ತೆಲುಗು ಸಿನಿಮಾ ರಂಗದ ಉದಯೋನ್ಮುಖ ನಟಿ ಇನಾಯಾ ಸುಲ್ತಾನ್ ತಮ್ಮ ಜೀವನದಲ್ಲಿ ನಡೆದ ಕಹಿ ಘಟನೆಯೊಂದನ್ನು ಹಂಚಿಕೊಂಡಿದ್ದಾರೆ. ಸಿನಿಮಾ ರಂಗದಲ್ಲಿ ಇನ್ನೂ ಸ್ಟ್ರಗಲ್ ಮಾಡುತ್ತಿರುವ ಈ ನಟಿ, ಕುಟುಂಬದಿಂದ ದೂರವಾಗಿದ್ದಾರಂತೆ. ಅದಕ್ಕೆ ಕಾರಣ ರಾಮ್ ಗೋಪಾಲ್ ವರ್ಮಾ ಎಂದು ನೇರವಾಗಿಯೇ ಆಕೆ ಆರೋಪಿಸಿದ್ದಾರೆ. ಅದಕ್ಕೆ ಕಾರಣವನ್ನೂ ಅವರು ಕೊಟ್ಟಿದ್ದಾರೆ. ಆ ಒಂದು ಘಳಿಗೆ ತಮ್ಮ ಜೀವನಕ್ಕೆ ಹೇಗೆ ಮಾರಕವಾಯಿತು ಎಂದು ವಿವರಿಸಿದ್ದಾರೆ.
ಇನಾಯಾ ಸಿನಿಮಾ ರಂಗದಲ್ಲಿ ಅವಕಾಶ ಹುಡುಕುತ್ತಿದ್ದಾಗ ನಿರ್ದೇಶಕ ರಾಮ್ ಗೋಪಾಲ್ ವರ್ಮಾ ಪರಿಚಯವಾದರಂತೆ. ತೀರಾ ಆತ್ಮೀಯರೂ ಅನಿಸಿದರಂತೆ. ಇನಾಯಾ ಸುಲ್ತಾನ್ ಅವರನ್ನು ತಮ್ಮ ಬರ್ತಡೇ ಪಾರ್ಟಿಗೆ ಕರೆದಿದ್ದರಂತೆ ವರ್ಮಾ. ಆಗ ಮಿತಿಮೀರಿದ ಕುಡಿತವು ಡಾನ್ಸ್ ಮಾಡುವಂತೆ ಮಾಡಿದೆ. ವರ್ಮಾ ಡಾನ್ಸ್ ಮಾಡುತ್ತಲೇ ಇನಾಯಾಗೆ ಮುತ್ತಿನ ಮಳೆಯನ್ನೇ ಸುರಿಸಿದ್ದಾರೆ. ತಬ್ಬಿಕೊಂಡಿದ್ದಾರೆ. ಈ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗಿತ್ತು. ಇದೇ ಕುಟುಂಬ ದೂರ ಮಾಡುವುದಕ್ಕೆ ಕಾರಣ ಎಂದಿದ್ದಾರೆ. ಇದನ್ನೂ ಓದಿ:ಗುಮ್ಮನ ಜೊತೆ ಬಂದ `ವಿಕ್ರಾಂತ್ ರೋಣ’ ಟೀಮ್: ಹೊಸ ಸಾಂಗ್ ರಿಲೀಸ್
ಗುಂಡಿನ ಮತ್ತಿನಲ್ಲಿ ಇನಾಯಾ ಜೊತೆ ವರ್ಮಾ ಮಾಡಿದ ಡಾನ್ಸ್ ಅನ್ನು ಯಾರೋ ವಿಡಿಯೋ ಮಾಡಿ ಅದನ್ನು ಸೋಷಿಯಲ್ ಮೀಡಿಯಾದಲ್ಲಿ ಹರಿಬಿಟ್ಟಿದ್ದಾರೆ. ಹಾಗಾಗಿ ವಿಡಿಯೋ ಸಾಕಷ್ಟು ವೈರಲ್ ಆಗಿತ್ತು. ಅದು ಇನಾಯಾ ಅವರ ಕುಟುಂಬಕ್ಕೂ ತಲುಪಿತ್ತು. ಇಂಥದ್ದನ್ನು ಸಹಿಸದ ಅವರ ಕುಟುಂಬ, ಮಗಳನ್ನೇ ದೂರ ಮಾಡಿಕೊಂಡಿದೆ ಅಂತೆ. ಈ ನೋವಿನ ಸಂಗತಿಯನ್ನು ಸಂದರ್ಶನವೊಂದರಲ್ಲಿ ಹೇಳಿಕೊಂಡಿದ್ದಾರೆ.
