ಚೇಸ್… ಸದ್ಯ ಸಿನಿಪ್ರಿಯರು ಥಿಯೇಟರ್‌ನಲ್ಲಿ ಚೇಸ್ ಮಾಡಲೇಬೇಕೆಂದು ನಿರ್ಧರಿಸುವಂತೆ ಮಾಡಿರೋ ಸಿನೆಮಾ. ಟೈಟಲ್, ಟೀಸರ್, ಹಾಡುಗಳನ್ನು ಒಂದೊಂದೇ ಪ್ರೇಕ್ಷಕರಿಗೆ ಗಿಫ್ಟ್ ಆಗಿ ಕೊಟ್ಟು ಸಿನಿಮಾ ಮೇಲಿನ ನಿರೀಕ್ಷೆಯನ್ನು ದುಪ್ಪಾಟ್ಟಾಗಿಸಿಕೊಂಡ ಈ ಚೇಸ್ ಇದೇ ತಿಂಗಳ 15 ರಂದು ತೆರೆಗೆ ಬರಲು ಸಜ್ಜಾಗಿದೆ.
ವಿಲೋಕ್ ಶೆಟ್ಟಿ ಕಥೆ ಬರೆದು ನಿರ್ದೇಶಿಸಿರುವ ಸಸ್ಪೆನ್ಸ್ ಥ್ರಿಲ್ಲರ್ ಕಥಾ ಹಂದರದ ಚೇಸ್ ಚಿತ್ರದಿಂದ ಈ ಮೊದಲು ಪೋಸ್ಟರ್ ಹಾಗೂ ಟೀಸರ್ ರಿಲೀಸ್ ಆಗಿ ಸೌಂಡ್ ಕ್ರಿಯೇಟ್ ಮಾಡಿತ್ತು. ಇದೀಗ ಬಿಡುಗಡೆಯ ಅಂಚಿನಲ್ಲಿರುವ ಈ ಹೊತ್ತಿನಲ್ಲಿ ಚಿತ್ರತಂಡದ ಕಡೆಯಿಂದ ಮತ್ತೊಂದು ಥ್ರಿಲ್ಲಿಂಗ್ ಸುದ್ದಿ ಹೊರಬಿದ್ದಿದೆ. ಇದು ಅಂತಿಂತ ಥ್ರಿಲ್ಲಿಂಗ್ ಅಲ್ಲ, ಯಾಕೆಂದರೆ ಈ ಸುದ್ದಿಯಿಂದ ಚೇಸ್ ರಿಲೀಸ್‍ಗೂ ಮೊದಲೇ ಹೊಸ ದಾಖಲೆ ಬರೆದು ರಾಷ್ಟ್ರವ್ಯಾಪಿ ಸುದ್ದಿಯಾಗಿದೆ.
ಮೂವಿ ಸ್ಟ್ರೀಮಿಂಗ್‍ನಲ್ಲಿ ಭಾರತದಾದ್ಯಂತ ಪ್ರಸಿದ್ಧಿ ಪಡೆದುಕೊಂಡಿದ್ದ ಯುಎಫ್‍ಒ ಇತ್ತೀಚಿನ ದಿನಗಳಲ್ಲಿ ಸಿನಿಮಾ ವಿತರಣಾ ಕ್ಷೇತ್ರಕ್ಕೂ ಪಾದಾರ್ಪಣೆ ಮಾಡಿರುವುದು ಗೊತ್ತಿರುವ ವಿಚಾರ. ಆ ಸಂಸ್ಥೆ ಇದೇ ಮೊದಲ ಬಾರಿಗೆ ಕರ್ನಾಟಕಕ್ಕೂ ಪಾದಾರ್ಪಣೆ ಮಾಡಿದ್ದು, ಚೇಸ್ ಚಿತ್ರದ ವಿತರಣಾ ಹಕ್ಕುಗಳನ್ನು ಖರೀದಿಸಿದೆ. ಇದನ್ನೂ ಓದಿ: ಚೆಲುವ ಚಾಮರಾಜನಗರದ ರಾಯಭಾರಿಯಾಗಲು ರೆಡಿ ಎಂದ `ಗಾಜನೂರು ಗಂಡು’ ಶಿವರಾಜ್‌ಕುಮಾರ್
ಇದು ಚೇಸ್ ತಂಡಕ್ಕೆ ಮಾತ್ರವಲ್ಲ, ಇಡೀ ಕನ್ನಡ ಚಿತ್ರರಂಗದ ಪಾಲಿಗೆ ನಿಜಕ್ಕೂ ಖುಷಿಯ ಸಂಗತಿ. ಕೆಜಿಎಫ್ ಮತ್ತು ಚಾರ್ಲಿ ಸಿನಿಮಾ ಬಿಟ್ಟರೆ ಹೀಗೆ ಪ್ಯಾನ್ ಇಂಡಿಯಾ ಲೆವೆಲ್‍ನಲ್ಲಿ ದಾಖಲೆ ಸೃಷ್ಟಿಸಿರುವ ಚೇಸ್ ಸಿನಿಮಾ ತಂದ ಸಿಹಿ ಸುದ್ದಿಗೆ ಚಿತ್ರತಂಡ ಫುಲ್ ಥ್ರಿಲ್ ಆಗಿದೆ.
ಈ ಹೊಸ ದಾಖಲೆಗೆ ಕಾರಣ ಚಿತ್ರದ ಮೇಕಿಂಗ್, ಸ್ಟ್ರಾಂಗ್ ಕಂಟೆಂಟ್, ಪಾತ್ರದ ಸುತ್ತ ಸುತ್ತುವ ಥ್ರಿಲ್ಲಿಂಗ್ ವಿಚಾರಗಳೇ ಅಂದರೆ ತಪ್ಪಲ್ಲ. ಯಾಕಂದರೆ, ಯುಎಫ್‍ಒ ಅಧಿಕಾರಿಗಳು ಸಸ್ಪೆನ್ಸ್ ಥ್ರಿಲ್ಲರ್ ಚಿತ್ರವಾದ ಚೇಸ್ ಅನ್ನು ನೋಡಿ ಮೆಚ್ಚಿ, ಬಹುನಿರೀಕ್ಷಿತ ಚೇಸ್ ಚಿತ್ರದ ವಿತರಣಾ ಹಕ್ಕುಗಳನ್ನು ಖರೀದಿಸುವ ಮೂಲಕ ಚೇಸ್ ದಾಖಲೆ ಸೃಷ್ಟಿಸುವಂತೆ ಮಾಡಿದ್ದಾರೆ. ಈ ಮೂಲಕ ಯುಎಫ್‍ಒ ಚೇಸ್ ಚಿತ್ರವನ್ನು ಕನ್ನಡದಲ್ಲಿ ಭಾರತದಾದ್ಯಂತ ವಿತರಿಸುವ ಹಕ್ಕುಗಳನ್ನು ಪಡೆದುಕೊಂಡಿದ್ದು, ರಾಷ್ಟ್ರ ಮಟ್ಟದಲ್ಲಿ ಗುರುತಿಸಿಕೊಂಡಿರುವುದು ಹೆಮ್ಮೆಯ ವಿಚಾರ. ಇದನ್ನೂ ಓದಿ: ಕೊನೆಗೂ ರಾಜಕೀಯ ಬರುವ ಕುರಿತು ಮೌನ ಮುರಿದ ಅಕ್ಷಯ್ ಕುಮಾರ್
ಸಿಂಪ್ಲಿಫನ್ ಮೀಡಿಯಾ ಪ್ರೈವೇಟ್ ಲಿಮಿಟೆಡ್ ಬ್ಯಾನರ್‍ನಲ್ಲಿ ತಯಾರಾದ ಚೇಸ್‍ಗೆ ಮನೋಹರ್ ಸುವರ್ಣ, ಪ್ರದೀಪ್ ಶೆಟ್ಟಿ ಮತ್ತು ಪ್ರಶಾಂತ್ ಶೆಟ್ಟಿ ನಿರ್ಮಾಪಕರು. ಕಾರ್ತಿಕ್ ಆಚಾರ್ಯ ಚಿತ್ರಕ್ಕೆ ಸಂಗೀತ ಸಂಯೋಜನೆ ಮಾಡಿದ್ದು, ತಾರಾಬಳಗದಲ್ಲಿ ರಾಧಿಕಾ ಚೇತನ್, ಅವಿನಾಶ್, ಶೀತಲ್ ಶೆಟ್ಟಿ, ರಾಜೇಶ್ ನಟರಂಗ, ಪ್ರಮೋದ್ ಶೆಟ್ಟಿ, ಅರವಿಂದ್ ಬೋಲಾರ್, ರೆಹಮಾನ್ ಹಾಸನ್, ಸುಧಾ ಬೆಳವಾಡಿ, ವೀಣಾ ಸುಂದರ್, ಅರ್ಜುನ್ ಯೋಗಿ, ಶ್ವೇತಾ ಸಂಜೀವುಲು, ಅರವಿಂದ್ ರಾವ್, ವೀಣಾ ಸುಂದರ್, ಉಷಾ ಭಂಡಾರಿ ಸೇರಿದಂತೆ ಹಲವರು ನಟಿಸಿದ್ದಾರೆ.
Live Tv
[brid partner=56869869 player=32851 video=960834 autoplay=true]
