಿನೋಬಾ ನಗರ ಮಮತಾ ಬ್ಯಾಂಕಿಗೆ ಹೋಗಿ 25 ಸಾವಿರ ಹಣ ಡ್ರಾ ಮಾಡಿ ಹೋಟೆಲ್ ಗೆ ಬಂದಿದ್ದರು. ಈ ವೇಳೆ ಮಹಿಳೆಯನ್ನು ಹಿಂಬಾಲಿಸಿಕೊಂಡು ಬಂದಿದ್ದ ಮೂವರು ಖದೀಮರು ಮಹಿಳೆ ಕೂಳಿತಿದ್ದ ಟೇಬಲ್ ನ ಅಕ್ಕ-ಪಕ್ಕ ಕೂತಿದ್ದಾರೆ. ಇವರಲ್ಲಿ ಒಬ್ಬ ನೋಟುಗಳನ್ನು ಕೆಳಗೆ ಬೀಳಿಸಿ, ಈ ಮಹಿಳೆಯ ಗಮನ ಸೆಳೆಯುತ್ತಾನೆ.
- Advertisement 2
ಈ ವೇಳೆ ಮಹಿಳೆ ಇತ್ತ ನೋಡುತ್ತಿದ್ದಂತೆ ಪಕ್ಕದಲ್ಲಿ ಇಟ್ಟಿದ್ದ ಬ್ಯಾಗ್ ನ್ನು ಇನ್ನೊಬ್ಬ ಎಗರಿಸಿ ಪರಾರಿ ಆಗುತ್ತಾನೆ. ಮಹಿಳೆ ಇದನ್ನು ಗಮನಿಸುವಷ್ಟರಲ್ಲಿ ಇನ್ನೊಬ್ಬ ಕೆಳಗೆ ಬಿದ್ದ ನೋಟುಗಳತ್ತ ಅವರನ್ನು ಸೆಳೆಯುತ್ತಾನೆ. ಅಷ್ಟರಲ್ಲಾಗಲೇ ಕಳ್ಳ ಬ್ಯಾಗ್ ನೊಂದಿಗೆ ಅಲ್ಲಿಂದ ಕಾಲ್ಕಿತ್ತಿದ್ದಾನೆ.
- Advertisement 3
ಖತರ್ನಾಕ್ ಕಳ್ಳರ ಕೈಚಳಕದ ದೃಶ್ಯಗಳು ಸಿಸಿ ಕ್ಯಾಮೆರಾದಲ್ಲಿ ಸೆರೆಯಾಗಿದೆ. ಸದ್ಯ ಈ ಸಂಬಂಧ ಜಯನಗರ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ.
- Advertisement 4
https://www.youtube.com/watch?v=c1CH1Gc6rOY