ಮುಂಬೈ: ಗರ್ಭಿಣಿ ಸಹೋದರಿ ಮೇಲೆ ಹಲ್ಲೆ ಮಾಡಿದ್ದಕ್ಕೆ ವ್ಯಕ್ತಿಯೊಬ್ಬ ತನ್ನ ಬಾವನನ್ನೇ ಕೊಲೆ ಮಾಡಿ ಬಂಧನಕ್ಕೊಳಗಾದ ಘಟನೆ ಗುರುವಾರ ಮಹಾರಾಷ್ಟ್ರದ ಪಾಲ್ಗರ್ ಜಿಲ್ಲೆಯಲ್ಲಿ ನಡೆದಿದೆ.
ರಾಮು ಬಲಿರಾಮ್ ಶಿನ್ವಾರ್(45) ಬಂಧಿತ ಆರೋಪಿ. ವಾಸೈನಲ್ಲಿ ರಾಮುವಿನ ಸಹೋದರಿ ಹಾಗೂ ಆಕೆಯ ಪತಿ ಗುರುನಾಥ್ ಚಾತಿಯಾ ಬೋಯಿರ್ ವಾಸಿಸುತ್ತಿದ್ದರು. ಗುರುನಾಥ್ ತನ್ನ ಗರ್ಭಿಣಿ ಸಹೋದರಿ ಮೇಲೆ ಹಲ್ಲೆ ಮಾಡುತ್ತಿದ್ದ ನೋಡಿದ ರಾಮು ಆತನನ್ನು ತಡೆಯಲು ಹೋಗಿದ್ದಾನೆ.
ರಾಮು ತನ್ನ ಬಾವನನ್ನು ತಡೆಯಲು ಹೋದಾಗ ಇಬ್ಬರ ನಡುವೆ ವಾಗ್ವಾದ ನಡೆದಿದೆ. ಬಳಿಕ ರಾಮು ಕೋಪಗೊಂಡು ಸಿಮೆಂಟ್ ಬ್ಲಾಕ್ನಿಂದ ತನ್ನ ಬಾವನ ತಲೆ ಮೇಲೆ ಹಲ್ಲೆ ನಡೆಸಿದ್ದಾನೆ. ಇದರಿಂದ ಗಂಭೀರವಾಗಿ ಗಾಯಗೊಂಡಿದ್ದ ಗುರುನಾಥ್ ಸ್ಥಳದಲ್ಲೇ ಮೃತಪಟ್ಟಿದ್ದಾನೆ.
ಸದ್ಯ ಪೊಲೀಸರು ರಾಮುನನ್ನು ಬಂಧಿಸಿ, ಆತನ ವಿರುದ್ಧ ಐಪಿಸಿ ಸೆಕ್ಷನ್ 302 ಅಡಿಯಲ್ಲಿ ಕೊಲೆ ಪ್ರಕರಣ ದಾಖಲಿಸಿಕೊಂಡಿದ್ದಾರೆ.
ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv, ಪಬ್ಲಿಕ್ ಟಿವಿ ಆ್ಯಪ್ ಡೌನ್ಲೋಡ್ ಮಾಡಿ: play.google.com/publictv