ಬೆಂಗಳೂರು: ಯುಪಿ ಯೋಧರ ವಿರುದ್ಧ ಭರ್ಜರಿ ಪ್ರದರ್ಶನ ನೀಡಿದ ಬೆಂಗಳೂರು ಬುಲ್ಸ್ ತಂಡ ಮತ್ತೆ ಗೆಲುವಿನ ಹಳಿಗೆ ಮರಳಿದೆ.
ಎರಡು ತಂಡಗಳ ಬಲಿಷ್ಠ ಹೋರಾಟಕ್ಕೆ ಸಾಕ್ಷಿಯಾದ ಪಂದ್ಯದಲ್ಲಿ ಬೆಂಗಳೂರು ಬುಲ್ಸ್ 31-26 ಅಂಕಗಳಿಂದ ಪಂದ್ಯವನ್ನು 5 ಅಂಕಗಳ ಅಂತರದಿಂದ ಗೆದ್ದಿದೆ. ಎರಡೂ ತಂಡಗಳು ಕೂಡ ರೈಡಿಂಗ್ ಮತ್ತು ಟೇಕಲ್ನಲ್ಲಿ ಉತ್ತಮ ಪ್ರದರ್ಶನ ನೀಡಿದವು, ಅಂತಿಮವಾಗಿ ಬುಲ್ಸ್ ಮೇಲುಗೈ ಸಾಧಿಸಿತು. ಇದೀಗ ಅಂಕಪಟ್ಟಿಯಲ್ಲಿ ಒಟ್ಟು 16 ಪಂದ್ಯಗಳಿಂದ 46 ಪಾಯಿಂಟ್ ಸಂಪಾದಿಸಿ 2ನೇ ಸ್ಥಾನದಲ್ಲಿದೆ. ಇದನ್ನೂ ಓದಿ: ಬೆಂಗಳೂರಿನಲ್ಲಿ ಐಪಿಎಲ್ ಹರಾಜು – 590 ಆಟಗಾರರಿಗೆ ಫೈನಲ್ ಪಟ್ಟಿಯಲ್ಲಿ ಸ್ಥಾನ
#SuperhitPanga just keeps getting better & better. 🍿📊
Who's gonna make it to the playoffs? 🧐#VIVOProKabaddi pic.twitter.com/Z8Mm0jyrGp
— ProKabaddi (@ProKabaddi) February 1, 2022
ಬೆಂಗಳೂರು ಬುಲ್ಸ್ ಪರ ಪವನ್ ಶೆರವತ್ 6 ರೈಡ್, 3 ಬೋನಸ್ ಅಂಕ ಸಹಿತ 9 ಪಾಯಿಂಟ್ ಸಂಪಾದಿಸಿದರೆ, ಯುಪಿ ಯೋಧ ಪರ ನಿತೇಶ್ ಕುಮಾರ್ 6 ಟೇಕಲ್ ಅಂಕ ಪಡೆದು ಮಿಂಚಿದರು. ಬೆಂಗಳೂರು ಬುಲ್ಸ್ 14 ರೈಡ್, 15 ಟೇಕಲ್ ಮತ್ತು 2 ಆಲೌಟ್ ಸಹಿತ ಒಟ್ಟು 31 ಪಾಯಿಂಟ್ ಒಟ್ಟುಗೂಡಿಸಿದರೆ, ಯುಪಿ ಯೋಧ 13 ರೈಡ್, 13 ಟೇಕಲ್ ಸಹಿತ 26 ಅಂಕ ಗಳಿಸಿ 5 ಪಾಯಿಂಟ್ನಿಂದ ಸೋಲು ಕಂಡಿತು. ಇದನ್ನೂ ಓದಿ: ಧೋನಿ, ವಿಕ್ರಮ್ ಫೋಟೋ ವೈರಲ್
