Connect with us

Cricket

3 ದಿನಕ್ಕೆ ಮುಕ್ತಾಯವಾದ ಇಂಡೋ, ವಿಂಡೀಸ್ ಟೆಸ್ಟ್ -ಟೀಂ ಇಂಡಿಯಾಗೆ ಭರ್ಜರಿ ಗೆಲುವು

Published

on

ರಾಜ್‍ಕೋಟ್: ಇಲ್ಲಿನ ಸೌರಾಷ್ಟ್ರ ಕ್ರಿಕೆಟ್ ಅಸೋಸಿಯೇಷನ್ ಕ್ರೀಡಾಂಗಣದಲ್ಲಿ ನಡೆದ ವೆಸ್ಟ್ ಇಂಡೀಸ್ ವಿರುದ್ಧದ ಮೊದಲ ಟೆಸ್ಟ್ ಪಂದ್ಯ 3ನೇ ದಿನಕ್ಕೆ ಮುಕ್ತಾಯವಾಗಿದ್ದು ಟೀಂ ಇಂಡಿಯಾ ಇನ್ನಿಂಗ್ಸ್ ಹಾಗೂ 272 ರನ್ ಅಂತರದ ಭರ್ಜರಿ ಗೆಲುವು ಪಡೆದಿದೆ.

2 ಪಂದ್ಯಗಳ ಟೆಸ್ಟ್ ಸರಣಿಯಲ್ಲಿ 1-0 ಮುನ್ನಡೆ ಪಡೆದ ಟೀಂ ಇಂಡಿಯಾ ಸರಣಿ ಗೆಲುವಿನ ವಿಶ್ವಾಸ ತೋರಿದ್ದು, ಅತಿಥೇಯ ವಿಂಡೀಸ್ ತಂಡವನ್ನು ಒತ್ತಡಕ್ಕೆ ಸಿಲುಕಿದೆ.

3ನೇ ದಿನದಾಟವನ್ನು 6 ವಿಕೆಟ್ 94 ರನ್ ನಿಂದ ಆರಂಭಿಸಿದ್ದ ವಿಂಡೀಸ್ 181 ರನ್ ಗಳಿಗೆ ಅಲೌಟ್ ಆಯಿತು. ಈ ವೇಳೆ ಟೀಂ ಇಂಡಿಯಾ 468 ರನ್‍ಗಳ ಬೃಹತ್ ಮುನ್ನಡೆ ದಾಖಲಿಸಿ ಫಾಲೋಆನ್ ಹೇರಿತ್ತು.

2ನೇ ಇನ್ನಿಂಗ್ಸ್ ನಲ್ಲಿ ಏಕಾಂಗಿ ಹೋರಾಟ ನಡೆಸಿದ ಪೊವೆಲ್ 8 ಬೌಂಡರಿ, 4 ಸಿಕ್ಸರ್ ಸಿಡಿಸಿ ಅರ್ಧಶತಕ (83 ರನ್) ಗಳಿಸಿದರು. ಉಳಿದಂತೆ ವಿಂಡೀಸ್ ಪರ ನಾಯಕ ಕ್ರೇಗ್ ಬ್ರಾತ್ ವೇಟ್ (10), ಶಾಯ್ ಹೋಪ್ (17), ಹೇಟ್ಮಯರ್ (11), ಸುನಿಲ್ ಅಂಬ್ರಿಸ್ (0) ಹಾಗೂ ರೋಸ್ಟನ್ ಚೇಸ್ (20) ನಿರಾಸೆ ಮೂಡಿಸಿದರು. ವಿಂಡೀಸ್ ಬ್ಯಾಟ್ಸ್ ಮನ್‍ಗಳ ವಿರುದ್ಧ ಟೀಂ ಇಂಡಿಯಾ ಬೌಲರ್ ಗಳು ಉತ್ತಮ ದಾಳಿ ನಡೆಸಿ ಆರಂಭದಿಂದಲೂ ನಿರಂತರವಾಗಿ ವಿಕೆಟ್ ಪಡೆದರು. ಈ ಮೂಲಕ 2ನೇ ಇನ್ನಿಂಗ್ಸ್ ನಲ್ಲಿ ವಿಂಡೀಸ್ 196 ರನ್ ಗೆ ಅಲೌಟ್ ಮಾಡಿ ತಂಡ ಇನ್ನಿಂಗ್ಸ್ ಹಾಗೂ 272 ರನ್ ಗೆಲುವು ಪಡೆಯುವಂತೆ ಮಾಡಿದರು.

ಟೀಂ ಇಂಡಿಯಾ ಪರ ಉತ್ತಮ ಬೌಲಿಂಗ್ ದಾಳಿ ನಡೆಸಿದ ಕುಲ್ದೀಪ್ ಯಾದವ್ ಮೊದಲ ಬಾರಿಗೆ 5 ವಿಕೆಟ್ ಪಡೆದ ಸಾಧನೆ ಮಾಡಿ ಮಿಂಚಿದರು. ಉಳಿದಂತೆ ಜಡೇಜಾ 3, ಅಶ್ವಿನ್ 2 ವಿಕೆಟ್ ಪಡೆದರು. ಪಾದಾರ್ಪಣೆ ಪಂದ್ಯದಲ್ಲೇ ಶತಕ ಸಿಡಿಸಿ ಮಿಂಚಿದ ಪೃಥ್ವಿ ಶಾ ಪಂದ್ಯ ಶ್ರೇಷ್ಠ ಪ್ರಶಸ್ತಿ ಪಡೆದರು.

ಟೆಸ್ಟ್ ಪಂದ್ಯದ ಟಾಸ್ ಗೆದ್ದು ಬ್ಯಾಟಿಂಗ್ ನಡೆಸಿದ ಟೀಂ ಇಂಡಿಯಾ ಪೃಥ್ವಿ ಶಾ (134 ರನ್), ನಾಯಕ ವಿರಾಟ್ ಕೊಹ್ಲಿ (100 ರನ್) ಹಾಗೂ ರವೀಂದ್ರ ಜಡೇಜಾ (100* ರನ್) ಚೊಚ್ಚಲ ಶತಕಗ ಹಾಗೂ ಚೇತೇಶ್ವರ ಪೂಜಾರ (86 ರನ್), ಯುವ ಆಟಗಾರ ರಿಷಭ್ ಪಂತ್ (92ರನ್) ರ ಆಕರ್ಷಕ ಅರ್ಧಶತಕಗಳ ನೆರವಿನಿಂದ ಮೊದಲ ಇನ್ನಿಂಗ್ಸ್‍ನಲ್ಲಿ 9 ವಿಕೆಟ್ ನಷ್ಟಕ್ಕೆ 649 ರನ್‍ಗಳ ಬೃಹತ್ ಮೊತ್ತ ಗಳಿಸಿ ಡಿಕ್ಲೇರ್ ನೀಡಿತ್ತು.

ಸ್ಕೋರ್ ವಿವರ:
ಟೀಂ ಇಂಡಿಯಾ – ಮೊದಲ ಇನ್ನಿಂಗ್ಸ್ 649/9 ಡಿಕ್ಲೇರ್
ವೆಸ್ಟ್ ಇಂಡೀಸ್ – ಮೊದಲ ಇನ್ನಿಂಗ್ಸ್ 181 ಅಲೌಟ್ / ದ್ವೀತಿಯ ಇನ್ನಿಂಗ್ಸ್ 196 ಅಲೌಟ್
ಫಲಿತಾಂಶ  – ಟೀಂ ಇಂಡಿಯಾಗೆ ಇನ್ನಿಂಗ್ಸ್ ಹಾಗೂ 272 ರನ್ ಗೆಲುವು

Click to comment

Leave a Reply

Your email address will not be published. Required fields are marked *