ಕೊಲ್ಕತ್ತಾ: ಪಶ್ಚಿಮ ಬಂಗಾಳದ ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿ ಮೈಕ್ ಬದಲು ಟಾರ್ಚ್ ಹಿಡಿದುಕೊಂಡು ಭಾಷಣ ಮಾಡಿರುವ ವಿಡಿಯೋ ಒಂದು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.
ತೃಣಮೂಲ ಕಾಂಗ್ರೆಸ್ ಪಕ್ಷದ ಕಾರ್ಯಕ್ರಮದಲ್ಲಿ ಮಾತನಾಡುವಾಗ ಈ ಎಡವಟ್ಟಾಗಿದ್ದು, ಮೈಕ್ ಎಂದು ಟಾರ್ಚ್ ಹಿಡಿದು ಸುಮಾರು 16 ಸೆಕೆಂಡ್ ಮಮತಾ ಮಾತನಾಡಿದ್ದಾರೆ.
ಆಗಿದ್ದು ಏನು?
ಟಿಎಂಸಿ ಕಾರ್ಯಕ್ರಮದಲ್ಲಿ ಮಮತಾ ಬ್ಯಾನರ್ಜಿ ಭಾಗವಹಿಸಿದ್ದರು. ಈ ಕಾರ್ಯಕ್ರಮದಲ್ಲಿ cordless mic ಬಳಸಲಾಗುತಿತ್ತು. ಮಮತಾ ಭಾಷಣ ಮಾಡುವುದಕ್ಕೂ ಮೊದಲು ಅವರ ಸಹಾಯಕರು ಟಾರ್ಚ್ ಹಿಡಿದು ನಿಂತಿದ್ದರು. ತಮ್ಮ ಭಾಷಣದ ಸರದಿ ಬಂದಾಗ ಮಮತಾ ನೇರವಾಗಿ ಸಹಾಯಕರ ಬಳಿ ತೆರಳಿ ಟಾರ್ಚ್ ಪಡೆದು ಮಾತನಾಡಲು ಆರಂಭಿಸಿದ್ದಾರೆ.
ಈ ಸಂದರ್ಭದಲ್ಲಿ ಅವರ ಮುಖದ ಮೇಲೆ ಟಾರ್ಚ್ ಬೆಳಕು ಬಿದ್ದಿದೆ. ಮಮತಾರ ಈ ಎಡವಟ್ಟನ್ನು ನೋಡಿದ ಕೂಡಲೇ ನಂತರ ಬೇರೊಬ್ಬ ವ್ಯಕ್ತಿ ಟಾರ್ಚ್ ವಾಪಸ್ ಪಡೆದುಕೊಂಡು ಮೈಕ್ ಕೊಟ್ಟಿದ್ದಾರೆ. ಬಳಿಕ ಮಮತಾ ಭಾಷಣ ಮುಂದುವರಿಸಿದ್ದಾರೆ.
https://www.youtube.com/watch?v=wQP125OWayE
