ಸೂರತ್: ಪತಿಯೊಬ್ಬ ತನ್ನ ಪತ್ನಿಯನ್ನು ಬರ್ಬರವಾಗಿ ಕೊಲೆಗೈದು ಬಳಿಕ ಆಕೆಯನ್ನು ದೇಹವನ್ನು 11 ಪೀಸ್ ಗಳನ್ನಾಗಿ ಮಾಡಿ ನಗರದ ಬೇರೆ ಬೇರೆ ಕಡೆಗಳಲ್ಲಿ ಹೂಳುತ್ತಿದ್ದ ಸಂದರ್ಭದಲ್ಲಿ ಪೊಲೀಸರ ಕೈಗೆ ಸಿಕ್ಕಿಬಿದ್ದ ಘಟನೆಯೊಂದು ಇಂದು ಬೆಳಕಿಗೆ ಬಂದಿದೆ.
ಈ ಘಟನೆ ಗುಜರಾತ್ ನ ಸೂರತ್ ನಲ್ಲಿ ನಡೆದಿದ್ದು, ಮೃತ ದುರ್ದೈವಿ ಮಹಿಳೆಯನ್ನು ಝುಲೇಕಾ ಎಂದು ಗುರುತಿಸಲಾಗಿದೆ. ಈಕೆ ಆರೋಪಿ ಶಹನವಾಜ್ ಶೇಖ್ ನ ಎರಡನೇ ಪತ್ನಿಯಾಗಿದ್ದಾರೆ.
ಘಟನೆ ವಿವರ: ಶಹನವಾಜ್ ಗೆ ತನ್ನ ಎರಡನೇ ಪತ್ನಿಯಾಗಿರೋ ಝುಲೇಖಾ ಜೊತೆ ಕ್ಷುಲ್ಲಕ ವಿಚಾರಕ್ಕೆ ಸಂಬಂಧಿಸಿದಂತೆ ಗಲಾಟೆ ನಡೆದಿದೆ. ಜಗಳ ತಾರಕಕ್ಕೇರಿದ್ದರಿಂದ ಸಿಟ್ಟುಗೊಂಡ ಪತಿ ಆಕೆಯನ್ನು ಕೊಲೆಗೈದು 11 ಪೀಸ್ ಗಳನ್ನಾಗಿ ಮಾಡಿ ನಗರದ ಬೇರೆ ಬೇರೆ ಕಡೆಗಳಲ್ಲಿ ಹೂತು ಹಾಕುತ್ತಿದ್ದನು. ಇದನ್ನು ನೋಡಿದ ಪೇದೆಯೊಬ್ಬರು ಸ್ಥಳಕ್ಕೆ ತೆರಳಿದ್ದಾರೆ. ಆತನನ್ನು ಪ್ರಶ್ನಿಸಿದಾಗ ಆತ ತನ್ನ ತಪ್ಪನ್ನು ಒಪ್ಪಿಕೊಂಡಿದ್ದಾನೆ.
ಶಹನವಾಜ್ ಮೊದಲು ಪತ್ನಿ ಕೂಡ ಇವರ ಜೊತೆಗೆ ವಾಸಿಸುತ್ತಿದ್ದರು. ಈ ವಿಚಾರಕ್ಕೆ ಸಂಬಂಧಿಸಿದಂತೆ ಎರಡನೇ ಪತ್ನಿ ಝುಲೇಕಾ ಕ್ಯಾತೆ ತೆಗೆದಿದ್ದಾರೆ. ಹೀಗಾಗಿ ಸಿಟ್ಟಿಗೆದ್ದ ಶಹನವಾಜ್ ತನ್ನ ಎರಡನೇ ಪತ್ನಿಯನ್ನು ಪೀಸ್ ಪೀಸ್ ಮಾಡಿದ್ದಾನೆ ಅಂತ ಪೊಲೀಸರು ತಿಳಿಸಿದ್ದಾರೆ.
Gujarat: Man kills wife, chops her body into 11 pieces in Surat. The accused Shahnawaz has been arrested by Police pic.twitter.com/FgO0SG8u81
— ANI (@ANI) April 18, 2018